Published:Updated:

நம்ம வீட்டுத் தோட்டம் !

நம்ம வீட்டுத் தோட்டம் !

நம்ம வீட்டுத் தோட்டம் !

நம்ம வீட்டுத் தோட்டம் !

Published:Updated:

நம்ம வீட்டுத் தோட்டம்! - 8
நந்தினி
நம்ம வீட்டுத் தோட்டம் !
நம்ம வீட்டுத் தோட்டம் !

ஒட்டுமொத்த விகடனுக்கும் ஒரே ஷார்ட்கட்!

"மனசு வெச்சாதான் மலரும் மாடித் தோட்டம்!"
நம்ம வீட்டுத் தோட்டம் !

"வருங்காலத்துல நாம எதிர்கொள்ள

நம்ம வீட்டுத் தோட்டம் !

இருக்கற உணவுப் பஞ்சத்துல இருந்து மீள்றதுக்கு, கண்டிப்பா ஒவ்வொருத்தரும் தங்களோட வீட்டுல தோட்டம் அமைக்கணும்!"

- வேண்டுகோளும் எச்சரிக்கையுமாக முதல் வரி வைக்கிறார் 'எக்ஸ்னோரா' அமைப்பின் நிறுவனர் எம்.பி.நிர்மல்.

கடந்த இருபது வருடங்களாக சுற்றுச்சூழல் மாசுகளை களைவதற்காக அரசுடன் இணைந்து பல சமுதாய நலத் திட்டங்களை செயல்படுத்தி வரும் 'எக்ஸ்னோரா இன்டர்நேஷனல்' தன்னார்வத் தொண்டு நிறுவனத்துக்கு அறிமுகம் தேவையில்லை. அரும்பாக்கத்தில் இருக்கிறது அதன் நிறுவனர் நிர்மலின் அலுவலகம். அதன் மொட்டை மாடியில் உள்ள 'மாதிரி தோட்டத்'துக்குச் சென்றுவிட்டால், நமக்கு சோறு, தண்ணி தேவையில்லை! அந்தளவுக்கு கண்களுக்கு குளுமையாவும், மனதுக்கு இனிமையாகவும் வசீகரிக்கின்றன பச்சைச் செடி, கொடி, மரங்களும்... அவற்றில் உள்ள பூ, காய், கனிகளும்!

நம்ம வீட்டுத் தோட்டம் !

மாடிப்படிகளில் கொலுவைப் போல படிக்கு ஒன்றாக சிரிக்கின்றன துளசி, சித்தரத்தை, வல்லாரை, தூதுவளை மற்றும் பிரண்டை செடி, கொடிகள்! கடந்து சென்றால் வெங் காயம், முள்ளங்கி, கத்திரி, பச்சை மிளகாய், தக்காளி, கொத்தமல்லி, பருப்புக்கீரை, அரைக்கீரை, புளிச்சகீரை, பீர்க்கன், பூசணி, பாகல் என விரிந்து கிடக்கிறது அந்த 'மாதிரி தோட்டம்'!

அது என்ன 'மாதிரி தோட்டம்'?

நம்ம வீட்டுத் தோட்டம் !

"ஆசைக்கு சில பூச்செடிகளும், குரோட்டன்ஸ்களும் வளர்க்காம... அரிசி, பருப்பு, காய்கறி, கனிகள்னு நம்ம குடும்பத்துக்குத் தேவையானதை எல்லாம் நம்ம தோட்டத்துலயோ, மொட்டை மாடியிலயோ பயிர் செஞ்சுக்கறதுதான் 'மாதிரி தோட்டம்'! இப்போ என் 'ஸ்கை ஃபார்மிங்'ல (மொட்டை மாடித் தோட்டம்) நெல்லுல இருந்து மேல சொன்ன எல்லாத்தையுமே விளைவிக்கறேன்!" என்று ஆர்ச்சர்யப்படுத்திய நிர்மல், அவரின் நெல் சாகுபடி லிமிட்டுக்கு அழைத்துச் சென்றார். அங்கே, ஊஞ்சாலாடிக் கொண்டிருந்தன நெற்பயிர்கள்!

"இந்த இடத்துல 'ஒற்றை நாற்று நடவு முறை'னு சொல்லப்படுற முறையில நெல் பயிர் செய்திருக்கேன். பயன்படாத பழைய மூங்கிலை ரெண்டா பிளந்து, அதோட ரெண்டு முனையையும் சங்கிலியில பிணைச்சு இப்படி தொங்கவிட்டா... நெல்லுக் கான வயல் (!) ரெடி. இதேபோல உங்ககிட்ட இருக்கற இடத்துக்கு தகுந்தபடி மூங்கில்களை வெச்சே மொட்டை மாடியில நெல் நடவு போடலாம். அதன் மூலமா, முழுக்க இயற்கையான நெல்லை உற்பத்தி பண்ணி, கொஞ்சத்துக்கு கொஞ்சமாவது இயற்கை அரிசியில சாப்பிடலாம்" என்று நம்மை ஆச்சர்யப்பட வைத்தவர், மாதிரி தோட்டத்துக்கான உரத் தயாரிப்பு பற்றியும் பேசினார்...

நம்ம வீட்டுத் தோட்டம் !

"காய்கறிக் கழிவுகளை தேவைப்படாத பழைய பிளாஸ்டிக், இரும்பு, மண் தொட்டினு எதுல வேணாலும் சேகரிச்சு, ஏரோபிக், அன்-ஏரோபிக்னு ரெண்டு முறையில உரம் தயாரிக்கலாம். இதுல ஏரோபிக் உரம் தயாரிக்க, கழிவைச் சேகரிக்கற பாத்திரத்துல காற்று போற மாதிரி துளை போடணும். அன்-ஆரோபிக் உரம் தயாரிக்க, காற்று புகாம கழிவுகளை சேகரிக்கணும். இப்படி ரெண்டு முறையிலயும் சேகரிச்ச கழிவுகள், மக்கிய உரமா மாறுறதுக்கு மூணு மாசம் ஆகும். அப்பறம் அதை தாவரங்களுக்குப் பயன்படுத்தலாம்!" என்று தொழில்நுட்பம் சொன்னவர், தான் சேகரித்து வரும் உரங்களையும் நமக்குக் காட்டினார்.

"நம்ம நாட்டுலதான் பணம் கொடுத்தா விளை நிலங்கள்கூட கட்டடங்களாகும். ஆனா, வெளி நாடுகள்ல விளைநிலங்கள வீடுகளா மாற்ற அனுமதி வழங்கறதில்லை. என்னதான் மக்கள் தொகை பெருகினாலும் தனித்தனி குடியிருப் புகளை பெருக்காம, நெடுக்குவாட்டில் அடுக்குமாடி குடியிருப்பா மாற்றுவதன் மூலம் விளைநிலங்கள், வீட்டுமனை ஏரியாக்களா மாறுறதைத் தவிர்க்கறாங்க" என்று சொன்ன நிர்மல்,

"தோட்டம்போட இடத்தைவிட மனசுதான் முதல்ல வேணும். முட்டை ஓடு, தேங்காய் ஓடு, பயன்படாத ஷூக்கள், மோட்டார் வாகன டயர்கள், புக் ராக், பவுடர் டப்பானு எங்கெல்லாம் மண்ணும் நீரும் நிக்குமோ... அங்கேயெல்லாம் செடி வளர்க்கலாம். ஏன்னா... வாழ்ந்தே தீருவேங்கற வைராக்கியம் செடி, கொடிகளுக்கு இருக்கு. விதையை விதைச்சுட்டு நீங்க தூங்கப் போகலாம்... விதை தூங்காது!" என்று 'சூப்பர் பஞ்ச்' வைத்தவர், அப்படியே தன்னுடைய கிராமத்து நினைவுகளுக்கள் புகுந்தார்.

நம்ம வீட்டுத் தோட்டம் !

''ஒரு காலத்துல எங்க தாத்தாவுக்கு ஏக்கர் கணக்குல நிலமிருந்துச்சு. ஆனா, அப்பா காலத்துல அது சில ஏக்கர்களா சுருங்கி, கடைசியில துளிகூட நிலமில்லாத ஏழைகளா மாற வேண்டியதாயிடுச்சு. பிறகு, நான் படிச்சு வளர்ந்து ஆளாகிட்டேன்னு வெச்சுக்கோங்க. ஆனா, உள் மனசுல நாமளும் விவசாயிதானேங்கற நினைப்பு எப்பவும் இருக்கு. இன்னிக்கு நகரவாசியா மாறிட்டதால அப்பப்ப எட்டிப் பார்க்கற அந்த விவசாயி... 'என்ன வழி?'னு தெரியாம உள்ள போயிடறான். இதுக்கு என்ன வழினு யோசிச்சேன். 'கூட்டுப் பண்ணை விவசாய முறை'தான் சரியா இருக்கும்னு தீர்மானிச்சேன். அதாவது, ஆர்வமுள்ளவங்க ஒண்ணா சேர்ந்து ஒரு நிலத்தை வாங்கணும். அதுல இயற்கை முறையில பயிர் செஞ்சு, விளைச்சல், லாபத்தை பங்கிட்டுக்கலாம். இதோபோல மைசூர் பக்கத்துல செய்துகிட்டிருக்காங்க. நம்ம ஊருலயும் இப்படிச் செய்யலாம்னு நண்பர்களோட கலந்தப்ப... பழநி பக்கத்துல ஐந்நூறு ஏக்கர் நிலத்தை வாங்கிட் டோம். அதுல ஐந்து ஏக்கர் எனக்குச் சொந்தமாகியிருக்கு! இப்ப... உள்ளுக்குள்ள உறங்கிக்கிட்டிருந்த விவசாயி... தைரியமா நடமாட ஆரம்பிச்சுட்டான்" என்றவர்,

நம்ம வீட்டுத் தோட்டம் !

''பெரும்பாலும் நம்ம எல்லாருக்குள்ளயும் அப்படி ஒருத்தன் நடமாடிக்கிட்டுதான் இருப்பான். நாம முயற்சி பண்ணினா... அவனுக்கு விடுதலை கொடுக்கலாம். நண்பர்களா சேர்ந்து இப்படி கூட்டுப்பண்ணை போடலாம். இதன் மூலமா உணவு உற்பத்தியைப் பெருக்கலாம். இது நாட்டுக்கும், எதிர்கால சந்ததிக்கும் நாம செய்ய வேண்டிய கடமை'' என்று வலியுறுத்தி முடித்தார்.

 

நம்ம வீட்டுத் தோட்டம் !
-படங்கள் து.மாரியப்பன்
நம்ம வீட்டுத் தோட்டம் !
நம்ம வீட்டுத் தோட்டம் !
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism