Published:Updated:

பட்ஜெட் 2019-20 : பணக்காரர்களுக்கு ஷாக் கொடுத்த கூடுதல் வரி!

பட்ஜெட் ஃபாலோஅப்

பிரீமியம் ஸ்டோரி

ந்த ஆண்டுக்கான பட்ஜெட்டில் தனிநபர் வருமான வரிச் சலுகைக்கான வரம்பு உயர்த்தப்படும் என நடுத்தர வர்க்கத்தினரான சம்பளதாரர்கள் ஆவலுடன் எதிர்பார்த்தனர். ஆனால், அப்படி எந்தவொரு அறிவிப்பையும் நிதி அமைச்சர் நிர்மலா சீதாராமன் வெளியிடவில்லை.

சம்பளதாரர்களின் ஏமாற்றம்

பட்ஜெட் 2019-20 :  பணக்காரர்களுக்கு ஷாக் கொடுத்த கூடுதல் வரி!

ஆனால், ‘‘ரூ.5 லட்சம் வரை வரிக்கு உட்பட்ட வருமானம் உள்ளவர்கள் வருமான வரி கட்டத் தேவையில்லை” என அவர் அறிவித்தவுடன், பலரும் கைதட்டி வரவேற்றார்கள். இதன் அர்த்தம் என்னவெனில், ஒருவரது வருமானம் ரூ.5 லட்சத்துக்குள் இருந்தால், அவர் எந்த வரியும் கட்ட வேண்டியதில்லை என்பதே தவிர, அடிப்படை வருமான வரம்பை ரூ.5 லட்சமாக உயர்த்தப் பட்டுள்ளது என்பதல்ல. அதாவது, ஒருவரின் வரிக்கு உட்பட்ட வருமானம் ரூ.5,00,001-ஆக இருந்தால், அவர் 12,500.20 ரூபாயை வரியாகக் கட்டியே ஆகவேண்டும் என்கிற நிலையே தொடர்ந்தது. பல மணி நேரம் கழித்தே பலருக்கும் இந்த உண்மை புரிந்தது. இதனால் நடுத்தர வர்க்கத்தைச் சேர்ந்த சம்பளதாரர்கள் பலரும் ஏமாற்றமே அடைந்தனர்.

இந்த பட்ஜெட் மூலம் ரூ.5 லட்சம் அளவுக்கு அடிப்படை வருமான வரி வரம்பினை உயர்த்தவில்லை என்றாலும், ரூ.2.50 லட்சத்திலிருந்து ரூ.3 லட்சமாகவாவது உயர்த்தியிருந்தால், சம்பளதாரர்கள் நிச்சயம் சந்தோஷப்பட்டிருப்பார்கள்.

பட்ஜெட் 2019-20 :  பணக்காரர்களுக்கு ஷாக் கொடுத்த கூடுதல் வரி!

ஆனால், மோடியின் தலைமையில் பா.ஜ.க இரண்டாவது முறையாக வெற்றி பெற்று, ஆட்சி அமைத்திருக்கும் முதல் ஆண்டு இது. இந்த ஆண்டிலேயே அடிப்படை வருமான வரி வரம்பினை ரூ.3 லட்சமாகவோ அல்லது ரூ.5 லட்சமாகவோ உயர்த்திவிட வேண்டாம்; அடுத்தடுத்து வரும் ஆண்டும் ஆண்டுகளில் இதைச் செய்யலாம் என நினைத்ததன் விளைவாக, வரி வரம்பை உயர்த்தாமல் விட்டிருக்கலாம்.

பெரும் பணக்காரர்களுக்கு செக்

பட்ஜெட் 2019-20 :  பணக்காரர்களுக்கு ஷாக் கொடுத்த கூடுதல் வரி!

பெரும் பணக்காரர்கள்மீது பரம்பரைச் சொத்து வரி இந்த பட்ஜெட் மூலம் கொண்டுவரப்படும் எனப் பரவலாகப் பேசப்பட்டது. அதைக் கொண்டுவருவதற்குப் பதிலாக, பெரும் பணக் காரர்களுக்குக் கூடுதல் வரி விதித்து அவர்களுக்கு செக் வைத்திருக்கிறார் நிதி அமைச்சர்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

ஆண்டு வருமானம் ரூ.2 கோடி முதல் ரூ.5 கோடி உள்ளவர்களுக்குக் கூடுதல் வரி 3%, ரூ.5 கோடி மற்றும் அதற்குமேல் வருமானம் உள்ள வர்களுக்கு 7% கூடுதல் வரி (சர்சார்ஜ்) விதிப்பதாக அறிவித்திருக்கிறார் நிதி அமைச்சர். அதாவது, இந்த வருமானப் பிரிவினர் மொத்த வரியாக முறையே 39% மற்றும் 42.74% வருமான வரி கட்ட வேண்டிய நிலைக்குத் தள்ளப்பட்டிருக்கிறார்கள் (அட்டவணை 2). கடந்த 27 ஆண்டுகளில் இது மிக அதிகபட்ச வரியாக இருக்கிறது. அதிகபட்ச வரி கட்ட வேண்டியவர்களுக்கான மொத்த வரி பட்ஜெட்டுக்குமுன் 35.9 சதவிகிதமாக இருந்தது.

பட்ஜெட் 2019-20 :  பணக்காரர்களுக்கு ஷாக் கொடுத்த கூடுதல் வரி!

கூடுதல் வரி விதிப்பால் பெரும் பணக்காரர்கள் கணிசமாக வரி கட்டவேண்டி வரும். உதாரண மாக, புதிய வரி விதிப்பின்படி, ஆண்டுக்கு ரூ.3 கோடி வருமானம் ஈட்டுபவர் இனி ஆண்டுக்கு ரூ.9.16 லட்சம் கூடுதலாகவும் ரூ.6 கோடி வருமானம் ஈட்டுபவர் இனி ஆண்டுக்கு ரூ.40.8 லட்சம் கூடுதலாகவும் வரி கட்டவேண்டிவரும்.

நம் நாட்டில் சுமார் 75,000 பேரின் வருமானமே ஆண்டுக்கு ரூ.1 கோடி முதல் ரூ.5 கோடியாக உள்ளது. எனவே, இந்த வரி விதிப்பினால் அரசின் வருமானம் கொஞ்சம் அதிகரிக்கும் என்று எதிர்பார்க்கலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு