Published:Updated:

’கும்’முனு இருக்கு... குதிரைவாலி அடை!

ஆச்சி மசாலா வழங்கும் வாசகிகள் கைமணம்படங்கள்: எம்.உசேன்

’கும்’முனு இருக்கு... குதிரைவாலி அடை!

ஆச்சி மசாலா வழங்கும் வாசகிகள் கைமணம்படங்கள்: எம்.உசேன்

Published:Updated:

 ஒவ்வொன்றுக்கும் பரிசு:

’கும்’முனு இருக்கு... குதிரைவாலி அடை!

200  

ஒட்டுமொத்த விகடனுக்கும் ஒரே ஷார்ட்கட்!

வாசகிகளின் குறிப்புகளைத் தேர்ந்தெடுத்து, சமைத்து வழங்கியிருப்பவர் 'சுவையரசி’ சாந்தி விஜயகிருஷ்ணன்

பேரீச்சம்பழ பூரி

தேவையானவை: மைதா - ஒரு கப், காய்ந்த மிளகாய் - 5, புளி - சிறிதளவு, பேரீச்சம்பழம் - 100 கிராம், வெண்ணெய் - சிறிதளவு, இஞ்சி - பூண்டு விழுது - 2 டீஸ்பூன், எண்ணெய், உப்பு - தேவையான அளவு.

’கும்’முனு இருக்கு... குதிரைவாலி அடை!

செய்முறை: மைதாவுடன் உப்பு, தேவையான நீர், சிறிது எண்ணெய் சேர்த்து நன்றாக அடித்துப் பிசையவும். காய்ந்த மிளகாயை வறுத்து... அதனுடன் உப்பு, புளி, பேரீச்சம்பழம் சேர்த்து அரைக்கவும். இதில் இஞ்சி - பூண்டு விழுதைக் கலக்கவும். மைதாவை சிறு பூரிகளாக செய்து, அதன் மீது சிறிது வெண்ணெய் தடவவும். பிறகு, பேரீச்சம்பழக் கலவையை தடவவும். பூரியை நான்காக மடித்து ஓரங்களை சிறிது நீர் தடவி நன்றாக அழுத்தி மூடவும். வாணலியில் எண்ணெயை சூடாக்கி  பூரிகளை பொரித்தெடுக்கவும்.

- பத்மஜா ராமகோபால், பெங்களூரு

குதிரைவாலி வெஜிடபிள் அடை

தேவையானவை: மாவு அரைப்பதற்கு: குதிரை வாலி அரிசி, புழுங்கல் அரிசி - தலா ஒரு கப், துவரம்பருப்பு - முக்கால் கப், உளுந்து, பாசிப்பருப்பு - தலா ஒரு கைப்பிடியளவு, காய்ந்த மிளகாய் - 3, கறிவேப்பிலை - சிறிதளவு, எண்ணெய், உப்பு - தேவையான அளவு.

மாவில் கலப்பதற்கு: கேரட் (சிறியது) -  ஒன்று (துருவிக் கொள்ளவும்), துருவிய முட்டைகோஸ் - சிறிதளவு, குடமிளகாய் - பாதி அளவு (பொடியாக நறுக்கவும்), முருங்கை இலை ஒரு கைப்பிடி அளவு, நறுக்கிய கறிவேப்பிலை, கொத்தமல்லி - தேவைக்கேற்ப.

’கும்’முனு இருக்கு... குதிரைவாலி அடை!

செய்முறை: அரைப்பதற்கு கொடுத்துள்ள பொருட்களை நான்கு மணி நேரம் ஒன்றாகவே ஊற வைத்து கொரகொரப்பாக அரைத்துக் கொள்ளவும். பின் அடை மாவில் கலப்பதற்கு, கொடுக்கப்பட்ட பொருட்களை சேர்த்து நன்றாக கலக்கவும்.  தோசைக்கல்லை சூடாக்கி, அடுப்பை மிதமான தீயில் வைத்து, மாவை தோசைக்கல்லில் ஊற்றி... சுற்றிலும் எண்ணெய் விட்டு அடைகளாக சுட்டு எடுக்கவும்.

இதற்கு தேங்காய் சட்னி தொட்டுக் கொள்ளலாம்.

- யசோதா பழனிச்சாமி, ஈரோடு

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism