Published:Updated:

அனைவருக்கும் பசுமை வணக்கம்!

தலையங்கம்
பிரீமியம் ஸ்டோரி
News
தலையங்கம்

‘‘கடந்த ஆண்டைவிட, இயற்கை வேளாண்மைச் சாகுபடி பரப்பளவு இந்தியாவில் 20 சதவிகிதம் அதிகரித்துள்ளது.

23 லட்சம் ஹெக்டேர் என்றிருந்த நிலப்பரப்பு, தற்போது 27.7 லட்சம் ஹெக்டேர் அளவுக்கு விரிவடைந்துள்ளது’’ என்ற தகவலை நாடாளுமன்றத்தில் பதிவு செய்திருக்கிறார், மத்திய வேளாண்துறை அமைச்சர் நரேந்திர சிங் தோமர். இது இந்திய இயற்கை வேளாண்மை பற்றிய முழுமையான புள்ளிவிவரம் அல்ல என்றாலும், இது மகிழ்ச்சிகரமான தகவலே. முழுமையான தகவலையும் அரசுத்தரப்பில் திரட்டித் தந்திருந்தால், இந்த மகிழ்ச்சி இரட்டிப்பாகியிருக்கும்.

மத்திய அரசு செயல்படுத்திவரும், ‘பரம்பரா கிரிஷி விகாஸ் யோஜனா’, ‘தேசிய இயற்கை விவசாய உற்பத்தித் திட்டம்’ உள்ளிட்ட அரசுத் திட்டங்கள் மூலமாகப் பயன்பெறும் நிலப்பரப்பு பற்றி மட்டுமே தற்போது புள்ளிவிவரங்களை வெளியிட்டுள்ளார் மத்திய அமைச்சர். இயற்கை வேளாண்மையைப் பொறுத்தவரை, ஒவ்வொரு பகுதியிலும் ஒவ்வொருவிதமான பாரம்பர்யத்தின் அடிப்படையில் கடைப்பிடிக்கப்படுகிறது. இதைத் தவிர, ஜீரோ பட்ஜெட் இயற்கை வேளாண்மை, உழவில்லா வேளாண்மை (Do Nothing Farming) என்று வெவ்வேறு தொழில்நுட்பங்கள் மற்றும் சிந்தாந்தங்களின் அடிப்படையில் பலவிதமான முறைகளில், இங்கே இயற்கை வேளாண்மை நடந்து கொண்டிருக்கிறது, பல்லாண்டுகளாக.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

தன்முனைப்போடு இயற்கை வேளாண்மையில் ஈடுபட்டிருக்கும் உழவர்கள் பற்றியோ, அவர்களுடைய நிலப்பரப்பு பற்றியோ, நம்முடைய அரசுத்துறையிடம் போதுமான தகவல்கள் இல்லை. இதையெல்லாம் தொகுத்தால், இயற்கை வேளாண்மையின் நிலப்பரப்பு, அதை மேற்கொண்டிருக்கும் உழவர்கள் பற்றிய தகவல்கள், ஆச்சர்யப்படத்தக்கதாகவே இருக்கும்.

அதுவே, நாடுமுழுக்க பேரளவு உழவர்களை இயற்கையின் பக்கம் ஈர்ப்பதாகவும் இருக்கும்.தற்போது மத்திய பட்ஜெட்டில் ‘ஜீரோ பட்ஜெட் இயற்கை வேளாண்மை’க்கு முக்கியத்துவம் தந்திருக்கும் பி.ஜே.பி அரசு, இயற்கை வேளாண்மைக்காக இன்னும் நல்ல பல திட்டங்களையும் செயல்படுத்தினால், உலக நாடுகளே வியப்போடு நம்மைத் திரும்பிப் பார்க்கும் என்பது நிதர்சனம். இயற்கை வேளாண்மையை உழவர்களிடம் கொண்டு சேர்க்கும் உயரிய பணியில் கடந்த 12 ஆண்டுகளாக பசுமை விகடனும் தன்னை இணைத்துக்கொண்டு சிறப்பாகச் செயல்பட்டு வருகிறது.

அந்த வகையில், இயற்கை வேளாண்மையின் வெற்றிக்காக உழவர்களுக்கும் மத்திய, மாநில அரசுகளுக்கும் இடையே பாலமாகச் செயல்படவும் பசுமை விகடன் தயாராகவே இருக்கிறது.

-ஆசிரியர்