Published:Updated:

கிச்சன் கிளினிக் !

கிச்சன் கிளினிக் !

கிச்சன் கிளினிக் !

கிச்சன் கிளினிக் !

Published:Updated:

கிச்சன் கிளினிக் (25)
'செஃப்' ஜேக்கப்
கிச்சன் கிளினிக் !
கிச்சன் கிளினிக் !

ஒட்டுமொத்த விகடனுக்கும் ஒரே ஷார்ட்கட்!

சிறுநீரகக் கல்லைக் கரைக்கும் 'தால்மக்னி'!
எந்த நோய்க்கு என்ன சாப்பாடு?

கிச்சன் கிளினிக் !

ன்று, இருபது வயதினரையும் எளிதில் தாக்கக் கூடிய நோய்களில் ஒன்றாக உருவெடுத்து மிரட்டிக் கொண்டு நிற்கிறது... சிறுநீரகக் கல். கவனிக்காமல் விட்டால், கிட்னியைப் பழுதாக்கி, உயிருக்கே உலை வைத்துவிடும் என்பதுதான் கொடுமை.

'சரி, இவை ஏன் உருவாகின்றன... இதிலிருந்து தப்பிப்பது எப்படி...' என்றுதானே யோசிக்கிறீர்கள்?

இதோ... சென்னை, ராமச்சந்திரா மருத்துவக்கல்லூரி மருத்துவமனையின் சிறுநீரகத்துறை தலைமை மருத்துவர் டாக்டர் பி.சௌந்தரராஜன் அதைப் பற்றி பேசுகிறார்.

''சுற்றுச்சூழல், உணவுப் பழக்க வழக்கங்கள், வாழும் முறை இவற்றைப் பொறுத்து உடலுக்குள் கல் வந்து சேர்ந்துவிடும். கால்ஷியம் போன்ற உப்பு அதிகம் உள்ள தண்ணீரைத் தொடர்ந்து குடிக்கும்போது, உப்பானது... சிறுநீரோடு சேர்ந்து வெளியேறாமல், சிறுநீரகத்திலேயே தங்கி, படிந்து படிந்து கல்லாக மாறிவிடும். உணவில் தக்காளி, பசலைக்கீரை, சாக்லேட் வகைகளை சாப்பிடும்போது, அவை ரத்தத்தில் ஆக்சிலேட்டின் அளவை அதிகரிக்க செய்து, கால்சியம் கற்களை உருவாக்கிவிடும்.

கிச்சன் கிளினிக் !

பால், ஐஸ்க்ரீம், வெண்ணெய் போன்ற கால்ஷியம் அதிகம் உள்ள உணவை அதிகமாக எடுத்துக் கொள்ளுதல், உடம்பின் தேவைக்கு மீறி அதிகப்படியான கால்சியம் மாத்திரைகளை வாங்கிச் சாப்பிடுதல், சதா சர்வகாலமும் ஏதேனும் கொரித்தல், அதிக அளவு ஃபாஸ்ட் ஃபுட் உணவுகளைச் சாப்பிடுதல், உடலுக்குப் போதுமான தண்ணீர் அருந்தாமலிருத்தல், உப்பு சார்ந்த பிஸ்கட், உணவுகளைச் சாப்பிடுதல் இவற்றாலும் கல் உருவாக அதிக வாய்ப்புகள் உண்டு. அதிக அளவு அசைவ உணவைச் சாப்பிடுபவர்களுக்கு யூரிக் ஆசிட் கல் வரவும் வாய்ப்பு இருக்கிறது.

சிறுநீரகக் கல் நோயால் பாதிக்கப்பட்டவர்கள், உணவில் உப்பைக் குறைத்து கொள்ளவேண்டும். தண்ணீர், பழ ரசம், திரவ உணவுகளை உட்கொள்வது நல்லது. சைவ உணவு மிக நல்லது. டப்பாக்கள், பாட்டில்களில் அடைக்கப்பட்ட பானங்கள், பீட்சா, பர்கர் போன்ற ஜங்க் உணவுகள், நட்ஸ் வகைகளை தவிர்ப்பது அவசியம். பசலைக்கீரை, பிஸ்தா, பாதாம், முந்திரி, சாக்லேட், டீ, தவிட்டுடன்கூடிய கோதுமை, சோளம், கம்பு, ராகி போன்றவற்றின் பக்கமே தலைவைத்து படுக்கக்கூடாது. முக்கியமாக சிறுநீரை அடக்கி வைக்கக் கூடாது.

கிச்சன் கிளினிக் !

சிறுநீரகக் கற்கள் உருவாகிவிட்டால், பிரசவவலியைவிட பல மடங்கு வலி இருக்கும். முதுகு வலி, சோர்வு, சிறுநீர் கழிக்கமுடியாமல் அடிவயிற்றில் ஏற்படும் வலி, சிறுநீருடன் ரத்தம் வருதல், எரிச்சல் தோன்றுதல் என்று பல்வேறு அறிகுறிகள் தென்படும்.

சிறிய அளவிலான கற்களை பயிற்சி, உணவு முறை மற்றும் மருந்துகளால் சரிசெய்துவிட முடியும். வந்த பிறகு சரிசெய்து கொள்ளலாம் என்பதைவிட, வராமலே பார்த்துக் கொள்வதுதான் நல்லது. எனவே, இளவயதில் இருப்பவர்கள், 'வாய்க்கு ருசி' என்று தேடி அலையாமல், உடம்புக்கு எவையெல்லாம் நல்லது என்று தேடித்தேடி சாப்பிட்டால், எந்த நோயும் கிட்டே நெருங்காது.''

என்ன... டாக்டர் சௌந்தரராஜன் சொன்னதைஎல்லாம் கேட்டுக் கொண்டீர்கள்தானே? இனி, சிறுநீரகக் கல்லைக் கரைக்கக்கூடிய ரெசிபிகளைப் பார்க்கலாமா?!

ஆப்பிள் சாலட்

தேவையானவை நறுக்கிய ஆப்பிள் - ஒரு கப், மிளகுத்தூள் - ஒரு டீஸ்பூன், தேன், எலுமிச்சைச் சாறு - தலா ஒரு டேபிள்ஸ்பூன், சர்க்கரை, உப்பு - சிறிதளவு.

கிச்சன் கிளினிக் !

செய்முறை ஆப்பிள்களை சதுர துண்டுகளாக நறுக்கி, சர்க்கரை கரைத்த தண்ணீரில் போடவும். பிறகு, அதை எடுத்து... மிளகுத்தூள், தேன், எலுமிச்சைச்சாறு, உப்பு சேர்த்து, ஃப்ரிட்ஜில் வைத்துச் சாப்பிடவும்.

காலையில் சாப்பிடுவது பெஸ்ட்.

துளசி-தேன் சாதம்

தேவையானவை சாதம் - 2 கப், தேன் - 2 டேபிள்ஸ்பூன், நெய் - ஒரு டேபிள்ஸ்பூன், துளசி - ஒரு கைப்பிடி, வறுத்த முந்திரி - சிறிதளவு.

கிச்சன் கிளினிக் !

செய்முறை முந்திரிப் பருப்பு நீங்கலாக மற்ற எல்லாவற்றையும் ஒரு பாத்திரத்தில் போட்டு ஒன்றாகக் கலக்கவும். பிறகு, அந்தப் பாத்திரத்தை, இட்லி குக்கரில் வைத்து, அடுப் பில் ஏற்றவும். மூன்று நிமிடம் கழித்து எடுக்கவும். பிறகு, முந்திரிப் பருப்பைச் சேர்க்க வும்.

இது, மதிய உணவுக்கு ஏற்றது.

தால் மக்னி

தேவையானவை ராஜ்மா பீன்ஸ் - ஒரு கப், கறுப்பு உளுந்து - அரை கப், பூண்டு பேஸ்ட், மிளகாய்த்தூள், கரம் மசாலாத்தூள் - தலா அரை டீஸ்பூன், வெங்காயம், தக்காளி அரைத்த விழுது \ ஒரு டேபிள் ஸ்பூன், வெண்ணெய் - சிறிதளவு, சீரகம் - ஒரு டீஸ்பூன், பிரியாணி இலை, கொத்தமல்லி, உப்பு - சிறிதளவு.

கிச்சன் கிளினிக் !

செய்முறை ராஜ்மா பீன்சுடன் கறுப்பு உளுந்தை சேர்த்து வேகவிடவும். வெந்ததும், பூண்டு பேஸ்ட், மிளகாய்த்தூள், கரம் மசாலாத்தூள், உப்பு, வெங்காயம், தக்காளி பேஸ்ட்டை அதனுடன் சேர்த்து, அரை மணி நேரம் வேகவிடவும். இன்னொரு கடாயில் வெண்ணெய் சேர்த்து, பிரியாணி இலை, கொத்தமல்லி, சீரகம் தாளித்துக் கொட்டி இறக்கவும்.

சப்பாத்தி, ரொட்டியுடன் மாலை வேளைகளில் சாப்பிடலாம்.

சரி, இந்த ரெசிபிகள் பற்றி 'டயட்டீஷியன்' கிருஷ்ணமூர்த்தி என்ன நினைக்கிறார் என்று கேட்டுவிடுவோம்...

"ஆப்பிள் சாலடில் அதிக அளவு நீர்ச்சத்து, வைட்டமின் 'சி', தாதுப் பொருட்கள் இருப்பதால், கல்லையும் கரைய வைக்கக்கூடிய அளவுக்கு அற்புதமான சாலட்.

துளசி-தேன் சாதத்தில் மாவுச்சத்துடன், புரதம், கார்போஹைட்ரேட், வைட்டமின் 'ஏ' சத்து இருக்கிறது. சாதம் துவர்ப்புத் தன்மையுடன் இருப்பதால், அதிகமாக தாகம் எடுக்கும். இதனால் சிறுநீர் நன்றாகப் பிரியும்.

தால் மக்னியில் புரதம், ஃபோலிக் ஆசிட், தாது உப்புக்கள் கிடைப்பதால் நல்ல எனர்ஜி கிடைக்கும்.

மொத்தத்தில் மூன்றும் சேர்ந்து நல்ல பேலன்ஸ்டு டயட் ஃபுட். இதைத்தவிர, தினமும் காலையில் வாழைத்தண்டு, கற்றாழை, எலுமிச்சை ஜூஸ் வகைகள், பார்லி வாட்டர், இளநீர் போன்றவற்றை ஒவ்வொன்றும் ஒவ்வொரு நாள் குடித்து வந்தால், கற்கள் கரைந்து சிறுநீர் நன்றாக போகும். அதிக அளவு பழங்களை சேர்த்துக் கொள்வதும் அவசியம். மொத்தத்தில் நோய்கள் நம்மை நெருங்கவிடாமல் இருக்க, உணவுதான் பிரதானம். அதில் கவனம் வையுங்கள்.''

ஆம், டயட்டீஷியன் கிருஷ்ணமூர்த்தி சொல்வதுதானே உண்மை. அதைத்தானே...

'மருந்தென வேண்டாவாம் யாக்கைக்கு அருந்தியது

அற்றது போற்றி உணின்' என்று சொல்லியிருக்கிறார் திருவள்ளுவர். அதாவது, நாம் ஏற்கெனவே உண்ட உணவு நன்றாக செரித்த பிறகு, அடுத்தவேளை உணவைச் சாப்பிட்டு வந்தால், இந்த உடலுக்கு மருந்து என்பதே தேவையில்லை என்பதுதான் அதன் அர்த்தம்.

எனவே, உணவு விஷயத்தில் அதிக கவனம் செலுத்த உறுதியெடுப்போம்... இயற்கையோடு இணைந்த உணவுகளை உண்டு, ஆயுளுக்கும் ஆரோக்கியமாக வாழ வழி வகுப்போம்!

இப்போதைக்கு 'கிச்சன் கிளினிக்' தொடர் நிறைவடைகிறது. வாய்ப்பு கிடைக்கும்போது மீண்டும் சந்திப்போம்.

வாழ்த்துக்கள்!

கிச்சன் கிளினிக் !
-நிறைவடைந்தது
தொகுப்பு ரேவதி
படங்கள் என்.விவேக்
கிச்சன் கிளினிக் !
கிச்சன் கிளினிக் !
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism