Published:Updated:

சோயா கொண்டாட்டம்!

சத்துமிக்க சோயாவில் ரெசிபிகளை வாரி வழங்கும் பகுதி இது. சோயா கோஃப்தா... சுவையோ சுவை! ஆதிரை வேணுகோபால், படங்கள்: ஆ.முத்துக்குமார்

சோயா கொண்டாட்டம்!

சத்துமிக்க சோயாவில் ரெசிபிகளை வாரி வழங்கும் பகுதி இது. சோயா கோஃப்தா... சுவையோ சுவை! ஆதிரை வேணுகோபால், படங்கள்: ஆ.முத்துக்குமார்

Published:Updated:
##~##

சுவை, சத்து இரண்டையும்  தன்னகத்தே கொண்டு, சமையல் உலகில் தனி இடத்தைப் பெற்றிருக்கும் சிறப்புமிக்க சோயாவில் வகை வகையான ரெசிபிகளை, சமையல்கலை நிபுணர் ஆதிரை வேணுகோபால் வழங்கிவரும் பகுதி இது. இந்த இதழில் இடம்பெறும் ரெசிபிகள்... சோயா சங்ஸ்  பனீர் பொரியல் மற்றும் சோயா கிரானுல்ஸ் கோஃப்தா.

சோயா கிரானுல்ஸ் கோஃப்தா

ஒட்டுமொத்த விகடனுக்கும் ஒரே ஷார்ட்கட்!

தேவையானவை: சோயா கிரானுல்ஸ் - கால் கப், சுரைக்காய் துருவல் - 2 கப், கடலை மாவு - அரை கப், பச்சை மிளகாய் - 3, இஞ்சி - சிறிய துண்டு, பூண்டு - 3 பல், பொடியாக நறுக்கிய மல்லித்தழை -  சிறிதளவு, எண்ணெய், உப்பு  - தேவையான அளவு.

செய்முறை: சோயா கிரானுல்ஸை கொதிநீரில் 2 நிமிடம் போட்டு வைத்திருந்து, பிறகு நீரை வடித்து குளிர்ந்த நீரில் 2 முறை அலசி, ஒட்டப்பிழிந்து, மிக்ஸியில் ஒரு சுற்று சுற்றி எடுக்கவும். சுரைக்காய் துருவலை நன்கு பிழிந்து உதிர் உதிராக எடுத்துக்கொள்ளவும். பச்சை மிளகாய், இஞ்சி, பூண்டு மூன்றையும் மிக்ஸியில் விழுதாக அரைக்கவும்.

சோயா கொண்டாட்டம்!

சோயா கிரானுல்ஸ், சுரைக்காய் துருவலுடன்.... கடலை மாவு, அரைத்த பச்சை மிளகாய் விழுது, மல்லித்தழை, உப்பு சேர்த்துப் பிசைந்து, சின்னச் சின்ன உருண்டைகளாக உருட்டவும். வாணலியில் எண்ணெய் விட்டு, காய்ந்ததும் உருண்டைகளைப் போட்டு பொரித்தெடுக்கவும்.

குறிப்பு: சோயா கிரானுல்ஸ் கலவையைப் பிசைந்த பிறகு அதிக நேரம் வைத்திருக்கக் கூடாது உடனே பொரித்து விட வேண்டும். இல்லாவிட்டால், கலவை நீர்த்துக் கொள்ளும்.

சோயா சங்ஸ்  பனீர் பொரியல்

தேவையானவை: சோயா சங்ஸ் - 50 கிராம், பனீர் - 50 கிராம் (சிறு துண்டுகளாக நறுக்கவும்), வெங்காயம் - 3, தக்காளி - 4,  இஞ்சி - பூண்டு விழுது - 2 டீஸ்பூன், மிளகாய்த்தூள் - 2 டீஸ்பூன், கரம் மசாலாத்தூள் - அரை டீஸ்பூன், பொடியாக நறுக்கிய மல்லித்தழை - சிறிதளவு, முந்திரிப் பருப்பு - 8, வெண்ணெய் - 50 கிராம், உப்பு - தேவையான அளவு.

செய்முறை: வெங்காயம், தக்காளியை மிகவும் பொடியாக நறுக்கவும். முந்திரிப் பருப்பை சுடுநீரில் அரை மணி நேரம் ஊற வைக்கவும். சோயா சங்ஸை வெந்நீரில் 5 நிமிடம் போட்டு வைத்திருந்து, பிறகு நீரை வடித்து, குளிர்ந்த நீரில் 2 முறை அலசி பிழிந்து, இரண்டிரண்டாக நறுக்கி வைத்துக் கொள்ளவும்.

சோயா கொண்டாட்டம்!

வாணலியில் வெண்ணெயை உருக்கி, வெங்காயம் சேர்த்து வதக்கி, சிறிதளவு உப்பு சேர்க்கவும்.  இதனுடன் தக்காளி, இஞ்சி - பூண்டு விழுது, சோயா சங்ஸ், மிளகாய்த்தூள், ஊறிய முந்திரிப் பருப்பு, தேவையான உப்பு சேர்த்து பச்சை வாசனை போகும் வரை நன்கு வதக்கவும். பிறகு பனீர் துண்டுகள், கரம் மசாலாத்தூள் சேர்த்து வதக்கி, அரை டம்ளர் நீர் சேர்க்கவும். நன்கு கொதித்ததும் மல்லித்தழை தூவி இறக்கி பரிமாறவும். 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism