Published:Updated:

ஆச்சி மசாலா வழங்கும் வாசகிகள் கைமணம்

வாழைப்பூ ரொட்டி... கொய்யா மசாலா! வாசகிகள் பக்கம்,  படங்கள்: ஜெ.வேங்கடராஜ்

ஆச்சி மசாலா வழங்கும் வாசகிகள் கைமணம்

வாழைப்பூ ரொட்டி... கொய்யா மசாலா! வாசகிகள் பக்கம்,  படங்கள்: ஜெ.வேங்கடராஜ்

Published:Updated:

வாசகிகளின் குறிப்புகளைத் தேர்ந்தெடுத்து  சமைத்து வழங்கியிருப்பவர்  'சுவையரசி’ சாந்தி விஜயகிருஷ்ணன்

ஒவ்வொன்றுக்கும் பரிசு:

ஆச்சி மசாலா வழங்கும் வாசகிகள் கைமணம்

ஒட்டுமொத்த விகடனுக்கும் ஒரே ஷார்ட்கட்!

 200

கொய்யாப்பழ மசாலா டிலைட்

தேவையானவை: கொய்யாப்பழம் - 4, வெங்காயம், தக்காளி, பச்சை மிளகாய் - தலா 2, பட்டை லவங்கம், ஏலக்காய் - தலா 2, கறிவேப்பிலை கொத்தமல்லி - சிறிதளவு, மிளகாய்த்தூள் - ஒரு டீஸ்பூன், மஞ்சள்தூள் - அரை டீஸ்பூன், இஞ்சி - பூண்டு விழுது - ஒரு டீஸ்பூன், எண்ணெய், உப்பு - தேவைக்கேற்ப.

ஆச்சி மசாலா வழங்கும் வாசகிகள் கைமணம்

செய்முறை: வாணலியில் ஒரு டீஸ்பூன் எண்ணெய் விட்டு, பட்டை, லவங்கம், ஏலக்காய் தாளித்து, அதனுடன் நறுக்கிய வெங்காயம், கீறிய பச்சை மிளகாய் சேர்த்து வதக்கவும். வெங்காயம் பொன்னிறமானதும், நறுக்கிய தக்காளி, இஞ்சி - பூண்டு விழுது சேர்த்து மேலும் வதக்கவும். மஞ்சள்தூள், மிளகாய்த்தூள், உப்பு சேர்த்து நன்றாக கிளறி இறக்கவும். இதனை ஆறவிட்டு மிக்ஸியில் அரைக்கவும். மீண்டும் வாணலியில் கொஞ்சம் எண்ணெய் விட்டு கறிவேப்பிலை சேர்த்து, பொரிந்தவுடன் அரைத்த விழுது சேர்த்து, நான்காக நறுக்கிய கொய்யாப்பழங்களை சேர்க்கவும். ஒரு கொதி வந்து, பச்சை வாசனை நீங்கியதும் இறக்கி, கொத்தமல்லி தூவி சூடாக பரிமாறவும். வித்தியாசமான சுவையில் அசத்தும் இந்தக் கொய்யாப்பழ மசாலா டிலைட்.

- பி.கே.பிரேமிகா, பெரம்பூர்

ஓட்ஸ்  வாழைப்பூ மினி ரொட்டி

தேவையானவை: சிறிய வாழைப்பூ - ஒன்று, பெரிய வெங்காயம் - ஒன்று, ஓட்ஸ் - 2 கப், எலுமிச்சைச் சாறு - 4 டீஸ்பூன், இஞ்சி - ஒரு சிறிய துண்டு, சிறிய பச்சை மிளகாய் - 8, நறுக்கிய கொத்தமல்லி - சிறிதளவு, வெண்ணெய் - 100 கிராம், உப்பு - தேவைக்கேற்ப.

ஆச்சி மசாலா வழங்கும் வாசகிகள் கைமணம்

செய்முறை: ஓட்ஸை லேசாக வறுத்துப் பொடி செய்யவும். இஞ்சி, பச்சை மிளகாய், உப்பு மூன்றையும் சேர்த்து விழுதாக அரைக்கவும். வெங்காயத்தையும், வாழைப்பூவையும் பொடியாக நறுக்கி வெண்ணெயில் வதக்கவும். இதனுடன் எலுமிச்சைச் சாறு சேர்க்கவும். அகலமான பாத்திரத்தில் ஓட்ஸ், அரைத்த இஞ்சி, பச்சை - மிளகாய், விழுது, வதக்கிய வாழைப்பூ கலவை, கொத்தமல்லி ஆகியவற்றைக் கலந்து பிசையவும். இட்லித் தட்டில் சிறிதளவு வெண்ணெயைத் தடவவும். ஓட்ஸ் கலவையை சிறிய ரொட்டிகளாகத் தட்டி, இட்லித் தட்டில் வைத்து, ஆவியில் வேகவிடவும். காரசாரமான சட்னியுடன் பரிமாறவும்.

வாழைப்பூவுக்கு பதில் காளானையும் பயன்படுத்தலாம்.

- பார்வதி, பெங்களூரு

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism