Published:Updated:

வாசகிகள் கைமணம்!

வாசகிகள் கைமணம்!

வாசகிகள் கைமணம்!

வாசகிகள் கைமணம்!

Published:Updated:

வாசகிகள் கைமணம்
வாசகிகள் கைமணம்!
வாசகிகள் கைமணம்!

ஒட்டுமொத்த விகடனுக்கும் ஒரே ஷார்ட்கட்!

பிரமாதம்... பிரண்டை பிஸ்கட்!

எனர்ஜி கட்லெட்

தேவையானவை வேக வைத்து மசித்த முளைப்பயறு, வாழைத்தண்டு - தலா ஒரு கப், உருளைக்கிழங்கு (வேக வைத்து மசித்தது) - 2, கரம் மசாலாத்தூள் - 2 டீஸ்பூன், இஞ்சி - பச்சை மிளகாய் விழுது - ஒரு டீஸ்பூன், பொடியாக நறுக்கிய கொத்தமல்லி - அரை கப், மைதா மாவு - 2 டேபிள்ஸ்பூன் (கரைத்துக் கொள்ளவும்), பிரெட் தூள் - 4 டேபிள்ஸ்பூன், உப்பு, எண்ணெய் - தேவையான அளவு.

வாசகிகள் கைமணம்!

செய்முறை மசித்த உருளைக்கிழங்கு-வாழைத் தண்டு-முளைப்பயறு, உப்பு, கரம் மசாலாத்தூள், இஞ்சி - பச்சை மிளகாய் விழுது, கொத்தமல்லி எல்லாவற்றையும் நன்றாகக் கலந்து கொள்ளவும். இதை சிறு உருண்டைகளாக அல்லது நீள் வடிவில் செய்து, மைதா மாவு கரைசலில் தோய்த்து எடுத்து, பிரெட் தூளில் புரட்டி, காயும் எண்ணெயில் பொன்னிறமாகப் பொரித்து எடுக்கவும்.

- ராதா ஸ்ரீனிவாசன், சென்னை-4

மிஷ்டி தோய்

தேவையானவை திக்கான பால் - 3 கப், சர்க்கரை - ஒரு கப், தயிர் - ஒரு டேபிள்ஸ்பூன்.

வாசகிகள் கைமணம்!

செய்முறை அகலமான கடாயில் பாலை விட்டு, கொடுத்துள்ள சர்க்கரையில் முக்கால் அளவு மட்டும் சேர்க்கவும். இதை அடுப்பில் வைத்து, நன்றாகக் கொதித்ததும் அடுப்பை 'சிம்'மில் வைத்து, அவ்வப்போது கலக்கிவிடவும். பால் பாதியாக சுண்டியதும் இறக்கி வைத்து ஆடை படியாமல் அவ்வப்போது கலக்கி விடவும். மீதமுள்ள சர்க்கரையை அடிகனமான கடாயில் போட்டு, ஒரு டேபிள்ஸ்பூன் தண்ணீர் விட்டு கலக்கிக் கொண்டே இருந்தால், அடர்ந்த பிரவுன் கலராகிவிடும். சுண்டக் காய்ச்சிய பாலில் சிறிது சிறிதாக அதைச் சேர்த்துக் கலக்கி, மீண்டும் அடுப்பில் வைத்து 'சிம்'மில் காய்ச்சி, பத்து நிமிடத்தில் இறக்கி, ஆற விடவும். வெதுவெதுப்பான சூட்டில் இருக்கும்போது, தயிரை அதில் விட்டு கலக்கவும். இதை சுமார் 10 மணி நேரம் வரை மூடி வைத்து கெட்டியாக செட்டானதும் ஃப்ரிட்ஜில் வைத்து, 'கப்'களில் போட்டு பரிமாறவும்.

- என்.ராஜேஸ்வரி, பெங்களூரு

பிரண்டை-கேழ்வரகு பிஸ்கட்

தேவையானவை இளசான பிரண்டைத் தண்டு - ஒரு பிடி, நெய் - 2 டீஸ்பூன், கேழ்வரகு மாவு - ஒரு கப், ஏலக்காய்த்தூள் - கால் டீஸ்பூன், சீரகத்தூள், மிளகுத்தூள் - தலா அரை டீஸ்பூன், பச்சை மிளகாய் - 4, கறிவேப்பிலை - சிறிதளவு, இஞ்சி - ஒரு சிறிய துண்டு, பெருங்காயத்தூள் - சிறிதளவு, உப்பு, எண்ணெய் - தேவையான அளவு.

வாசகிகள் கைமணம்!

செய்முறை பிரண்டையை சிறு துண்டுகளாக நறுக்கவும். கேழ்வரகு மாவுடன், பொடியாக நறுக்கிய பச்சை மிளகாய், கறிவேப்பிலை, இஞ்சி, ஏலக்காய்த்தூள், மிளகுத்தூள், சீரகத்தூள், பெருங்காயத்தூள், உப்பு சேர்த்துக் கலக்கவும். நறுக்கிய பிரண்டைத் துண்டுகளை நெய் விட்டு நன்றாக வதக்கி, கேழ்வரகு மாவு கலவையுடன் சேர்த்து, தண்ணீர் தெளித்து கெட்டியாகப் பிசையவும். அரை மணி நேரம் கழித்து சப்பாத்தி போல் இட்டு, சதுரமாக வெட்டி எண்ணெயில் பொரித்தெடுக்கவும்.

- கே.ஷண்முகப்பிரியா, மேட்டூர் அணை-3

வாசகிகளின் குறிப்புகளைத் தேர்ந்தெடுத்து, சமைத்து, ருசித்து சர்டிஃபிகேட் தந்திருப்பவர் 'சுவையரசி' சாந்தி விஜயகிருஷ்ணன். அவருடைய கமென்ட்ஸ்...

எனர்ஜி கட்லெட் புதினா சேர்த்து செய்தால் ஜீரணத்துக்கும் நல்லது. வாசனையாகவும் இருக்கும்.

மிஷ்டி தோய் கலர் சேர்த்து செய்தால், பார்க்க அழகாக இருக்கும்.

பிரண்டை - கேழ்வரகு பிஸ்கட் பிரண்டையை நெய்யில் வதக்கியதும், அதை அரைத்து சேர்த்தால் பிஸ்கட் இன்னும் நன்றாக இருக்கும்.

வாசகிகள் கைமணம்!
-படங்கள் வி.செந்தில்குமார்
வாசகிகள் கைமணம்!
வாசகிகள் கைமணம்!
   
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism