Published:Updated:

பேரழிவுத் திட்டங்களுக்கு அனுமதி... நெருங்கும் பேராபத்து!

சுற்றுச்சூழல்
பிரீமியம் ஸ்டோரி
சுற்றுச்சூழல்

மக்களுக்கு வாய்ப்பூட்டு, சூழலியலுக்கு வேட்டு!

பேரழிவுத் திட்டங்களுக்கு அனுமதி... நெருங்கும் பேராபத்து!

மக்களுக்கு வாய்ப்பூட்டு, சூழலியலுக்கு வேட்டு!

Published:Updated:
சுற்றுச்சூழல்
பிரீமியம் ஸ்டோரி
சுற்றுச்சூழல்

எச்சரிக்கை

விவசாயிகளின் வாழ்வாதாரங்களைப் பாதிக்கக்கூடிய பல பேரழிவுத் திட்டங்கள் சமீபகாலமாகப் படையெடுத்துக்கொண்டே இருக்கின்றன.

ஏற்கெனவே நடைமுறையில் இருக்கும் சுற்றுச்சூழல் தாக்க மதிப்பீட்டு அறிக்கையில் உள்ள சில நிபந்தனைகள் மற்றும் விதிமுறைகளின் காரணமாகவே, அத்திட்டங்கள் நிறுத்தி வைக்கப்பட்டுள்ளன. அந்தத் தடைகளை நீக்கி, மக்களுக்குத் தீங்கு விளைவிக்கும் வகையில், தற்போது புதிய வரைவு அறிக்கையை மத்திய அரசு உருவாக்கியுள்ளது. இதனால் ஏற்படப் போகும் ஆபத்துகள் குறித்து எச்சரிக்கிறார் தமிழக உழவர் முன்னணி ஆலோசகர் கி.வெங்கட்ராமன்.

ஒட்டுமொத்த விகடனுக்கும் ஒரே ஷார்ட்கட்!

கி.வெங்கட்ராமன், வெற்றிச்செல்வன்
கி.வெங்கட்ராமன், வெற்றிச்செல்வன்

“விவசாயிகளின் வாழ்வாதாரங்களைப் பாதிக்கக்கூடிய மிகப்பெரிய அளவிலான தோல் தொழில் மண்டலங்கள், சிறப்புப் பொருளாதார மண்டலங்கள், எட்டுவழிச் சாலை, காவிரியின் குறுக்கே மேக்கேதாட்டூவில் புதிய அணை உட்பட இன்னும் பல பேரழிவுத் திட்டங்களுக்கு, எளிதில் அனுமதி அளிக்கும் வகையில், ‘சூழலியல் தாக்க மதிப்பீட்டு அறிக்கை விதிகள்-2020’ என்ற புதிய வரைவை மத்திய அரசு முன்வைத்திருக்கிறது.

நடப்பில் உள்ள 2006-ம் ஆண்டு அறிக்கையில், சில பிற்போக்கான திருத்தங்களையும், பல புதிய விதிகளையும் ஒன்றிணைத்து, இந்தப் புதிய அறிக்கை வெளியிடப்பட உள்ளது. இதில் சில சிக்கல்கள் இருக்கின்றன. சூழலியல் தாக்க மதிப்பீட்டு அறிக்கையை முன்வைக்காமலும், மக்கள் கருத்துக் கேட்காமலும் செய்யப்படும் புதிய திட்டங்கள் மற்றும் பழைய திட்டங்களின் விரிவாக்கங்கள், குறிப்பிட்ட அபராதத் தொகை விதிக்கப்பட்டு, வழக்கம்போல் அப்பணிகள் தொடர, இந்தப் புதிய வரைவு வழி செய்கிறது.

70 மீட்டர் வரை சாலையை அகலப்படுத்தும் சாலை விரிவாக்கத் திட்டங்கள், நீராதாரக் கட்டமைப்புகள், பொதுத் தூய்மையாக்கல் நிலையங்கள் போன்ற 14 வகைச் சூழல் பகைத் திட்டங்களுக்கு, இனி சூழலியல் தாக்க மதிப்பீட்டு அறிக்கையை முன்வைக்க வேண்டியதோ, சுற்றுச்சூழல் அமைச்சகத்திடம் முன் அனுமதி பெற வேண்டியதோ இல்லை. இதுமட்டுமன்றி, கேந்திர முக்கியத்துவம் வாய்ந்த தொழில் திட்டங்கள் மற்றும் பாதுகாப்புக்கு முக்கியமான திட்டங்கள் என இந்திய அரசு அறிவிக்கும் எந்தக் கட்டமைப்புக்கும் சுற்றுச்சூழல் தாக்க அறிக்கை முன்வைக்க வேண்டியதில்லை. சுற்றுச்சூழல் அமைச்சகத்தின் முன் அனுமதிக்காகவும் காத்திருக்க வேண்டியதில்லை. அவற்றில் மக்கள் கருத்துக் கேட்பும் நடக்காது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

இது போதாதென்று, சிறப்புப் பொருளியல் மண்டலங்கள், ஏற்றுமதி மண்டலங்கள், தோல் தொழில் மண்டலங்கள், கடலோரத் தொழில் மண்டலங்கள் போன்றவற்றில் மேற்கொள்ளப்படும் புதிய கட்டுமானங்களுக்கோ, பழைய கட்டுமானங்களின் விரிவாக்கத்துக்கோ சுற்றுச்சூழல் அனுமதி தேவையில்லை என்றும் இவ்விதி கூறுகிறது.

சுற்றுச்சூழல்
சுற்றுச்சூழல்

கட்டமைப்புகளை உருவாக்குகிறவர்கள் தாங்களே முன்வந்து, சூழலியல் தாக்க மதிப்பீட்டு அறிக்கையை முன்வைப்பார்களாம். அதை அதற்குரிய ஆய்வுக்குழு ஆய்வு செய்யுமாம். தொடர்புடைய பகுதி மக்களோ, மக்கள் சார்ந்த அறிவியலாளர்களோ, மக்கள் இயக்கங்களோ, தொண்டு நிறுவனங்களோ சுற்றுச்சூழல் பாதிப்பு, சூழலியல் பாதிப்புத் தொடர்பான புகார்களை முதலில் அளிக்க முடியாது. இச்சட்டத்தின் கீழ் அமைக்கப்படும் விசாரணைக் குழு கருத்துக் கேட்டால் மட்டும்தான், மக்கள் தங்கள் கருத்துகளைச் சொல்ல முடியும்.

இந்த விதிமாற்ற அறிக்கை கொரோனா கெடுபிடிகளுக்கிடையில் சுற்றுச்சூழல் அமைச்சகத்தின் இணையதளத்தில் மட்டும் வரைவாக முன்வைக்கப்பட்டுள்ளது. இதுகுறித்த தகவல்கள் ஊடகங்களுக்கு வழங்கப்படவில்லை. சத்தமின்றி வெளியிடப்பட்டிருக்கும் இந்த அறிக்கை, வரைவு சட்டமானால், சேலம் - சென்னை எட்டுவழிச் சாலை, காவிரியில் கர்நாடகத்தின் மேக்கேதாட்டூ அணை, முல்லைப் பெரியாற்றில் கேரளம் திட்டமிடும் புதிய அணை, சாகர்மாலா துறைமுகங்கள் போன்ற பேரழிவுத் திட்டங்கள் அனைத்தும் தங்குதடையின்றிச் செயல்பாட்டுக்கு வந்துவிடும்.

இத்திட்டங்கள், சுற்றுச்சூழல் தாக்க மதிப்பீட்டு அறிக்கை அடிப்படையிலேயே இசைவு பெறாமல் நிறுத்தி வைக்கப் பட்டிருக்கின்றன. இந்த நிபந்தனை நீக்கப்பட்டுவிட்டால், இந்தப் பேரழிவுத் திட்டங்கள் அனைத்தும் நிறைவேறித் தமிழ்நாட்டை உருக்குலைத்துவிடும். இந்தியாவின் பிற பகுதிகளிலும் நிறுத்தி வைக்கப்பட்டிருக்கிற பல பேரழிவுத் திட்டங்கள் செயல்பட்டு, பெருமளவிலான மக்கள் சூழலியல் அகதிகளாக இடம்பெயர நேரிடும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

உலகை உலுக்கிவரும் கொரோனா வைரஸ் சுற்றுச்சூழலைப் பாதுகாக்க வேண்டிய அவசியத்தை வலியுறுத்திக்கொண்டிருக்கிறது. இதைக் கருத்தில் கொள்ள வேண்டிய நரேந்திர மோடி அரசு, இதற்கு நேர் எதிர்த்திசையில் பயணிக்க விரும்புகிறது. தமிழ்நாட்டுக்கும் ஒட்டுமொத்த இந்திய மக்களுக்கும் பேரழிவை உண்டாக்க வகைச் செய்யும் இந்தச் ‘சூழலியல் தாக்க மதிப்பீட்டு அறிக்கை விதிகள்–2020’-ஐ வரைவு நிலையிலேயே மத்திய அரசு திரும்பப் பெற வேண்டும் என வலியுறுத்தி, அரசியல் கட்சிகள், சுற்றுச்சூழல் அமைப்புகள், விவசாயிகள் உட்பட அனைவரும் ஒன்றிணைந்து அமைதி வழியில் போராட வேண்டும்” என்றார்.

சுற்றுச்சூழல்
சுற்றுச்சூழல்

இதுபற்றிப் பேசிய பூவுலகின் நண்பர்கள் அமைப்பைச் சேர்ந்த வழக்கறிஞர் வெற்றிச் செல்வன், “சூழலியல் தாக்க மதிப்பீடு குறித்த புதிய வரைவின்படி, சுற்றுச்சூழல் விதிகளை மீறுவோரே அதுகுறித்து அறிவிக்க வேண்டும். ஆனால், சுற்றுச்சூழல் விதிகளை மீறும் நிறுவனங்களே அவர்களின் விதிமீறல்கள் குறித்து எப்படித் தெரிவிப்பார்கள். ஆறு மாதங்களுக்கு ஒருமுறை, திட்டம் குறித்த அறிக்கையை ஒவ்வொரு நிறுவனமும் சமர்ப்பிக்க வேண்டும் என்றிருந்த விதிமுறையை, ஆண்டுக்கு ஒருமுறை சமர்ப்பித்தால் போதும் என இந்தப் புதிய சட்டவரைவில் மாற்றப் பட்டுள்ளது. சுற்றுச்சூழல் மற்றும் மக்கள் ஆரோக்கியம் குறித்துத் தீவிர முயற்சிகளை மேற்கொள்ள வேண்டிய இன்றைய சூழலில், இது ஆபத்தானது.

இதற்கு முன்னர், ஒரு திட்டத்துக்கான கருத்துக்கேட்புக் கூட்டத்தில் அந்தந்த மாவட்ட மக்கள் யார் வேண்டுமானாலும் கலந்துகொண்டு கருத்துச் சொல்லலாம் என்று இருந்தது. புதிய வரைவின்படி, குறிப்பிட்ட பகுதி மக்கள் மட்டும் கருத்துச் சொல்ல அனுமதிக்கப் படுவார்கள். 1994-ம் ஆண்டு விதிமுறைகளின்படி யார் வேண்டுமானாலும், கருத்துச்சொல்ல உரிமை இருந்தது. 2006-ம் ஆண்டுப் புதிதாகக் கொண்டுவரப்பட்ட சூழலியல் சட்ட வரைவில் அந்தந்த மாவட்ட மக்கள் மட்டும் தங்கள் கருத்துகளைத் தெரிவிக்கலாம் என்று சொல்லப்பட்டுள்ளது. இப்போது பகுதியாகச் சுருங்கியுள்ளது. எதிர்காலத்தில் கருத்துக்கேட்பு என்பது இல்லாமலே சூழலை மாசுபடுத்தும் திட்டங்களை நிறைவேற்ற நேரலாம். மேலும், ஒரு திட்டத்துக்குக் கொடுக்கப்பட்டுள்ள சூழலியல் அனுமதிக்கு எதிராக நீங்கள் மேல்முறையீடு செய்ய வேண்டுமெனில், அந்த அனுமதி வழங்கப்பட்டு அடுத்த 30 நாள்களுக்குள் பசுமை தீர்ப்பாயத்தில் வழக்கு தொடரலாம். அது முடியாமல் போனால், பசுமைத் தீர்ப்பாயத்தில் 30 நாள்கள் அவகாசம் வாங்கி வழக்கு் தொடரலாம். மொத்தம் 60 நாள்கள் என்றிருந்த கால அளவு தற்போது 40 (20:20) நாள்களாகக் குறைக்கப்பட்டிருக்கிறது. ஆனால், இந்தத் திருத்தத்தில் அந்தக் கால அவகாசம் மேலும் குறைக்கப்படுகிறது. இதன்மூலம், வழக்கு தொடுக்கும் நபர்களின் எண்ணிக்கை குறைய வாய்ப்புகள் அதிகமாக இருக்கின்றன. இந்தப் புதிய சட்ட வரைவால் மக்களுக்கு எதிரான திட்டங்களை எதிர்க்கும் சூழலியல் ஆர்வலர்களோ, சமூக ஆர்வலர்களோ அதுகுறித்து விவரம் அறிந்த வல்லுநர்களோகூடக் கருத்து தெரிவிக்க முடியாத நிலை ஏற்படுகிறது. கருத்துக்கேட்புக் கூட்டம் நடைபெறுவதைத் தடுப்பதன் மூலம் மக்கள் நேரடியாகப் பங்கு வகிக்கக்கூடிய ஓர் அம்சத்தையே அகற்றுகிறார்கள்.

இந்தப் புதிய சூழலியல் தாக்க மதிப்பீடு வரைவு, சூழலியலை அழிக்கும் விதத்தில் இருக்கிறது. சோடா உப்பு, அமிலம், பெட்ரோலியம், பெட்ரோகெமிக்கல் பொருள்கள், சாயத்தொழில், உயிரியல் மருத்துவக் கழிவுகள், சுத்திகரிக்கும் ஆலைகள், பெயின்ட், வேதிம உரங்கள், பூச்சிக்கொல்லிகள், கட்டுமான தொழிற்சாலைகள் ஆகியவை மனித ஆரோக்கியத்துக்குப் பெரும் அச்சுறுத்தல்களை உருவாக்கும். ஆனால், இவை அனைத்துக்கும் இந்தப் புதிய வரைவின் கீழ் பொதுமக்கள் கருத்துக் கேட்பிலிருந்து விலக்கு அளிக்கப்படுகிறது. இது மிகப்பெரிய அநீதியாகும். இந்தப் புதிய சட்டவரைவால் அத்தகைய நிலப்பகுதிகள், தரிசு நிலங்களாகக் கணக்குக் காட்டப்பட்டு கார்ப்பரேட் தொழில் துறைகளுக்குத் திறந்துவிடப்படும். இதனால் ஏற்படும் விளைவுகள் மோசமாக இருக்கும். இப்போது நாம் சந்தித்துக்கொண்டிருக்கும் பிரச்னைக்கு இடையே இப்படியொரு திருத்தத்தை அவசர அவசரமாக ஏன் கொண்டுவர வேண்டும்” என்றார்.

சூழலியலைப் பொறுத்தவரைக்கும் தற்போது குறைந்திருக்கும் காற்று மாசுபாட்டின் அளவைத் தக்க வைக்க வேண்டும். ‘தொழில்துறைகளை உயர்த்துகிறேன்’ என்று சொல்லிச் சூழலியலுக்கு வேட்டு வைத்திருப்பது தெளிவாகத் தெரிகிறது. புதிதாக வகுக்கப்படும் கொள்கைகள் சூழலைக் காத்து, மக்களுக்குப் பாதுகாப்பைத் தர வேண்டுமே தவிர, சூழலியலை மாசுபடுத்தி மக்களை அழிக்கும் நோக்கில் இருக்கக் கூடாது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism