Published:Updated:

`தமிழகத்தை முழு இயற்கை வேளாண்மை மாநிலமாக மாற்றுவதில் உறுதி!' - சரியான வழியில் தமிழக அரசு

தலைமைச் செயலகம்
தலைமைச் செயலகம்

``நம்மாழ்வார், முன்னோடி விவசாயிகள் மற்றும் பசுமை விகடன் இதழும் பல ஆண்டுகளாக இயற்கை வேளாண்மையை பரப்பும் பணியைச் செய்து வருகிறார்கள். இந்த நேரத்தில் இயற்கை வேளாண்மையின் பக்கம் அரசு திரும்பி இருப்பதை வரவேற்கிறோம்."

வேளாண்மைக்குத் தனி பட்ஜெட் தயாரிப்புப் பணிகளில் தமிழக வேளாண்மை துறையினர் மும்முரமாக இருக்கும் வேளையில் இன்னும் ஒரு வேலையினையும் சத்தமில்லாமல் செய்து வருகின்றனர். விவசாயிகளின் நீண்ட நாள் கோரிக்கையான `தமிழ்நாட்டை முழுமையான இயற்கை வழி வேளாண்மை மாநிலமாக உருவாக்கும் பணி'களும் நடந்து வருகின்றன. ஏற்கெனவே தமிழ்நாடு இயற்கை வேளாண்மை கொள்கை மற்றும் மாநில இயற்கை வேளாண்மை திட்டங்கள் (Organic farming policy for Tamil Nadu and preparation of state schemes for Organic Agriculture) உருவாக்குதல் குறித்து இதுவரை மூன்று ஆலோசனைக் கூட்டங்கள் நடந்து முடிந்துள்ளன.

இந்நிலையில், நான்காவது ஆலோசனைக் கூட்டம் ஆன்லைன் மூலம் கடந்த 24-ம் தேதி சனிக்கிழமை அன்று நடைபெற்றது. வேளாண்மைத்துறை செயலர் சமயமூர்த்தி ஐ.ஏ.எஸ், வேளாண்மைத்துறை சிறப்புச் செயலர் ஆபிரஹாம் ஐ.ஏ.எஸ், வேளாண் விற்பனை துறை ஆணையர் வள்ளலார் ஐ.ஏ.எஸ் மற்றும் துறைசார்ந்த அலுவலர்கள் இதில் கலந்து கொண்டனர்.

ஆன்லைன் ஆலோசனைக் கூட்ட  நிகழ்ச்சியில்
ஆன்லைன் ஆலோசனைக் கூட்ட நிகழ்ச்சியில்
 இயற்கை விவசாயத்துக்கு முக்கியத்துவம்! பட்ஜெட் ஆலோசனைக் கூட்டத்தில் ஒலித்த  பசுமை  குரல்!

நிகழ்ச்சியை தமிழ்நாடு அங்கக சான்றளிப்புத் துறை ஒருங்கிணைத்திருந்தது. தமிழ்நாடு மற்றும் வெளிமாநிலங்களிருந்து 30-க்கும் மேற்பட்ட துறை சார்ந்த வல்லுநர்கள், முன்னோடி விவசாயிகள் கலந்து கொண்டு ஆலோசனைகளை அடுக்கினார்கள். பசுமை விகடன் சார்பிலும் பல தரப்பு விவசாயிகளிடம் பேசி பெற்றிருந்த ஆக்கப்பூர்வமான ஆலோசனைகள் அளிக்கப்பட்டன.
``எந்தப் பயிருக்கு எந்த நேரத்தில் எந்த இயற்கை உரத்தைக் கொடுக்க வேண்டும் என்ற சாகுபடிப் பரிந்துரைகளைத் தெளிவாக வெளியிட வேண்டும். வெளி இடுபொருள்கள் குறைக்க வேண்டும். நிலைத்த உற்பத்தியை அடைய வேண்டும்.

பாரம்பர்ய விதைகள் பரவலாக்கத்துக்கு மானியம், கால்நடை வளர்ப்பை ஊக்கப்படுத்த வேண்டும். இயற்கையில் விளைந்த பொருள்களுக்கு விற்பனை வாய்ப்புகளை உருவாக்க வேண்டும். மாடித்தோட்டம் அமைத்துள்ளவர்களையும் ஊக்கப்படுத்த வேண்டும். இயற்கை வேளாண்மையில் வெற்றி பெற வேண்டும் என்றால், குழுவாக இணைந்து செயல்படும்போதுதான் அது சாத்தியம். இயற்கை வேளாண்மை தொழில்நுட்பங்களை வயல் வெளிப்பள்ளி போல ஊர்தோறும் நடத்த வேண்டும்’’என்றெல்லாம் பயனுள்ள விஷயங்களைப் பலரும் பதிவு செய்தனர்.

``நம்மாழ்வார், முன்னோடி விவசாயிகள் மற்றும் பசுமை விகடன் இதழும் பல ஆண்டுகளாக இயற்கை வேளாண்மையை பரப்பும் பணியைச் செய்து வருகிறார்கள்.

டாக்டர் நடராஜன்
டாக்டர் நடராஜன்

இந்த நேரத்தில் இயற்கை வேளாண்மையின் பக்கம் அரசு திரும்பி இருப்பதை வரவேற்கிறோம். அதே சமயம், படிப்படியாக மாற்றுவது, கொஞ்சம், கொஞ்சமாக மாற்றுவது என்று முடிவு எடுக்க வேண்டாம். குடியை படிப்படியாக நிறுத்து, புகைப்பிடிப்பதை கொஞ்சம், கொஞ்சமாக நிறுத்துங்கள் என்று சொன்னால், யாரும் நிறுத்தமாட்டார்கள்.

விவசாயிகளின் நலன்... விவசாய மேம்பாடு! - தமிழக அரசின் பட்ஜெட்...

இனி நாளையிலிருந்து குடிப்பதை நிறுத்துவிடு என்று உறுதியாகச் சொல்லும்போதுதான், குடியை விடுவார்கள் என்பதை என் மருத்துவ அனுபவத்தில் பார்த்திருக்கிறேன். இது போல அதிரடியாக அரசு அறிவிக்க வேண்டும்’’ என்று கோரிக்கை வைத்தார் `பஞ்சகவ்யா’ டாக்டர்.கே.நடராஜன்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

``எங்களது ஆய்வில் இயற்கை உரங்களையும் செயற்கை உரங்களையும் கலந்து பயன்படுத்தும்போது நல்ல விளைச்சல் கிடைத்தது’’ என்று தமிழ்நாடு வேளாண் பல்கலைக்கழக விஞ்ஞானிகள் பேசி முடித்ததும், ``தமிழ்நாடு அரசின் கொள்கை நம் மாநிலம் முழுமையான இயற்கை வேளாண்மைக்குத் திரும்ப வேண்டும் என்பதுதான்.

ஆபிரஹாம் ஐ.ஏ.எஸ்
ஆபிரஹாம் ஐ.ஏ.எஸ்

இதில் இயற்கை பாதி, செயற்கை பாதி என்ற பேச்சுக்கே இடமில்லை’’ என்று திட்ட வட்டமாகத் தெரிவித்தார், ஆபிரஹாம் ஐ.ஏ.எஸ்.

இதே வேகத்தில் முனைப்புடன் அரசு செயல்பட்டால், முழுமையான இயற்கை வேளாண்மை மாநிலமாக தமிழ்நாடு மாறும் நாள் வெகுதொலைவில் இல்லை.

அடுத்த கட்டுரைக்கு