Published:Updated:

இட்லி ரகசியங்கள்... அறிந்ததும் அறியாததும்

இட்லி
பிரீமியம் ஸ்டோரி
இட்லி ( Image by mcthrissur from Pixabay )

அரிசி, உளுந்து மூழ்கும் அளவுக்குத் தண்ணீர் சேர்த்து ஊற வைக்க வேண்டும். விருப்பமுள்ளவர்கள் உளுந்துடன் ஒன்றரை டேபிள்ஸ்பூன் வெந்தயம் சேர்த்து ஊற வைக்கலாம்.

இட்லி ரகசியங்கள்... அறிந்ததும் அறியாததும்

அரிசி, உளுந்து மூழ்கும் அளவுக்குத் தண்ணீர் சேர்த்து ஊற வைக்க வேண்டும். விருப்பமுள்ளவர்கள் உளுந்துடன் ஒன்றரை டேபிள்ஸ்பூன் வெந்தயம் சேர்த்து ஊற வைக்கலாம்.

Published:Updated:
இட்லி
பிரீமியம் ஸ்டோரி
இட்லி ( Image by mcthrissur from Pixabay )

ஆரோக்கியமான உணவுகளின் பட்டியலில் எப்போதும் முதலிடம் இட்லிக்குத்தான். ஆனால், இட்லி என்பது எல்லாருக்கும் எல்லா நாளும் பஞ்சு போன்று வருவதில்லை. இந்தப் பிரச்னைக்குத் தீர்வு காண அவள் விகடன், இட்லி எக்ஸ்பர்ட் மு.இனியவனுடன் இணைந்து ‘இட்லி ரகசியங்கள் - அறிந்ததும் அறியாததும்’ என்ற கட்டணமில்லா வெபினாரை ஏப்ரல் 16-ம் தேதி நடத்தியது.

மு.இனியவன்
மு.இனியவன்

1997-ம் ஆண்டு முதல் இட்லி வியாபாரத்தில் ஈடுபட்டு வருபவர் மு.இனியவன். பிரபலமானவர் களின் திருமணக்கூடங்களில் இனியவனின் மல்லிகைப்பூ இட்லிக்குத் தனி இடம் உண்டு. காலத்துக்கேற்றாற்போல, சாக்லேட் இட்லி, பீட்ரூட் இட்லி, புதினா இட்லி, இளநீர் இட்லி, சிறு தானிய இட்லிகள் என விதவிதமான வகைகளை அறிமுகப்படுத்தியவர். 2,547 வகையான இட்லிகளைச் செய்து உலக சாதனைப் புத்தகம், லிம்கா சாதனைப் புத்தகத்தில் இடம் பெற்றவர்.

நிகழ்ச்சியில் இட்லி பற்றிய கேள்விகளுக்கு அவர் அளித்த பதில்களில் சில:

இட்லி தயாரிப்பதற் கான சரியான அரிசி, உளுந்து அளவு என்ன?

முக்கால் கிலோ இட்லி அரிசி, சாப்பாட்டுக்கு பயன்படுத்தும் புழுங்கல் அரிசி கால் கிலோ (ஐ.ஆர் 20 மாதிரியான ரக அரிசி ஏதாவது ஒன்று) என்ற விகிதத் தில் எடுத்துக்கொள்ள வேண்டும். இட்லி நன்றாக வெண்மையாக வர வேண்டும் என்றால் ஐ.ஆர் 20, 36 ரகம் போன்ற வெண்மையான புழுங்கல் அரிசி வகை களைப் பயன்படுத்தலாம். அரிசியை

2 மணி நேரம் ஊற வைக்க வேண்டும். இரவு அரைக்கும்போது ஒரு கிலோ அரிசிக்கு 200 கிராம் உளுந்தும், காலையில் அரைத்துச் சேர்க்கும்போது 150 கிராம் உளுந்தும் எடுத்துக்கொள்ளலாம். உளுந்து முக்கால் மணி நேரம் ஊறினாலே போதுமானது.

அரிசி, உளுந்து மூழ்கும் அளவுக்குத் தண்ணீர் சேர்த்து ஊற வைக்க வேண்டும். விருப்பமுள்ளவர்கள் உளுந்துடன் ஒன்றரை டேபிள்ஸ்பூன் வெந்தயம் சேர்த்து ஊற வைக்கலாம்.

இட்லி ரகசியங்கள்... அறிந்ததும் அறியாததும்

இட்லி, துணியில் ஒட்டாமல் வருவதற்கு என்ன செய்ய வேண்டும்?

இட்லி மாவுடன் வெந்தயம் சேர்த்து அரைப்பது உடலுக்குக் குளிர்ச்சி தருவதோடு, இட்லி ஒட்டாமல் இருக்கவும் பயன்படும். ஆமணக்கு விதைகளைச் சேர்க்கும்போதும் இட்லி ஒட்டாமல் வரும்.

அவித்து எடுத்த பிறகு, இட்லித் துணியை வேகமாக மேலே தூக்கி இட்லியை எடுக்கக் கூடாது. சிறிது தண்ணீர் தெளித்து, இட்லியை அணைத்தாற்போல் துணியைக் கொண்டு வந்து மெதுவாக எடுத்தாலே இட்லி, துணியில் ஒட்டாமல் வரும்.

இட்லி மாவை அரைத்து ஃப்ரிட்ஜில் வைத்துப் பயன்படுத்துவதால் சுவை மாறுமா?

அரிசி, உளுந்து இரண்டையும் சேர்த்து அரைத்துக் கலந்து வைப்பதால் ஃபிரிட்ஜில் வைக்கும்போது அதன் சுவை மாறுபடும். ஃபிரிட்ஜிலிருந்து எடுத்து அறை வெப்பநிலைக்கு மாறும்வரை வைத்திருந்து அதற்குப் பிறகு இட்லி ஊற்ற வேண்டும். ஃபிரிட்ஜிலிருந்து மாவை எடுத்த உடனேயே இட்லி ஊற்றினால், சரியாக வராது.

இட்லி மாவை ஃபிரிட்ஜில் வைத்துப் பயன்படுத்துவதை முடிந்த வரை தவிர்த்துவிடுவது நல்லது. தேவைக்கேற்ப அவ்வப்போது ஃப்ரெஷ் ஷாக மாவு அரைத்து இட்லி வார்த்தால்தான் பஞ்சு போன்ற சுவையான இட்லி கிடைக்கும்.

அதே போல அரிசி, உளுந்து இரண்டையும் சேர்த்து அரைத்து வைக்கக் கூடாது. அரிசியை மட்டும் முதல் நாள் இரவு அரைத்துப் புளிக்க வைக்க வேண்டும். மறுநாள் காலை இட்லி ஊற்றுவதற்கு முன்பு உளுந்தை ஊறவைத்து அரைத்துப் புளிக்க வைத்த அரிசி மாவுடன் கலந்து, இட்லி வார்த்தால் அருமை யாக வரும். உளுந்து புளிக்க வேண்டிய அவசியம் இல்லை.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

அவள் விகடன் நடத்திய முழுமையான நிகழ்ச்சியைக் காண க்ளிக் செய்யவும்: