Published:Updated:

புதிய ரகங்கள், தொழில்நுட்ப ஆலோசனைகள்... களைகட்டிய தோட்டக்கலைக் கண்காட்சி!

கண்காட்சியில் பார்வையாளர்கள்
பிரீமியம் ஸ்டோரி
கண்காட்சியில் பார்வையாளர்கள்

கண்காட்சி

புதிய ரகங்கள், தொழில்நுட்ப ஆலோசனைகள்... களைகட்டிய தோட்டக்கலைக் கண்காட்சி!

கண்காட்சி

Published:Updated:
கண்காட்சியில் பார்வையாளர்கள்
பிரீமியம் ஸ்டோரி
கண்காட்சியில் பார்வையாளர்கள்

வ்வோர் ஆண்டும் தோட்டக்கலைப் பயிர்கள் தொடர்பான கண்காட்சியை நடத்தி வருகிறது பெங்களூருவில் உள்ள இந்தியத் தோட்டக்கலை ஆராய்ச்சி மையம். கடந்த பிப்ரவரி மாதம் பெங்களூருவில் உள்ள இந்தியத் தோட்டக்கலை ஆராய்ச்சி மையத்தில் 5 நாள்கள் தோட்டக்கலைக் கண்காட்சி நடைபெற்றது. இதில் இந்தியா முழுவதுமிருந்து சுமார் 40,000 பேர் கலந்துகொண்டனர்.

தோட்டக்கலைக் கண்காட்சி குறித்து இந்தியத் தோட்டக்கலை ஆராய்ச்சி மையம் அனுப்பியுள்ள செய்திக் குறிப்பில் தெரிவித்துள்ளதாவது...

கண்காட்சியில்
கண்காட்சியில்

‘‘விவசாயத்தில் அதிக வருமானம் கொடுப்பவற்றில் தோட்டக்கலைப் பயிர்கள் முன்னணியில் இருக்கின்றன. பெங்களூரு தோட்டக்கலை ஆராய்ச்சி மையத்தில் உருவாக்கப்பட்ட கொய்யா, பப்பாளி, சீத்தா, எலுமிச்சை, பலா, மா போன்ற பழப்பயிர்களும் கத்திரிக்காய், தக்காளி, மிளகாய், பீன்ஸ் உள்ளிட்ட காய்கறி வகைகளும், ரோஜா, சாமந்தி, செண்டுமல்லி போன்ற மலர் வகைகளும், மூலிகைத் தாவரங்களும், இயற்கை இடுபொருள்களும் இந்தக் கண் காட்சியில் இடம்பெற்றன. விவசாயிகள் தங்களுக்குத் தேவையான விதை களையும், இயற்கை இடுபொருள் களையும் வாங்கிச் சென்றனர். அது தொடர்பான தொழில்நுட்ப தகவல் களையும் விஞ்ஞானிகளிடமிருந்து கேட்டுத் தெரிந்துகொண்டனர். நேரடியாக மட்டுமல்லாமல் நேரலை நிகழ்ச்சிகள் மூலமாகவும் பல மாநிலங் களிலிருந்து விவசாயிகள் பங்கு பெற்றனர்.

கண்காட்சியில்
கண்காட்சியில்

இந்தியத் தோட்டக்கலை ஆராய்ச்சி மையம் உருவாக்கிய ‘அர்கா கிரண்’ என்ற கொய்யா ரகம் தமிழ்நாட்டில் பிரபலம். இந்த ஆண்டுக் கொய்யாவில் வெண்ணிற சதை பற்றுள்ள `அர்கா பூர்ணா’ என்ற ரகம் வெளியிடப்பட்டுள்ளது. ஐஸ் பாக்ஸ் தர்பூசணியான ‘அர்கா ஸ்யாம்’, கொடி அழுகல் நோய்க்கு எதிர்ப்புத் திறன் கொண்ட சுரைக்காயான ‘அர்கா கங்கா’, மிளகாயில் இலைச்சுருட்டை நோய்க்கு எதிர்ப்புத் திறன்கொண்ட ‘அர்கா ககன்’, காய்கறி மற்றும் பழங்களின் மேல் படிந்திருக்கும் பூச்சிக்கொல்லி ரசாயனங்களை அகற்றுவதற்கான ‘அர்கா ஹெர்பி வாஷ்’ என்ற மூலிகைப் பொருளும் வெளியிடப் பட்டிருக்கிறது. அதே போன்று குழாய்கள்மூலம் தண்ணீர் நேரடியாகப் பயிர்களின் வேர்களுக்குச் செல்லும் வகையில் புதிய வகையான ஹைட்ரோ போனிக்ஸ் தொழில்நுட்ப முறையும் அறிமுகப்படுத்தப் பட்டுள்ளது.”

செந்தில்குமார்
செந்தில்குமார்

இது தொடர்பாகப் பேசிய இந்திய தோட்டக்கலை ஆராய்ச்சி மையத்தின் முதன்மை விஞ்ஞானி செந்தில்குமார், “புதிய வெளியீடுகள் பற்றிய சாகுபடி நுட்பங்களும் விதைகளும் ஆராய்ச்சி மையத்தில் கிடைக்கும். ஆராய்ச்சி மையம் சார்பாக இதுவரை 300-க்கும் மேற்பட்ட ரகங்கள் வெளியிடப் பட்டுள்ளன. அதுபற்றிய அனைத்துத் தகவல்களும் கிடைக்கும். மேற்கண்ட ரகங்களின் நர்சரி தொடங்கு வதற்கான உரிமம் சம்பந்தப்பட்ட ஆலோசனைகள், விதை நேர்த்தி சம்பந்தப்பட்ட தொழில்நுட்பங்கள், மா, பலாவில் மதிப்புக்கூட்டுவதற்கான தொழில் நுட்பங்கள், மலர் சாகுபடி சம்பந்தமான தொழில்நுட்பங்கள் எனப் பல விஷயங்கள் விவசாயிகளுக்கும், விவசாயத்தில் ஆர்வமுள்ள தொழில் முனைவோர்களுக்கும் எங்கள் மையத்தால் வழிகாட்டப்படுகிறது. ஆர்வம் இருப்பவர்கள் மையத்தைத் தொடர்பு கொள்ளலாம்” என்று அழைப்புவிடுத்தார்.

தொடர்புக்கு,
ICAR-IIHR/Officer Incharge, ATIC,
Hessarghatta Lake P.O,
Bengaluru-560089
Phone No: 080 28446815, 28446010, 23086100

முனைவர் செந்தில்குமார் செல்போன்: 96637 96473

கண்காட்சியில்
கண்காட்சியில்
கண்காட்சியில்
கண்காட்சியில்

வடுமாங்காய் வாங்கிக்கொடுத்த விருது!

தோட்டக்கலைக் கண்காட்சியில் கர்நாடக மாநிலத்தைச் சேர்ந்த பேலூரு சுப்பண்ணா ஹெக்டே என்பவருக்குப் புதிய கண்டுபிடிப்பாளர் விருது வழங்கப்பட்டது. இவர் தன்னுடைய ஒரு ஏக்கர் நிலத்தில் 100 வகையான வடு மாங்காய் ரகக் கன்றுகளைப் பராமரித்து, விவசாயிகளுக்கு இலவசமாகவும் வழங்கி வருகிறார். இந்தச் சேவைக்காக அவருக்கு விருது வழங்கப்பட்டது. இதுகுறித்துப் பேசிய இந்தியத் தோட்டக்கலை ஆராய்ச்சி மையத்தின் இயக்குநர் தினேஷ், “ஹெக்டேவிடமிருந்து 100 வகையான வடு மாங்காய் ரகங்களை எங்கள் ஆராய்ச்சி மையத்துக்கு வாங்கியிருக்கிறோம். இப்போது இங்கே 200 வகையான வடு மாங்காய் ரகங்கள் இருக்கின்றன. வடு மாங்காய் ரகங்கள் ஏற்றுமதி வாய்ப்பையும் பெற்றிருக்கின்றன. வடு மாங்காய் ரகங்களின் கன்றுகள் தேவைப்படுவோர் மையத்தை அணுகலாம். அதே போன்று ஊரகப் பொருளாதாரத்தை மேம்படுத்துவதிலும், குடிசைத் தொழிலை வளர்ப்பதிலும் வடு மாங்காய் ரகங்கள் பெரும்பங்கு வகிக்கின்றன. எனவே, இவற்றைத் தொழிலாக முன்னெடுப்பதற்கும் வாய்ப்புகள் அதிகம் உள்ளன. அதே போன்று இந்த வடு மாங்காய் ரகக் கன்றுகள் உருவாக்க விரும்புவோருக்கு உரிமமும் வழங்குகிறோம்” என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism