Published:Updated:

அதிகபட்சம் ரூ. 3.5 லட்சம்... வீட்டுக் கடன் வட்டிக்கு வரிச் சலுகை முழுமையாகக் கிடைக்குமா?

பட்ஜெட் ஃபாலோஅப்

பிரீமியம் ஸ்டோரி

டந்த வாரம் வெளியான பட்ஜெட்டில் வீட்டுக் கடனுக்கான வட்டியில் கூடுதல் சலுகை தந்து, புதிதாக வீட்டுக் கடன் வாங்கு பவர்களைச் சந்தோஷப்படுத்தியிருக்கிறார் நிதி அமைச்சர்.வாங்கக்கூடிய விலையிலான (Affordable) வீடு வாங்குபவர்களுக்கு வங்கிக் கடனுக்கான வட்டியில், நிதி ஆண்டில் கூடுதலாக ரூ.1.5 லட்சம் கழித்துக்கொள்ளலாம் என அறிவிக்கப்பட்டிருக்கிறது. இதற்கான நிபந்தனைகள் என்னென்ன என்று பார்ப்போம்.

அதிகபட்சம் ரூ. 3.5 லட்சம்... வீட்டுக் கடன் வட்டிக்கு வரிச் சலுகை முழுமையாகக் கிடைக்குமா?

1. 2019 ஏப்ரல் 1-ம் தேதி முதல் அடுத்த ஆண்டு 2020 மார்ச் 31-ம் தேதிக்குள் வீடு வாங்கப்பட்டிருக்க வேண்டும்.

2. வீட்டின் மதிப்பு அதிகபட்சம் ரூ.45 லட்சத்துக்குள் இருக்க வேண்டும்.

3. தற்போது வீட்டுக் கடனில் திரும்பக் கட்டும் வட்டியில் நிதி ஆண்டில் ரூ.2 லட்சம் வரை வரிச் சலுகை அளிக்கப்படுகிறது. இதைத் தவிர, வாங்கக்கூடிய விலையிலான வீடு வாங்குபவர்களுக்கு வங்கிக் கடனுக்கான வட்டியில், நிதி ஆண்டில் கூடுதலாக ரூ.1.5 லட்சம் கழித்துக்கொள்ளலாம். ஆக, ஒருவர் அதிகபட்சம் ரூ.3.5 லட்சம் வரை வரிச் சலுகை பெற முடியும்.

அதிகபட்சம் ரூ. 3.5 லட்சம்... வீட்டுக் கடன் வட்டிக்கு வரிச் சலுகை முழுமையாகக் கிடைக்குமா?

4. மத்திய பட்ஜெட்டில் 15 ஆண்டு காலத்தில் இந்த வட்டிச் சலுகை மூலம் சுமார் ரூ.7 லட்சம் வருமான வரியை மிச்சப்படுத்த முடியும் எனத் தெரிவிக்கப்பட்டது.

வீட்டின் மதிப்பு ரூ.45 லட்சம் என்கிறபோது, இதில் 80% வீட்டுக் கடன் என்றால், ரூ.36 லட்சத்துக்குக் கிடைக்கும். இந்தக் கடனுக்கு ஆண்டுக்கு 8.7% வட்டி எனில், ரூ.35,874 மாதத் தவணையாகக் கட்ட வேண்டியிருக்கும். முதல் ஆண்டில் வட்டிக்குச் செல்வது 3,08,408 ரூபாயாக இருக்கும். அந்த வகையில் முழுமையாக வட்டிக்கான ரூ.3.5 லட்சம் வரிச் சலுகையைப் பெற முடியாது. அடுத்துவரும் ஆண்டுகளில் வட்டிக்குச் செல்லும் தொகை குறைந்துகொண்டே வருவதால், அதிகபட்ச வட்டிச் சலுகையைப் பயன்படுத்த முடியாத நிலைதான் இருக்கும். மேலும், ஒன்பதாவது ஆண்டில் வட்டிக்குக் கிடைக்கும் வரிச் சலுகை ரூ.2 லட்சத்துக்குக் கீழே போய்விடும். (பார்க்க அட்டவணை 1)

அதிகபட்சம் ரூ. 3.5 லட்சம்... வீட்டுக் கடன் வட்டிக்கு வரிச் சலுகை முழுமையாகக் கிடைக்குமா?

இதுவே வீட்டுக் கடன் வட்டி 9% எனில், ரூ.36,514 மாதத் தவணை கட்டவேண்டியிருக்கும். முதல் ஆண்டில் வட்டிக்குச் செல்வது 3,19,171 ரூபாயாக இருக்கும். அந்த வகையிலும் முழுமையாக வட்டிக்கான ரூ.3.5 லட்சம் வரிச் சலுகையைப் பெற முடியாது. அடுத்துவரும் ஆண்டுகளில் வட்டிக்குச் செல்லும் தொகை குறைந்துகொண்டே வருவதால், அதிகபட்ச வட்டிச் சலுகையைப் பயன்படுத்த முடியாத நிலைதான் இருக்கும்.

மேலும் ஒன்பதாவது ஆண்டில் வட்டிக்குக் கிடைக்கும் வரிச் சலுகை ரூ.2 லட்சத்துக்குக் கீழே போய்விடும். (பார்க்க அட்டவணை 2) அந்த வகையில் இப்போது அறிவித்திருக்கும் வரிச் சலுகையை முழுமையாகப் பயன் படுத்த இயலாது. மேலும், சென்னை போன்ற பெருநகரங் களில் நகர எல்லைக்குள் ரூ.45 லட்சம் விலையில் வீடுகள் கிடைப்பது மிக கடினம். எனவே, வீட்டின் மதிப்பை ரூ.45 லட்சம் என்பதை உயர்த்தும்பட்சத்தில் ஒருவேளை ரூ.3.5 லட்சம் வரிச் சலுகையை முழுமையாகப் பயன்படுத்தும் சூழ்நிலை உருவாகக்கூடும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு