Published:Updated:

அம்மா ரெசிப்பி; செரிமானத்துக்கு உதவும் சேனைப் பிரட்டல்

அம்மா ரெசிப்பி; செரிமானத்துக்கு உதவும் சேனைப் பிரட்டல்

அம்மா ரெசிப்பி; செரிமானத்துக்கு உதவும் சேனைப் பிரட்டல்

அம்மா ரெசிப்பி; செரிமானத்துக்கு உதவும் சேனைப் பிரட்டல்

Published:Updated:

''சேனைக்கிழங்கு நல்ல சக்தி தரக்கூடியது என்பதால், என் பாட்டிக்காக அம்மா அடிக்கடி இந்தச்

அம்மா ரெசிப்பி; செரிமானத்துக்கு உதவும் சேனைப் பிரட்டல்

சேனைப் பிரட்டலை செய்வார்கள். என் வீட்டில் உள்ள அனைவருக்குமே இந்த ரெசிப்பி பிடிக்கும். ரொம்பவே டேஸ்ட்'' என்கிற மதுரையைச் சேர்ந்த ராஜேஸ்வரி கிட்டு, ரெசிப்பியை செய்து காட்டினார்.

ஒட்டுமொத்த விகடனுக்கும் ஒரே ஷார்ட்கட்!

தேவையானவை: சேனைக்கிழங்கு கால் கிலோ, புளி பேஸ்ட் - 3 டீஸ்பூன், பொடியாக நறுக்கிய சின்ன வெங்காயம் - முக்கால் கப், வேகவைத்த துவரம் பருப்பு, தக்காளித் துண்டுகள், தேங்காய் துருவல் - தலா 3 டேபிள்ஸ்பூன், கீறிய பச்சை மிளகாய் - 2, மஞ்சள்தூள், மிளகாய்த்தூள் - தலா ஒரு டீஸ்பூன்.

தாளிப்பதற்கு: நல்லெண்ணெய் 3 டீஸ்பூன், கறிவேப்பிலை, கடுகு, சீரகம், உளுத்தம் பருப்பு, கடலைப் பருப்பு, உப்பு, மல்லித்தழை, வேர்க்கடலை - தேவையான அளவு. 

செய்முறை: தோல் நீக்கி சீவிய சேனைக்கிழங்கைத் துருவி (கேரட் துருவியில் துருவவும்) உப்பு, மிளகாய்த்தூள், புளி பேஸ்ட், மஞ்சள்தூள் சேர்த்து பிசறிவைக்கவும். அடி அகலமான கடாயில் தாளிக்கக் கொடுத்துள்ளவற்றைத் தாளித்து, தக்காளி, வெங்காயம், பச்சை மிளகாய் சேர்த்து வதக்கி, கிழங்குக் கலவையைச் சேர்த்து நன்றாகக் கிளறவும். தேவையானால் ஒரு கை நீர் தெளித்து மூடி, குறைந்த தீயில் வேகவிடவும். இடையிடையே கிளறிவிட்டு, வெந்ததும், வேகவைத்த பருப்பு, தேங்காய்த் துருவல், மல்லி, வறுத்து தோல் நீக்கிய வேர்க்கடலை கலந்து இறக்கவும். குழந்தைகளைக் கவர விரும்பினால், மாதுளை முத்துக்கள் தூவிக் கொடுக்கலாம். எந்தச் சாதத்துக்கும் தொட்டுக்கொள்ளச் சுவைமிக்க, சத்தான பிரட்டல் இது.

அம்மா ரெசிப்பி; செரிமானத்துக்கு உதவும் சேனைப் பிரட்டல்

சித்த மருத்துவர் ரமேஷ்: வைட்டமின் பி மற்றும் சி நார்ச்சத்து இதில் அதிகம் இருக்கிறது. செரிமானத்துக்கு மிகவும் நல்லது. குழந்தைகள், வயதானவர்கள், சர்க்கரை நோயாளிகள், உடல் பலவீனமானவர்கள் சாப்பிடலாம்.  உடலை வலுவாக்கும்.  பித்தம், வயிற்றுக் கோளாறுகளை நீக்கும். மலச்சிக்கலைத் தடுக்கும்.

படங்கள்: க.பாலாஜி

உங்கள் வீட்டு உணவு அனுபவங்களை 'அம்மா ரெசிப்பி!’ பகுதிக்கு உங்கள் தொலைபேசி எண்ணுடன் உடனே எழுதி அனுப்புங்கள். கலக்கலான பரிசுகள் உண்டு.

அனுப்பவேண்டிய முகவரி:

'அம்மா ரெசிப்பி’ டாக்டர் விகடன்,

757, அண்ணா சாலை, சென்னை 600 002.

மின்னஞ்சல்: doctor@vikatan.com