Published:Updated:

விவசாயிகளுக்கு ஸ்மார்ட் போன் கொடுங்கள்... வானதி சீனிவாசன் கோரிக்கை!

வானதி சீனிவாசன்
பிரீமியம் ஸ்டோரி
வானதி சீனிவாசன்

ஆலோசனை

விவசாயிகளுக்கு ஸ்மார்ட் போன் கொடுங்கள்... வானதி சீனிவாசன் கோரிக்கை!

ஆலோசனை

Published:Updated:
வானதி சீனிவாசன்
பிரீமியம் ஸ்டோரி
வானதி சீனிவாசன்

"விளைபொருள்களுக்கு அதிக விலை கிடைக்கச் செய்ய வேண்டும். அதற்காக சிறு விவசாயிகளுக்கு ஸ்மார்ட் போன் வழங்க வேண்டும்’’

- இப்படியொரு கோரிக்கையை சட்டப்பேரவையில் முன்வைத்து கவனம் ஈர்த்துள்ளார், கோயம்புத்தூர் தெற்கு தொகுதி சட்டமன்ற உறுப்பினரும், பி.ஜே.பி தேசிய மகளிரணி தலைவருமான வானதி சீனிவாசன்.

இதுகுறித்து வானதி சீனிவாசனைத் தொடர்புகொண்டு கேட்டபோது, “இந்தியாவிலேயே முதல்முறையாக 2011-ம் ஆண்டு கர்நாடகாவில் அப்போதையே பி.ஜே.பி அரசுதான் வேளாண்துறைக்குத் தனி பட்ஜெட் அறிவித்தது. அதைப் பின்பற்றி தமிழ்நாட்டிலும் வேளாண்துறைக்குத் தனி பட்ஜெட் அறிவித்திருப்பதற்குப் பாராட்டுகள்.

விவசாயிகளின் வருமானத்தை இரட்டிப்பாக்குவது என்னுடைய லட்சியம் என்று பிரதமர் சொல்கிறார். அதையொட்டி மாநில அரசாங்கமும் முன்வரும்போது அதன் வேகம் இன்னும் அதிகரிக்கும். அந்த வகையில் இந்த நிதிநிலை அறிக்கையை நாங்கள் முழுமையாக வரவேற்கிறோம்.

வானதி சீனிவாசன்
வானதி சீனிவாசன்


மின்னணு ஏலம் மூலம் விவசாயிகள் தங்களின் விளைபொருள்களுக்கு விலைபெற இணையதளம், சிறப்பு மென்பொருளுக்கு 10 கோடி ரூபாய் ஒதுக்கப்படும் என்று பட்ஜெட்டில் கூறியுள்ளனர். ஏற்கெனவே மத்திய வேளாண்மை மற்றும் உழவர் நலத்துறை சார்பில் ‘இ-நாம்’ என்ற திட்டம் இணையதளம் வாயிலாகச் செயல்பட்டு வருகிறது. கடந்த மூன்று ஆண்டுகளாக நாடு முழுவதும் இருக்கும் விவசாயக் கொள்முதல் நிலையங்கள், வியாபாரிகள், விவசாயிகள் என அனைவரும் நேரடியாக இணையதளம் மூலம் விற்று வருகின்றனர். தமிழ்நாடு அரசு, இ-நாம் திட்டத்தை வேகமாகச் செயல்படுத்தத் தொடங்கினால், பல்வேறு விதங்களில் உற்பத்தி செய்யக்கூடிய விளைபொருள்களுக்கு நல்ல விலை கிடைக்கும். ஆனால், மாநில அரசு இ-நாம் திட்டத்தை எங்கேயும் குறிப்பிடவில்லை.

தமிழ்நாட்டில் ஏற்கெனவே அரசின் பல்வேறு சேவைகளுக்காக இ-சேவை மையங்கள் உள்ளன. அந்த இ-சேவை மையங்கள் மூலமாகவே கிராமப்புறங்களில் இ-நாம் இணையதளத்துக்குள் சென்று விவசாயிகளைச் சந்தையில் இணைக்கலாம். அதில் பொருள்களை விற்க படிப்படியாக விவசாயிகளுக்கே ஆர்வம் வந்துவிடும். அதற்காகத்தான் ஸ்மார்ட் போன் கொடுக்க வேண்டும் என்று கோரிக்கை வைத்துள்ளேன்’’ என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism