Published:Updated:

ஐந்தாவது முறையாகக் ‘கிரிஷி கர்மான் விருது!’ சாதனை படைத்த தமிழகம்!

முதல்வருடன் ககன்தீப் சிங் பேடி
பிரீமியம் ஸ்டோரி
முதல்வருடன் ககன்தீப் சிங் பேடி

நாட்டுநடப்பு

ஐந்தாவது முறையாகக் ‘கிரிஷி கர்மான் விருது!’ சாதனை படைத்த தமிழகம்!

நாட்டுநடப்பு

Published:Updated:
முதல்வருடன் ககன்தீப் சிங் பேடி
பிரீமியம் ஸ்டோரி
முதல்வருடன் ககன்தீப் சிங் பேடி

ண்ணெய் வித்துகள் உற்பத்தித் திறனில் சாதனை படைத்ததற்காக 2017-18-ம் ஆண்டிற்கான மத்திய அரசின் ‘கிரிஷி கர்மான்’ விருதுக்கு ஐந்தாவது முறையாகத் தமிழ்நாடு அரசு, தேர்வு செய்யப்பட்டிருக் கிறது. 5-ம் முறையாக இந்த விருது பெற்றிருப்பது பற்றி, வேளாண்துறை உற்பத்தி ஆணையர் மற்றும் வேளாண்துறை முதன்மைச் செயலாளர் ககன்தீப் சிங் பேடியிடம் பேசினோம்.

“வேளாண் விளைபொருள்களின் உற்பத்தித் திறனை அதிகரிக்கவும், விவசாயிகளின் வருமானத்தைப் பெருக்கவும், தமிழக அரசு பல்வேறு திட்டங்களைத் தீட்டிச் சிறப்பாகச் செயல்படுத்தி வருகிறது. 2011-12-ம் ஆண்டில், அப்போதைய முதல்வர் ஜெயலலிதாவால் அறிமுகப்படுத்தப்பட்ட உணவு தானிய இயக்கத்தின் மூலம், தமிழ்நாட்டில் உணவு தானிய உற்பத்தியில் தற்போது இரு மடங்குச் சாதனையை அடைந்திருக்கிறோம்.

முதல்வருடன் ககன்தீப் சிங் பேடி
முதல்வருடன் ககன்தீப் சிங் பேடி

தமிழ்நாடு அரசின் முயற்சிகளாலும், உற்பத்தித் திறனை அதிகரிக்க வேளாண் துறையால் கடைப்பிடிக்கப்பட்ட புதிய சாகுபடி தொழில்நுட்பங்களாலும், வேளாண் உற்பத்தியில் உள்ள இடைவெளியினைக் குறைத்து, தமிழ்நாடு 2011-12, 2013-14, 2014-15 மற்றும் 2015-16 ஆகிய நிதியாண்டுக்காலத்தில் 100 லட்சம் மெட்ரிக் டன்னுக்கும் அதிகமாக உணவு தானிய உற்பத்தி செய்து சாதனை படைத்துள்ளது. தமிழகத்தில் அதிக வேளாண் உற்பத்தி சாதனைக்காக நான்கு முறை மத்திய அரசு ‘கிரிஷி கர்மான்’ விருதினைத் தமிழ்நாடு அரசுக்கு வழங்கியிருக்கிறது. 2016-17-ம் ஆண்டில் தமிழகத்தில் கடும் வறட்சி நிலவிய போதும், தமிழக அரசின் முயற்சிகளினால் 2017-18-ம் ஆண்டிலும் 107.133 லட்சம் மெட்ரிக் டன் உணவு தானிய உற்பத்தி செய்து சாதனை படைத்திருக்கிறது.

குறிப்பாக எண்ணெய்வித்துகளில் 10.382 லட்சம் மெட்ரிக் டன் உற்பத்தியும், உற்பத்தித் திறனில் ஹெக்டேருக்கு 2,729 கிலோ என்ற அளவிலும் அதிகரித்துள்ளது. இது அகில இந்தியச் சராசரி உற்பத்தித் திறனான ஹெக்டேருக்கு 1,284 கிலோ என்ற அளவைவிட இரு மடங்கிற்கும் அதிகம். அதாவது 113 சதவிகிதம் அதிகரித்துள்ளது.

எண்ணெய்வித்துப் பயிர்களில் தமிழ்நாட்டின் இந்தச் சாதனைக்காக 2017-18-ம் ஆண்டின் ‘கிரிஷி கர்மான்’ விருதுக்கு, தமிழ்நாடு தற்போது மத்திய அரசால் தேர்வு செய்யப்பட்டுள்ளது. இது தமிழக விவசாயிகளுக்கும் வேளாண்துறைக்கும், தமிழக அரசுக்கும் கிடைத்த பெருமை” என்றார் மகிழ்ச்சியுடன்.