‘மைக்ரோவேவ் அவன்’ சமையல்!

வசந்தா விஜயராகவன் . 'மைக்ரோவேவ் அவன்' சமையல் . அன்னாசி - தேங்காய்ப்பால் கொழுக்கட்டை

. தேவையானவை அன்னாசிப்பழத் துண்டுகள் - ஒரு கப், சர்க்கரை - 2 கப், அரிசிமாவு - ஒரு கப், முதலாம் தேங்காய்ப் பால் - ஒன்றரை கப், இரண்டாம் தேங்காய்ப் பால் - 2 முதல் 3 கப்.

செய்முறை ஒரு மைக்ரோ பவுலில் அன்னாசிப் பழத் துண்டுகள், ஒரு கப் சர்க்கரை சேர்த்து 'மைக்ரோ ஹை'யில் 3 முதல் 4 நிமிடம் சமைக்கவும். நடு நடுவே கிளறி விடவும். கலவை இறுகியதும் வெளியே எடுத்து ஆற விடவும்.

மற்றொரு மைக்ரோ பவுலில் முதலாம் தேங்காய்ப் பாலை விட்டு, 'மைக்ரோ ஹை'யில் ஒன்றரை நிமிடம் சூடு பண்ணி, அரிசி மாவைச் சேர்த்து, கெட்டியாகப்

பிசைந்து கொள்ளவும். இதை, சிறு சிறு உருண்டைகளாக உருட்டிக் கொள்ளவும்.

பிறகு, மைக்ரோ ப்ரூஃப் பாத்திரத்தில் இரண்டாம் தேங்காய்ப் பாலை விட்டு 'மைக்ரோ ஹை'யில் 2 நிமிடம் கொதிக்க விடவும். இதில் உருண்டைகளை ஒவ்வொன்றாகப் போட்டு 3 முதல் 4 நிமிடம் அல்லது உருண்டை மேலே மிதக்கும்வரை 'மைக்ரோ ஹை'யில் சமைக்கவும். மீதி ஒரு கப் சர்க்கரையை சேர்த்து, கரையும்வரை லேசாகக் கிளறிவிடவும்.

சிறிய கிண்ணங்களில் ஊற்றிப் பரிமாறவும்.

. -படம் உசேன்

.

‘மைக்ரோவேவ் அவன்’ சமையல்!

Vikatan Correspondent