Published:Updated:

காவிரி டெல்டாவைக் காவு வாங்கும் ஒற்றை அனுமதிக் கொள்கை!

காவிரி டெல்டாவைக் காவு வாங்கும் ஒற்றை அனுமதிக் கொள்கை!
பிரீமியம் ஸ்டோரி
காவிரி டெல்டாவைக் காவு வாங்கும் ஒற்றை அனுமதிக் கொள்கை!

காவிரி டெல்டாவைக் காவு வாங்கும் ஒற்றை அனுமதிக் கொள்கை!

காவிரி டெல்டாவைக் காவு வாங்கும் ஒற்றை அனுமதிக் கொள்கை!

காவிரி டெல்டாவைக் காவு வாங்கும் ஒற்றை அனுமதிக் கொள்கை!

Published:Updated:
காவிரி டெல்டாவைக் காவு வாங்கும் ஒற்றை அனுமதிக் கொள்கை!
பிரீமியம் ஸ்டோரி
காவிரி டெல்டாவைக் காவு வாங்கும் ஒற்றை அனுமதிக் கொள்கை!

மீத்தேன், ஷேல் காஸ்... இந்தச் சொற்களை, காவிரி டெல்டா மக்கள் சமீப காலமாகத்தான் சற்று மறந்து இருந்தார்கள். புதிய பலத்துடன் இவை மீண்டும் அச்சுறுத்த வந்துள்ளன. காரணம், மத்திய அரசின் புதிய நடைமுறை.

இதை விவரித்தார், தமிழ்நாடு அறிவியல் இயக்கத்தின் கருத்தாளர் சேதுராமன். ‘‘1970-களிலிருந்து இந்தியாவில் கச்சா எண்ணெய் மற்றும் இயற்கை எரிவாயு எடுக்கப்படுகிறது. நிலக்கரி சுரங்கங்களில் நிலக்கரி எடுப்பதற்கு முன், அதில் படிந்துள்ள மீத்தேனை எடுப்பதற்கான கொள்கை முடிவை, 1997-ம் ஆண்டு மத்திய அரசு உருவாக்கியது. கச்சா எண்ணெயும் இயற்கை எரிவாயுவும் பல ஆண்டுகளாக எடுக்கப்பட்டுவந்தாலும்கூட, இதற்கென விரிவான கொள்கைத் திட்டம் 1998-ம் ஆண்டு உருவாக்கப்பட்டு, தனியார் நிறுவனங்களும் அனுமதிக்கப்பட்டன. 2013-ம் ஆண்டு ஷேல் காஸ் எடுப்பதற்கான கொள்கைத் திட்டம் உருவாக்கப்பட்டு, இதில் ஓ.என்.ஜி.சி., ஆயில் இந்தியா ஆகிய அரசு நிறுவனங்களை மட்டுமே அனுமதிக்கலாம் என மத்திய அரசு முடிவெடுத்தது. 2016-ம் ஆண்டு இந்த நடைமுறை மாறியது.

காவிரி டெல்டாவைக் காவு வாங்கும் ஒற்றை அனுமதிக் கொள்கை!

உள்நாட்டு உற்பத்தியை அதிகரிக்கவும், பன்னாட்டு நிறுவனங்களைக் கவர்ந்திழுக்க வும் ஹைட்ரோ கார்பன் எடுப்பதற்கான ஒற்றை அனுமதிக் கொள்கை உருவாக்கப்பட்டது. ஒரு நிறுவனம் இப்படி ஒற்றை அனுமதியை வாங்கிவிட்டால் கச்சா எண்ணெய், மீத்தேன், ஷேல் காஸ் என அனைத்தும் எடுத்துக்கொள்ளலாம். முன்பு போல், ஒவ்வொன்றுக்கும் தனித்தனியாக அனுமதி வாங்க வேண்டியதில்லை.

முன்பு, ஒரு குறிப்பிட்ட வட்டாரத்தைத் தேர்ந்தெடுத்து மத்திய பெட்ரோலிய அமைச்சகம் ஏலம் விடும். புதிதாக உருவாக்கப் பட்டுள்ள திறந்தவெளி அனுமதியின்படி இந்தியா முழுவதும் இயற்கை எரிசக்திவளம் நிறைந்துள்ள பகுதிகளின் விவரங்களை பெட்ரோலிய அமைச்சகம் வெளியிடும். தனியார் மற்றும் அரசு நிறுவனங்கள் தங்களுக்கு விருப்பான பகுதிகளைத் தேர்ந்தெடுத்து விண்ணப்பிக்கும். இதனால், இயற்கை எரிபொருள்கள் எடுக்கும் பரப்பு மிக வேகமாக விரிவடைந்துகொண்டே போகும். மீத்தேன், ஷேல் காஸ் திட்டங்களை மக்கள் எதிர்ப்பதால், இதைச் சமாளிக்கத் ‘திரவ மற்றும் வாயு வடிவிலான அனைத்து வகையான எரிபொருள்களையும் பெட்ரோலியம் என்றே அழைக்கலாம்’ என மத்திய பெட்ரோலிய அமைச்சகம் இந்த ஆண்டு ஜூலை மாதம் அரசாணை வெளியிட்டது.

திறந்தவெளி அனுமதிக் கொள்கையின் அடிப்படையில், பெட்ரோலியம் எடுக்க முதல்கட்டமாகத் தமிழ்நாட்டில் மூன்று வட்டாரங்கள் உள்பட இந்திய அளவில் மொத்தம் 55 வட்டாரங்களுக்கு டெண்டர் விடப்பட்டது. 110 நிறுவனங்கள் விண்ணப்பித்தன. அவை பரிசீலிக்கப்பட்டு, ஆகஸ்டு 28-ம் தேதி இதற்கான நிறுவனங்கள் முடிவாகின. தமிழ்நாட்டில் இரண்டு வட்டாரங்கள் வேதாந்தா நிறுவனத் துக்கும், ஒரு வட்டாரம் ஓ.என்.ஜி.சி நிறுவனத் துக்கும் வழங்கப் பட்டுள்ளன. தமிழ் நாட்டில் மீத்தேன், ஷேல் காஸ் எடுக்கும் திட்டங் களுக்கான முன்னோட்ட மாகவே இதைக் கருதுகிறோம்.

ஒட்டுமொத்த விகடனுக்கும் ஒரே ஷார்ட்கட்!

காவிரி டெல்டாவைக் காவு வாங்கும் ஒற்றை அனுமதிக் கொள்கை!

இதையெல்லாம்விட மிகப்பெரிய அபாயம் ஒன்றும் உருவாகியுள்ளது. ‘ஏற்கெனவே கச்சா எண்ணெய் எடுக்கும் பணியில் ஈடுபட்டுள்ள நிறுவனங்களுக்கும் ஒற்றை அனுமதிக் கொள்கை பொருந்தும்’ என மத்திய அமைச்சரவை முடிவெடுத்துள்ளது. காவிரிப் படுகையில் ஏராளமான இடங்களில் ஓ.என்.ஜி.சி நிறுவனம் கச்சா எண்ணெய் எடுத்துவருகிறது. அங்கெல்லாம் மீத்தேன், ஷேல் காஸ் எடுக்கும் திட்டங்கள் செயல்படுத்தப் படும். இதற்காக நச்சுத்தன்மை வாய்ந்த ரசாயனங்கள் கலந்த நீரியல் கரைசல் மிகவும் அதிக அழுத்தத்தில் பூமிக்குள் செலுத்தப்படும். இதனால் மண் வளம், நீர் வளம் பாதிக்கப்படும். ஜெயலலிதா முதல்வராக இருந்தபோது தமிழ்நாட்டில் மீத்தேன், ஷேல் காஸ் திட்டங்களுக்கு 2013-ம் ஆண்டு இடைக்காலத் தடையும் 2015-ம் ஆண்டு நிரந்தத் தடையும் விதிக்கப் பட்டன. மத்திய அரசின் தற்போதைய முடிவு குறித்து தம் நிலைப்பாடு என்ன என்பதை, தமிழக அரசு அறிவிக்க வேண்டும்” என்றார் சேதுராமன்.

மீத்தேன் திட்ட எதிர்ப்புக் கூட்டமைப்பு தலைமை ஒருங்கிணைப்பாளர் பேராசிரியர் ஜெயராமன், ‘‘இதனால் இங்கு பல கிராமங்கள் கடுமையாகப் பாதிக்கப்பட்டுள்ளன. அடியக்காமங்கலம், நரிமணம், கதிராமங்கலம் உள்ளிட்ட பல பகுதிகளில் இதன் பாதிப்புகளைக் கண்கூடாகப் பார்க்கலாம். இந்நிலையில்தான், உச்சகட்ட ஆபத்தாக ஹைட்ராலிக் ஃபிராக்‌சரிங் முறையில் இங்கு மீத்தேன், ஷேல் எடுக்கும் முயற்சியில் ஓ.என்.ஜி.சி இறங்கியுள்ளது. இதற்காக, சீர்காழி அருகே உள்ள மாதானம் தொடங்கி ராமநாதபுரம் வரை 110 ராட்சதக் கிணறுகள் அமைக்க, சுற்றுச்சூழல் துறை அனுமதிக்காகக் காத்திருக்கிறது. இப்போது வேதாந்தா நிறுவனமும் இங்கு வருகிறது. காவிரி டெல்டா மாவட்டங்களைப் பாதுகாக்கப்பட்ட வேளாண் மண்டலமாக அறிவித்தால்தான் இங்குள்ள மக்களைப் பாதுகாக்க முடியும்” என்றார்.

ஓ.என்.ஜி.சி நிறுவன அதிகாரிகளிடம் பேசினோம். ‘‘இது மத்திய அரசின் பாலிஸி விவகாரம். இதில் நாங்கள் கருத்து தெரிவிக்க முடியாது’’ என்றனர்.

விவசாயத்தை ஒழிப்பதுதான் பாலிஸியா?

- கு.ராமகிருஷ்ணன்
படங்கள்: ம.அரவிந்த்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism