Published:Updated:

சியா சீட்ஸ் டிரிங்க் | சோயா பீன்ஸ் இட்லி | வால்நட் கீர் - சம்மர் ஸ்பெஷல் வீக் எண்ட் ரெசிப்பீஸ்!

வீக் எண்ட் ரெசிப்பீஸ்

தினசரி உணவுப்பழக்கத்திலேயே குளிர்ச்சியை அதிகரிக்கும் பொருள்களைச் சேர்த்துச் செய்து சாப்பிடுவதைப் பழக்கிக் கொள்ள வேண்டிய கட்டாயத்தில் இருக்கிறோம். இந்த வார வீக் எண்டில் அப்படிச் சில உணவுகளை முயற்சி செய்து பாருங்களேன்.

சியா சீட்ஸ் டிரிங்க் | சோயா பீன்ஸ் இட்லி | வால்நட் கீர் - சம்மர் ஸ்பெஷல் வீக் எண்ட் ரெசிப்பீஸ்!

தினசரி உணவுப்பழக்கத்திலேயே குளிர்ச்சியை அதிகரிக்கும் பொருள்களைச் சேர்த்துச் செய்து சாப்பிடுவதைப் பழக்கிக் கொள்ள வேண்டிய கட்டாயத்தில் இருக்கிறோம். இந்த வார வீக் எண்டில் அப்படிச் சில உணவுகளை முயற்சி செய்து பாருங்களேன்.

Published:Updated:
வீக் எண்ட் ரெசிப்பீஸ்

வழக்கத்துக்கு மாறாக இந்த வருடம் வெயிலின் தாக்கம் தீவிரமாக இருக்கிறது. உடலை கூடுதல் குளிர்ச்சியோடு பராமரிக்காவிட்டால் கோடை நோய்களிலிருந்து தப்பிக்க முடியாது. தினசரி உணவுப்பழக்கத்திலேயே குளிர்ச்சியை அதிகரிக்கும் பொருள்களைச் சேர்த்துச் செய்து சாப்பிடுவதைப் பழக்கிக் கொள்ள வேண்டிய கட்டாயத்தில் இருக்கிறோம். இந்த வார வீக் எண்டில் அப்படிச் சில உணவுகளை முயற்சி செய்து பாருங்களேன்.

சியா சீட்ஸ் டிரிங்க்

தேவையானவை:
* சியா விதைகள் - 2 டீஸ்பூன் (டிபார்ட்மென்ட்டல் ஸ்டோர்களில் கிடைக்கும்)
* எலுமிச்சைச்சாறு - 2 டீஸ்பூன்
* தேன் – ஒரு டீஸ்பூன்

ஒட்டுமொத்த விகடனுக்கும் ஒரே ஷார்ட்கட்!

சியா சீட்ஸ் டிரிங்
சியா சீட்ஸ் டிரிங்

செய்முறை:

ஒரு பாத்திரத்தில் சியா விதைகளுடன் அரை டம்ளர் தண்ணீர் ஊற்றி 10 நிமிடங்கள் ஊறவைக்கவும். அத்துடன் எலுமிச்சைச்சாறு மற்றும் தேன் சேர்த்துக் கலந்து பருகவும். இதைக் காலை உணவுக்குப் பின் ஒரு மாதம் வரை குடித்துவர, கொழுப்பு குறைந்து உடல் அழகான வடிவமைப்பைப் பெறும்.

சியா விதைகளில் உள்ள புரோட்டீன் உடலில் உள்ள கொழுப்பைக் கரைக்கிறது. எலுமிச்சையில் உள்ள வைட்டமின் சி உடலில் கொழுப்பு தேங்காமல் காக்கிறது.

தேனில் இருக்கும் ஆன்ட்டி ஆக்ஸிடன்ட்டுகள் உடலுக்குப் பாதுகாப்பை வழங்குவதோடு, வயிற்றுப் பகுதியில் கொழுப்பு சேராமலும் காக்கின்றன.

*பருமனைக் கட்டுப்படுத்தும் தன்மை சியா விதைகளுக்கு உண்டு. இதில் நார்ச்சத்தும் நிறைந்துள்ளது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer
சோயா பீன்ஸ் இட்லி

தேவையானவை:

* சோயா பீன்ஸ் - ஒரு கப்
* வரகரிசி - ஒரு கப்
* உளுத்தம்பருப்பு - அரை கப்
* வெந்தயம் - ஒரு டீஸ்பூன்
* உப்பு - தேவையான அளவு

சோயா பீன்ஸ் இட்லி
சோயா பீன்ஸ் இட்லி

செய்முறை:

சோயா பீன்ஸ், வரகரிசி இரண்டையும் கழுவி, ஒன்று சேர்த்து 2 மணி நேரம் தண்ணீரில் ஊறவைக்கவும். பின்னர் இட்லி மாவுப் பதத்தில் அரைத்துக்கொள்ளவும்.

உளுந்துடன் வெந்தயம் கலந்து அரை மணி நேரம் தனியாக ஊறவைத்து அவற்றையும் புசுபுசுவென மாவாக அரைத்துக் கொள்ளவும். பிறகு இந்த இரண்டு மாவுகளையும் ஒன்றுசேர்த்து, தேவையான உப்பு சேர்த்துக் கலந்து 2 மணி நேரம் புளிக்க வைக்கவும். பிறகு மாவை இட்லிகளாக வார்த்தெடுக்கவும்.

நல்ல டயட் உணவு இது.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

வால்நட் கீர்

தேவையானவை:

* வால்நட் - 5
* கேரட் - 2
* தேன் - 2 டேபிள்ஸ்பூன்
* காய்ச்சி ஆறவைத்த பால் - கால் கப்

வால்நட் கீர்
வால்நட் கீர்

செய்முறை:

கேரட்டைப் பொடியாக நறுக்கி வால்நட்டுடன் சேர்க்கவும். பிறகு இதனுடன் ஒரு டம்ளர் தண்ணீர்விட்டு அரைத்து வடிகட்டவும். பின்னர் அதில் தேன், பால் சேர்த்துக் கலந்து பருகவும்.

வால்நட் உடல் எடையைக் குறைக்க உதவுவதோடு, கொலஸ்ட்ராலைக் கட்டுப்படுத்துவதிலும் முக்கிய பங்கு வகிக்கிறது. மூளைச் செயல்பாட்டை அதிகரிக்கும் திறனும் வால்நட்டுக்கு உண்டு.

*வால்நட் பருப்புகளில் கூந்தல் வளர்ச்சிக்குத் தேவையான கெரட்டின் புரதங்கள் அதிகம் காணப்படுகின்றன.

கலர்ஃபுல் குடமிளகாய் மிக்ஸ்

தேவையானவை:
* மஞ்சள் குடமிளகாய் - பாதி (நறுக்கியது)
* பச்சை குடமிளகாய் - பாதி (நறுக்கியது)
* வெள்ளரிக்காய் - பாதி (தோல் சீவி நறுக்கியது)
* தக்காளி - ஒன்று (நறுக்கியது)
* கேரட் - ஒன்று (பொடியாக நறுக்கியது)
* வெங்காயம் - பாதி (பொடியாக நறுக்கியது)
* தயிர் - ஒரு கப்
* உப்பு - தேவைக்கேற்ப

கலர்ஃபுல் குடமிளகாய் மிக்ஸ்
கலர்ஃபுல் குடமிளகாய் மிக்ஸ்

செய்முறை:
ஒரு பாத்திரத்தில் நறுக்கிய குட மிளகாய்கள், வெள்ளரிக்காய், தக்காளி, கேரட், வெங்காயம் ஆகியவற்றைச் சேர்த்து அதனுடன் உப்பு, தயிர் கலந்து பரிமாறவும்.

முளைகட்டிய வெந்தய ரைத்தா

தேவையானவை:
* முளைகட்டிய வெந்தயம் - ஒரு கப்
* தயிர் - அரை கப்
* உப்பு - தேவையான அளவு
* நறுக்கிய கொத்தமல்லித்தழை - சிறிதளவு

முளைகட்டிய வெந்தய ராய்த்தா
முளைகட்டிய வெந்தய ராய்த்தா

செய்முறை:
ஒரு பாத்திரத்தில் முளைகட்டிய வெந்தயம், தயிர், உப்பு ஆகியவற்றைச் சேர்த்துக் கலக்கவும். கொத்தமல்லித்தழை தூவிப் பரிமாறவும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism