Published:Updated:

பட்ஜெட்: விவசாயிகளுக்கு கிடைத்ததும் கிடைக்காததும்!

மத்திய பட்ஜெட்: 2019 - 20

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

பிரீமியம் ஸ்டோரி

டந்த ஜூலை 5-ம் தேதி, 2019-20-ம் நிதி ஆண்டுக்கான மத்திய பட்ஜெட்டை நிதியமைச்சர் நிர்மலா சீத்தாராமன் நாடாளுமன்றத்தில் தாக்கல் செய்தார். மத்திய பட்ஜெட் குறித்து விவசாயச் சங்கங்களின் பிரதிநிதிகள் சிலர் சொன்ன கருத்துகள் இங்கே…

விமல்நாதன், அறச்சலூர் செல்வம், செல்லமுத்து
விமல்நாதன், அறச்சலூர் செல்வம், செல்லமுத்து

சுவாமிமலை விமல்நாதன், தஞ்சை மாவட்டக் காவிரி விவசாயிகள் பாதுகாப்புச் சங்கத்தின் செயலாளர்: “இந்திய விவசாயிகள் அனைவருமே கடன் தள்ளுபடியை எதிர்பார்த்து இருந்தனர். ஆனால், மத்திய அரசு அதுகுறித்து அறிவிக்கவில்லை. சிறு, குறு விவசாயிகளின் கடன்களையாவது தள்ளுபடி செய்திருக்கலாம். 10,000 விவசாயிகள் குழு அமைப்பது, ஜீரோ பட்ஜெட் விவசாயம் குறித்த அறிவிப்பு போன்றவை வரவேற்கத்தக்கவை. ஜீரோ பட்ஜெட் முறையை விவசாயிகளிடம் கொண்டு சேர்க்கும் விதம் தெளிவானதாக இருக்க வேண்டும். விவசாயிகளிடம் அதுகுறித்த ஆர்வத்தை ஏற்படுத்த வேண்டும். விளைபொருள்களுக்குக் குறைந்தபட்ச கொள்முதல் விலை குறித்த அறிவிப்பு இல்லாதது ஏமாற்றமே.”

அறச்சலூர் செல்வம், தமிழ்நாடு இயற்கை விவசாயிகள் கூட்டமைப் பின் ஒருங்கிணைப்பாளர்: “ஜீரோ பட்ஜெட் விவசாய முறை மூலமாக விவசாயிகள் வருமானம் இரட்டிப்பாக்கப்படும் எனச் சொல்லியிருக்கிறார்கள். ஜீரோ பட்ஜெட் மூலமாக விவசாயிகள் வருமானம் எப்படி இரண்டு மடங்காகும் எனத் தெரியவில்லை. ஜீரோ பட்ஜெட் முறையில் விளைச்சலை அதிகப்படுத்தலாமே தவிர, வருமானத்தை இரட்டிப்பாக்க முடியாது. வருமானத்தை அதிகரிக்கச் சந்தைதான் முக்கியம். அதற்கு வழி சொல்லவில்லை. ஜீரோ பட்ஜெட் பற்றிக் குறிப்பிடும் அதே நேரத்தில் சென்ற ஆண்டைவிட இந்த ஆண்டு ரசாயன உரங்களுக்கான மானியம் அதிகரிக்கப் பட்டுள்ளது. இரண்டும் முரண்பாடாக இருக்கிறது.”

பட்ஜெட்: விவசாயிகளுக்கு கிடைத்ததும் கிடைக்காததும்!

கு.செல்லமுத்து, உழவர் உழைப்பாளர் கட்சித் தலைவர்: “விவசாயிகளின் நிரந்தரமான கோரிக்கை கடன் நிவாரணம்தான். எம்.எஸ் சுவாமிநாதன் கமிட்டியின் பரிந்துரையை அமல்படுத்துவேன் என பிரதமர் மோடி சொல்லிப் பல ஆண்டுகளாகியும் இன்று வரை அதைக் கண்டுகொள்ளவில்லை. இப்போதைய பட்ஜெட்டில் விவசாயக் கடன் தள்ளுபடி பற்றியோ, கட்டுபடியான விலை குறித்தோ அறிவிப்புகள் இல்லாதது ஏமாற்றம்தான். முழுக்க முழுக்க விவசாயத்தைப் புறக்கணிக்கும் பட்ஜெட் இது” என்றார் ஆதங்கத்துடன்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

  • மத்திய பட்ஜெட்டில் இடம்பெற்ற விவசாயம் குறித்த அறிவிப்புகளின் சில துளிகள்...

  • விளைபொருள்களுக்கான ஆன்லைன் சந்தைகள் அமைக்கப்படும்.

  • விவசாயிகளின் மேம்பாட்டுக்காக 10,000 விவசாயிகள் குழுக்கள் உருவாக்கப்படும்.

  • மழைநீர்ச் சேமிப்புக்கான திட்டங்கள் செயல்படுத்தப்படும்.

  • விவசாயத்துறையில் தனியார் பங்களிப்பு உருவாக்கப்படும்.

  • ஜீரோ பட்ஜெட் விவசாயம் ஊக்கப்படுத்தப்படும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு