Published:Updated:

கவனிக்க வேண்டிய வேளாண் பங்குகள்! - ரூ.1,00,000 கோடி ஒதுக்கீடு..!

வேளாண் பங்குகள்
பிரீமியம் ஸ்டோரி
வேளாண் பங்குகள்

இந்த நிதித் திட்டத்தின்கீழ் 3% வட்டி மானியமும், ரூ.2 கோடி வரை கடன் உத்தரவாதமும் வழங்கப்பட உள்ளன!

கவனிக்க வேண்டிய வேளாண் பங்குகள்! - ரூ.1,00,000 கோடி ஒதுக்கீடு..!

இந்த நிதித் திட்டத்தின்கீழ் 3% வட்டி மானியமும், ரூ.2 கோடி வரை கடன் உத்தரவாதமும் வழங்கப்பட உள்ளன!

Published:Updated:
வேளாண் பங்குகள்
பிரீமியம் ஸ்டோரி
வேளாண் பங்குகள்
பிரதமர் நரேந்திர மோடி வேளாண் உள்கட்டமைப்பு நிதியாக ரூ.1,00,000 கோடி ஒதுக்கீடு செய்யும் திட்டத்தை அண்மையில் தொடங்கி வைத்தார். முதல்கட்டமாக 2,200 விவசாயக் கூட்டுறவுகளுக்கு ரூ.1,000 கோடியை வழங்கியுள்ளார். இது, வேளாண்துறை தொழில் முனைவோர்கள், ஸ்டார்ட்அப் நிறுவனங்கள், வேளாண் கூட்டுறவு அமைப்புகள் ஆகியோருக்குப் பயனளிக்கும் வகையில் திட்டமிடப் பட்டுள்ளது.

பிரதம மந்திரி கிசான் திட்டம்

அறுவடைக்குப் பிறகு தேவையான நிர்வாக உள்கட்டமைப்பு களையும், வேளாண் சார்ந்த சொத்துகளை மேம்படுத்தவும் இந்தத் திட்டம் வழிவகை செய்கிறது. கோவிட் 19 காரணமாக ஏற்பட்ட பொருளாதார நெருக்கடியைச் சரிசெய்ய அறிவிக்கப்பட்ட ரூ.20,00,000 கோடி நிதித் தொகுப்பின் ஒரு பகுதிதான் இந்தத் திட்டம். கடந்த மாதம் மத்திய அமைச்சரவை இந்தத் திட்டத்துக்கான நிதி ஒதுக்கீட்டுக்கு ஒப்புதல் அளித்துள்ளது.

கவனிக்க வேண்டிய வேளாண் பங்குகள்! - ரூ.1,00,000 கோடி ஒதுக்கீடு..!

ஒட்டுமொத்த விகடனுக்கும் ஒரே ஷார்ட்கட்!

ஏற்கெனவே பிரதம மந்திரி கிசான் திட்டம் 2018-லிருந்து செயல்படுத்தப்பட்டு வருகிறது. இந்தப் புதிய வேளாண் உள்கட்டமைப்புக்கான நிதி ஒதுக்கீடு அடுத்த 10 ஆண்டுகளுக்கு அதாவது, 2029 வரை செயல்படுத்தப்படும். அறுவடைக்குப் பின் வேளாண் பொருள்களை நிர்வகிப்பதற்கான உள்கட்டமைப்புகளை உருவாக்குவதற்குத் தேவையான கடன் வசதிகளை ஏற்படுத்தித் தருவது இந்த நிதியின் முக்கிய நோக்கமாகும்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

வட்டி மானியம் மற்றும் நிதி உதவி!

மேலும், வேளாண் தொழிலை குழு சார்ந்து கூட்டுறவு மூலம் செயல்படுத்துவதன் மூலம் நாட்டின் வேளாண் சொத்துகளை மேம்படுத்தவும் வழிவகை செய்கிறது. இதற்குத் தேவையான வட்டி மானியம் மற்றும் நிதி உதவிகளையும் இந்தத் திட்டம் செயல் படுத்துகிறது. இதற்காக ஒதுக்கப்பட்டுள்ள ரூ.1,00,000 கோடி நிதியானது பல்வேறு வங்கிகள் மூலமாகக் கூட்டுறவுக் கடன் தரும் நிறுவனங்கள், வேளாண் அமைப்புகள் மற்றும் வேளாண் உற்பத்திக் கூட்டமைப்புகள், வேளாண் தொழில்முனைவோர்கள், ஸ்டார்ட் அப், வேளான் தொழில்நுட்ப நிறுவனங்களுக்கு வழங்கப்பட உள்ளது.

வேளாண் பங்குகள்
வேளாண் பங்குகள்

இதுவரை இந்தத் திட்டம் தொடர்பாக 11 பொதுத்துறை வங்கிகள் வேளாண் அமைச்சகத்துடன் ஒப்பந்தம் கையெழுத்துட்டுள்ளன.

இந்த நிதித் திட்டத்தின்கீழ் 3% வட்டி மானியமும், ரூ.2 கோடி வரை கடன் உத்தரவாதமும் பயனாளிகளுக்கு வழங்கப்பட உள்ளது. இந்தத் திட்டத்தில் கடன்கள் நான்கு ஆண்டுகளில் வழங்கப்படத் திட்டமிடப்பட்டுள்ளது. முதல் ஆண்டில் ரூ.10,000 கோடியும் அடுத்த மூன்று ஆண்டுகளில் ஆண்டுக்கு ரூ.30,000 கோடி வீதமும் வழங்கப்படும்.

கட்டமைப்பு உருவாக்கம்..!

இந்த நிதி உதவித் திட்டமானது பதப்படுத்தும் நிலையங்கள், அதற்கான சங்கிலிக் கட்டமைப்புகள், சேமிப்புக் கிடங்குகள், பேக்கேஜிங் யூனிட்டுகள், ஆன்லைன் வர்த்தக வசதிகள் போன்ற கட்டமைப்புகளை அமைப்பதற்கான கடன் வசதிகளை வழங்குகிறது. மேலும், மத்திய/மாநில/உள்ளூர் அமைப்புகள் மூலமாக வழங்கப்படும் பி.பி.பி (பப்ளிக் பிரைவேட் பார்டனர்ஷிப்) திட்டங்களுக்கான நிதி உதவியும் இதன்மூலம் வழங்கப்படும். இந்த வேளாண் உள்கட்டமைப்பு நிதியானது ஆன்லைன் மூலமாகவே நிர்வகிக்கவும் கண்காணிக்கப்படவும் உள்ளது. எனவே, தகுதிவாய்ந்த அனைத்து நிறுவனங் களும் இந்தத் திட்டத்தின்கீழ் உதவி பெற விண்ணப்பிக்க முடியும்.

பங்குகள்
பங்குகள்

இந்திய வேளாண்மையானது முதலீடுகளை விடவும் மானியத்தையே அதிகம் நம்பியுள்ளது. இந்தப் புதிய நிதி உதவி திட்டம் இதன் அடிப்படையில் திட்டமிடப்பட்டுள்ளது.

ஒரே நாடு - ஒரே சந்தை

இந்தத் திட்டம் விவசாயிகளின் தேவையைப் பூர்த்தி செய்யும் வகையிலும் அவர்களைச் சந்தையுடன் இணைக்கும் வகையிலும் திட்ட மிடப்பட்டுள்ளது. மேலும், முதல் ஆன்லைன் தேசிய வேளாண் சந்தை (e-National Agriculture Market - e-NAM) முழுக்க முழுக்க தொழில்நுட்ப உதவியுடன் உருவாக்கப்பட்டுள்ளது.

சுயசார்பு பாரதம்

இந்த வேளாண் உள்கட்டமைப்பு நிதியானது விவசாயிகளுக்கு அவர்களின் விளை பொருள்களைக் கிராமங்களிலும் சேமித்து வைக்கும் நவீன வசதியை ஏற்படுத்தி தரும். சுயசார்பு பாரதம் என்ற புதிய பிரச்சாரத்தின் கீழ் உள்நாட்டு பிரபல தயாரிப்புகளை எல்லா மாவட்டங்களின் சந்தைகளிலும் அந்நியச் சந்தைகளிலும் கிடைக்கும் வகையில் இந்தத் திட்டம் வகுக்கப்பட்டுள்ளது.

கவனிக்க வேண்டிய பங்குகள்!

இந்தத் திட்டத்தால் பல வேளாண் நிறுவனங்கள் லாபம் அடைய உள்ளன. அவற்றில் முதலீட்டுக்கு கவனிக்க வேண்டிய மூன்று முக்கியப் பங்குகள் இதோ...

வேளாண் பங்குகள்
வேளாண் பங்குகள்

1. தனுகா அக்ரிடெக் (Dhanuka Agritech)

இந்த நிறுவனம் இந்தியாவின் முன்னணி அக்ரோ-கெமிக்கல் நிறுவனங்களில் ஒன்று. ஆசிய பசுபிக்கில் 200 சிறந்த நிறுவனங்களில் ஒன்றாகவும் போர்ப்ஸ் இதழ் பட்டியலிட்டுள்ளது.இதன் 2020-21 முதல் காலாண்டு நிதிநிலை முடிவுகளும் ஆரோக்கியமாக உள்ளது. இந்தப் போக்கு தொடர்ந்து நீடிக்க வாய்ப்புண்டு.

2. ராலிஸ் இந்தியா (Rallis India)

ராலிஸ் இந்தியா, டாடா கெமிக்கல்ஸ் நிறுவனத்தின் துணை நிறுவனமாகும். இது வெர்ட்டிகள் ஃபார்மிங் சார்ந்த தொழிலில் ஈடுபட்டுள்ளது. மேலும், இது இந்தியாவின் முன்னணிப் பயிர் பராமரிப்பு நிறுவனமும்கூட. இந்தியாவின் 80% மாவட்டங்களில் இந்த நிறுவனத்தின் தொழில் விரிவுபடுத்தப் பட்டுள்ளது. இதன் முதல் காலாண்டு நிதிநிலை முடிவுகளும் மிகச் சிறப்பாக வந்துள்ளது. அரசின் வேளாண்துறை ஊக்குவிப்பு திட்டம் மூலம் இந்த நிறுவனம் குறிப்பிடத்தக்க பலனை அடையும்.

3. கொரமண்டல் ஃபெர்டிலைசர்ஸ் (Coromandel Fertilizers)

வேளாண்துறை நிறுவனங்களில் கொர மண்டல் ஃபெர்டிலைசர்ஸ் நிறுவனத்தின் பங்கு எப்போதும் முதலீட்டாளர்களின் விருப்பத் தேர்வாக இருந்துவருகிறது.

இதன் செயல்பாடும் தொடர்ந்து சிறப்பாக உள்ளது. இந்தியாவின் இரண்டாவது பெரிய பாஸ்படிக் ஃபெர்டிலைசர் (phosphatic fertilizers) நிறுவனமாகவும் இது உள்ளது. ஃபெர்டிலைசர், பிரத்யேக ஊட்டச்சத்துகள், பயிர் பாதுகாப்பு மற்றும் சில்லறை விற்பனை ஆகியவற்றிலும் சிறப்பாகச் செயல்படுகிறது.

சந்தைக்குத் தேவையான அனைத்து விதமான ஃபெர்டிலைசர்களையும் உற்பத்தி செய்கிறது. 4.5 மில்லியன் டன் ஃபெர்டிலைசர் உற்பத்தி செய்வதன் மூலம் இந்தத் துறையில் முன்னணியில் உள்ளது. இந்த நிறுவனமும் முதல் காலாண்டில் சிறப்பான நிதி நிலை முடிவுகளைத் தந்திருக்கிறது.

இந்தப் பங்குகளில் ஒரே நேரத்தில் முதலீடு செய்வதைத் தவிர்த்து, மொத்த முதலீட்டு தொகைய்யை 3 அல்லது 5 பகுதியாகப் பிரித்து, சந்தை இறக்கத்தைப் பயன்படுத்தி, முதலீடு செய்தால் கூடுதல் லாபம் பார்க்க முடியும்.

நடுத்தர மற்றும் நீண்டகாலத்துக்கான முதலீட்டுக்கேற்ற பங்காக இவை கருதப்படுகிறது.