`நவீன மயமாக்கல் விவசாயிகளை மேம்படுத்துமா?!' - மோடி சொன்னதும் கடந்தகால உண்மைகளும்

விவசாயத்தை நவீன மயமாக்கி மேம்படுத்த வேண்டும் என்பதில் மத்திய அரசு உறுதியாக உள்ளதாகவும், வேளாண்துறையை நவீனமாக்க அரசு எடுத்துவரும் பல்வேறு முயற்சிகள் தொடரும் எனவும் பிரதமர் மோடி தெரிவித்துள்ளார். நேற்று முன்தினம் அகில இந்திய வானொலியில் `மான் கி பாத்' நிகழ்ச்சியில் உரையாற்றியபோது இதைத் தெரிவித்துள்ளார். நவீன மயமாக்கல் விவசாயிகளின் வாழ்க்கையை மேம்படுத்துமா? இது விவசாயிகளுக்கு எந்தளவுக்கு கைகொடுக்கும்? இது தொடர்பாக, இயற்கை வேளாண் செயற்பட்டாளர் ரமேஷ் கருப்பையா சில முக்கிய கருத்துகளைப் பகிர்ந்துகொள்கிறார்.

வீரிய ஒட்டுரக விதைகளாலும், செயற்கையான ரசாயன உரங்களாலும், பூச்சிக்கொல்லி மருந்துகளாலும் மிக மோசமான பின் விளைவுகள் ஏற்பட்டன. படிப்படியாக விளைச்சல் குறைந்து, அதற்கு நேர் முரணாகச் செலவுகள் அதிகரித்து விவசாயிகள் கடனாளி ஆகிப்போனார்கள். விவசாயிகள் தற்கொலை செய்துகொள்ளும் அவலம் ஆரம்பமானது. மரபணு மாற்றுப் பயிர்களாலும் பலவிதமான பாதிப்புகள் ஏற்பட்டுள்ளன. கலப்பின வெளிநாட்டு ரக மாடுகள் வளர்ப்பாலும் நம் விவசாயிகளின் வாழ்வாதாரம் கடும் பாதிப்புகளைச் சந்தித்தார்கள். இமயமலையில் இருந்து உற்பத்தியாகக்கூடிய வற்றாத ஜீவநதிகளான ஜீலம், செனாப், ராவி, பியாஸ், சட்லஜ் ஆகிய ஐந்து நதிகள் ஓடக்கூடிய வளமான மாநிலம் பஞ்சாப்.

இதனால்தான் பஞ்சாப் என்று அழைக்கப்படுகிறது. பசுமைப் புரட்சி இந்தியாவிலேயே முதல்முறையாக, முழுமையாக பஞ்சாபில்தான் அறிமுகப்படுத்தப்பட்டது. அங்குள்ள விவசாயிகளின் வாழ்க்கை எந்த வகையிலும் மேம்படவில்லை. மத்திய அரசு புதிதாகக் கொண்டு வந்துள்ள வேளாண் சட்டங்களை எதிர்த்து, பஞ்சாப் மாநில விவசாயிகள்தாம் அதிகளவில் போராடி வருகிறார்கள். வேளாண் தொழில்நுட்பம் என்பது பருவகால சூழலுக்கு ஏற்ப தாக்குப்பிடிக்கக்கூடியதாக இருக்க வேண்டும். குறிப்பாக, இயற்கைப் பேரிடர்களை சமாளிக்கக்கூடியதாக இருக்க வேண்டும். இதற்கேற்பதான் விவசாயம் தகவமைக்கப்பட வேண்டும். எனவே, விவசாயத்தையும் விவசாயிகளின் வாழ்க்கைத் தரத்தையும் மேம்படுத்த நவீனமயமாக்கல் கை கொடுக்காது. நவீனமயமாக்கல் என்ற பெயரில், நம் பாரம்பர்ய விவசாயத்தை ஏற்கெனவே சீரழித்தது போதும். மிச்சமிருப்பதையாவது விட்டு வையுங்கள்’’ என்றார்.