Published:Updated:

கார்ப்பரேட்களுக்கு அரசு கொடுத்தது... கார்ப்பரேட்கள் மக்களுக்கு கொடுக்குமா?

பொருளாதாரம்
பிரீமியம் ஸ்டோரி
News
பொருளாதாரம்

தீபாவளிக்கு கூட்ட நெரிசலில் சிக்கியே ஷாப்பிங் செய்த பலருக்கு, இந்த ஆண்டு அதிர்ச்சி கிடைத்திருக்கும்.

கார்ப்பரேட்களுக்கு அரசு கொடுத்தது... கார்ப்பரேட்கள் மக்களுக்கு கொடுக்குமா?

தீபாவளிக்கு கூட்ட நெரிசலில் சிக்கியே ஷாப்பிங் செய்த பலருக்கு, இந்த ஆண்டு அதிர்ச்சி கிடைத்திருக்கும்.

Published:Updated:
பொருளாதாரம்
பிரீமியம் ஸ்டோரி
News
பொருளாதாரம்

கடைசி ஓரிரு நாள்களைத் தவிர்த்து பெரும்பாலான நாள்களில் கடைகள் காற்றாடின. ‘மாதக்கடைசியில் தீபாவளி வந்துவிட்டது. எல்லோரும் ஆன்லைனில் வாங்குகிறார்கள்’ என காரணங்களைச் சொன்னாலும், எல்லோரும் ஒப்புக்கொள்ளும் விஷயம்... ‘மக்களிடம் பணப்புழக்கம் குறைந்துவிட்டது!’ என்பதே.

மோடி தலைமையிலான அரசின் பொருளாதாரக் கொள்கைகளை மிகக்கடுமையாக விமர்சனம் செய்பவராக அறியப்பட்டார், சமீபத்தில் பொருளாதாரத்துக்கான நோபல் பரிசு வென்ற அபிஜித் பானர்ஜி. ஆனால், பிரதமர் மோடியைச் சந்தித்த பிறகு அவர் சைலன்ட் மோடுக்குப் போய்விட்டார். என்றாலும், ஒரே ஒரு விஷயத்தை மட்டும் அவர் அதன் பிறகும் உறுதியாகச் சொன்னார். ‘கார்ப்பரேட் நிறுவனங்களுக்கு வரிச்சலுகை கொடுத்தது தவறு’ என்பதுதான் அது.

கார்ப்பரேட்களுக்கு  அரசு கொடுத்தது... கார்ப்பரேட்கள் மக்களுக்கு கொடுக்குமா?

இந்தியப் பொருளாதாரத்தை மேம்படுத்தும் என்று சொல்லி, கார்ப்பரேட் நிறுவனங்களுக்கு வரிச்சலுகைகளை அறிவித்தார் நிதியமைச்சர் நிர்மலா சீதாராமன். 1,45,000 கோடி ரூபாய் அளவுக்கு வரிகள் குறைக்கப்பட்டன. ‘வரி குறைந்ததால், நிறையபேர் முதலீடு போட்டு நிறுவனங்கள் தொடங்குவார்கள்; புதிய வேலைவாய்ப்புகள் கிடைக்கும்; பணப்புழக்கம் அதிகரிக்கும்’ என்று மத்திய அரசு எதிர்பார்த்தது. ஆனால், கடந்த ஆறு ஆண்டுகளில் இல்லாத அளவுக்கு இந்தியப் பொருளாதாரம் மந்தமாகியுள்ளது; கடந்த 15 ஆண்டுகளில் இல்லாத அளவுக்கு 2019 ஏப்ரல் முதல் ஜூன் வரையிலான காலாண்டில் புதிய முதலீடுகள் குறைந்துள்ளன. அமெரிக்காவுக்கும் சீனாவுக்கு மான பொருளாதார யுத்தம் காரணமாக, சீனாவுக்கு மாற்றாக இந்தியா மாறும் வாய்ப்பு வந்துள்ளது. எனவே, இது நல்ல முடிவாகத் தெரியலாம்.

ஆனால், ‘‘கார்ப்பரேட் வரியைக் குறைத்தால் முதலீடுகள் குவியும் என்பது கார்ப்பரேட்டுகள் உருவாக்கியிருக்கும் கற்பனை. ஏற்கெனவே பணமூட்டைமீது உட்கார்ந்திருக்கும் கார்ப்பரேட்களுக்கு எதற்கு வரிச்சலுகை? இது, பணக்காரர்களை மேலும் பணக்காரர்களாகவும் ஏழைகளை இன்னும் ஏழைகளாகவுமே ஆக்கும். பொருளாதாரச் சமநிலையற்ற இந்தச் சூழல், அமெரிக்காவிலேயே மக்கள் மத்தியில் கோபத்தை ஏற்படுத்தியுள்ளது. மக்கள் கையில் பணம் கொடுத்தால்தான் பொருளாதாரம் வளரும். ஏழைகள் கையில் பணம் இருந்தால், அவர்கள் பொருள்கள் வாங்குவார்கள். பொருள்களின் தேவை அதிகரிக்கும். அதுவே உற்பத்தியை உயர்த்தும். முதலீடுகள் குவியும். இப்படித்தான் பொருளாதாரம் வளரும்’’ என்கிறார் அபிஜித் பானர்ஜி.

பொருளாதார வளர்ச்சி வேண்டும் என்பதற் காக கார்ப்பரேட்களுக்கு சலுகை கொடுக்கும் போக்கு உலகம் முழுக்கவே இருக்கிறது. கடந்த ஆண்டு, 106 லட்சம் கோடி ரூபாய் அளவுக்கு வரிச்சலுகை கொடுத்தது அமெரிக்கா. சீனா, இந்த ஆண்டு தொடக்கத்தில் சுமார் 20 லட்சம் கோடி ரூபாய் அளவுக்கு வரிகளைக் குறைத்தது. இப்போது இந்தியாவின் முறை. இதன்மூலம், ‘ஆசியாவிலேயே கார்ப்பரேட் வரி குறைவாக இருக்கும் நாடு’ என்ற பெருமையை இந்தியா பெற்றிருக்கிறது.

ஒட்டுமொத்த விகடனுக்கும் ஒரே ஷார்ட்கட்!

மோடியுடன் அபிஜித் பானர்ஜி
மோடியுடன் அபிஜித் பானர்ஜி

இதன் விளைவு என்னவாக இருக்கும்?

பிரிட்டனை ஆளும் கன்சர்வேட்டிவ் கட்சி, அங்கு பணக்காரர்களுக்கு வரிச்சலுகை கொடுத்துவிட்டு, மக்கள்நலத் திட்டங்களுக்கான பட்ஜெட் ஒதுக்கீட்டைக் குறைத்தது. இதைக் கண்டித்து எதிர்க்கட்சியான தொழிலாளர் கட்சி ஒரு வீடியோவை வெளியிட்டது. அது ‘பொருளாதார வளர்ச்சிக்கு யார் சிறந்த பங்களிப்பு செய்கிறார்கள், எளிய மக்களா...கோடீஸ்வரர் களா?’ என்ற கேள்வியுடன் ஆரம்பிக்கிறது.

சுமார் 18 லட்சம் ரூபாய் பணத்தை, ஒரு கோடீஸ்வரருக்கு வரிச்சலுகையாகக் கொடுக்கிறார்கள். இன்னொரு பக்கம் அடித்தட்டு மக்கள் ஐந்து பேருக்குக் கொடுக்கிறார்கள். சம்பள உயர்வு, பென்ஷன், மாற்றுத்திறனாளிக்கான உதவி, மாணவருக்கு ஸ்காலர்ஷிப், சிறுதொழில் தொடங்க கடன் என வெவ்வேறு வடிவங்களில் அவர்களுக்குப் பணம் போகிறது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

சம்பள உயர்வு கிடைத்தவர், தன் காரைப் பழுதுபார்க்க எடுத்துப் போகிறார். பென்ஷன் கிடைத்தவர் மார்க்கெட்டுக்கு பொருள்கள் வாங்கப் போகிறார். மாற்றுத்திறனாளி, மருத்துவ உபகரணங்களும் மருந்துகளும் வாங்குகிறார். மாணவர், லேப்டாப் வாங்குகிறார். தொழில் தொடங்கும் பெண்மணி, அதற்காக இடம் வாடகைக்கு எடுத்து ஃபர்னீச்சர்களும் பொருள்களும் வாங்குகிறார். இப்படியாக அந்தப் பணம் உள்ளூர் சந்தைக்குச் செல்கிறது. இந்த ஐந்து பேருக்கும் பொருள்களை விற்றவர்கள், தாங்கள் சம்பாதித்த லாபத்தில் வேறு கடைகளில் போய் தங்களுக்குத் தேவையான பொருள்களை வாங்குகிறார்கள். இப்படியே பணப்புழக்கம் ஏற்படுகிறது. வியாபாரம் பெருகுகிறது. புதிதாக சிலருக்கு வேலை கிடைக்கிறது. அவர்கள் வாங்கும் சம்பளமும் அங்கேயே புழங்குகிறது. ஒவ்வொரு பணப்பரிவர்த்தனையிலும் அரசாங்கத்துக்கு வரி கிடைக்கிறது. அரசின் வருவாய் அதிகரிப்பதால், மக்கள்நலத் திட்டங்களுக்குச் செலவழிக்க முடிகிறது.

கார்ப்பரேட்களுக்கு  அரசு கொடுத்தது... கார்ப்பரேட்கள் மக்களுக்கு கொடுக்குமா?

சரி, அந்தக் கோடீஸ்வரர்? “நீங்கள் அந்தப் பணத்தை வைத்து என்ன முதலீடு செய்தீர்கள், எவ்வளவு பேருக்கு வேலைவாய்ப்பு கொடுத்தீர்கள்?” என்று போய் ஒருவர் கேட்கிறார்.

‘‘நான் அந்தப் பணத்தை கேமன் தீவுக்கு அனுப்பிவிடுவேன்’’ என்கிறார். சுவிஸ் வங்கிகள் போன்று புகழ்பெற்ற கறுப்புப் பண வங்கிகள் இருக்கும் நாடு அது.

மிக எளிமையாக பொருளாதாரப் பாடம் எடுக்கிறது இந்த வீடியோ.

உலகிலேயே மிகப்பெரிய அளவில் கார்ப்பரேட்களுக்கு வரிச்சலுகை கொடுத்தது அமெரிக்கா. 21 மாதங்கள் கழித்து இப்போது நிலைமை என்ன? ‘ஆரம்பத்தில் வளர்ச்சி இருந்தது. ஆனால், அதன் பிறகு முதலீடுகள் குறைந்துவிட்டன. பற்றாக்குறை இப்போது கடுமையாக அதிகரித்துவிட்டது’ என எடில்வெய்ஸ் செக்யூரிட்டிஸ் நிறுவனம் மதிப்பீடு செய்துள்ளது. எளிமையான வார்த்தைகளில் இதை இப்படிச் சொல்லலாம். முன்பு எளிய மக்கள் மட்டும் கையில் பணம் இல்லாமல் இருந்தார்கள். இப்போது மக்களிடமும் பணம் இல்லை, அரசாங்கத்திடமும் பணம் இல்லை!

அமெரிக்காவுக்கும் சீனாவுக்குமான பொருளாதார யுத்தம் காரணமாக, சீனாவுக்கு மாற்றாக இந்தியா மாறும் வாய்ப்பு வந்துள்ளது!

சரி, அபிஜித் பானர்ஜி சொல்வதுபோல் மக்களிடம் பணத்தை எப்படிக் கொடுப்பது? தமிழகத்தில் ரேஷன் கார்டு வைத்திருப்போருக்கு பொங்கல் பரிசாக பணம் கொடுப்பார்களே, அப்படியா? இல்லை.

சில பொருளாதார நிபுணர்கள் சொல்லும் மாற்று யோசனை இது... 130 கோடி இந்தியர்களில் சுமார் ஐந்து கோடி பேர் வருமான வரி கட்டுகிறார்கள். தனிநபர் வருமான வரியில் சலுகை தரும்போது, இவர்கள் கையில் பணம் மிச்சம் இருக்கும். வாங்கும் சக்தி அதிகரிக்கும்போது, அதை செலவுசெய்ய சந்தைக்கு வருவார்கள். பொருள்களின் விற்பனை பெருகும். அதனால் தேவை உயரும். எனவே, உற்பத்தி பெருகும். அதற்காக புதிய முதலீடுகள் குவியும். ‘‘இப்போது என்னதான் வரிச்சலுகை கொடுத்திருந்தாலும், வாங்குவதற்கு ஆள் இல்லாத சந்தையில் யார் உற்பத்திசெய்வார்கள், யார் முதலீடு செய்வார்கள்?’’ என்று கேட்கிறார்கள் அவர்கள்.

கடன் மதிப்பீட்டு நிறுவனமான க்ரைசில் அமைப்பு, 850 பெருநிறுவனங்களிடம் ஓர் ஆய்வு செய்தது. ‘மார்க்கெட்டில் தேவை அதிகரிக்காத நிலையில், இவர்களில் யாரும் புதிய முதலீடுகள் செய்ய தயாராக இல்லை. வரிச்சலுகை மூலம் கிடைக்கும் பணத்தை அப்படியே வைத்திருக்கவோ, கடன்களை அடைக்கவோதான் 50 சதவிகிதத் துக்கும் மேலான நிறுவனங்கள் முடிவுசெய்துள்ளன’ என்கிறது இந்த ஆய்வு.

சரி, தங்களுக்கு வரிச்சலுகை கிடைக்கும்போது இந்த நிறுவனங்கள் விலையைக் குறைத்தல், தள்ளுபடி செய்தல் என மக்களுக்கு அதைப் பிரித்துக் கொடுக்குமா? ‘வெறும் பத்து சதவிகித நிறுவனங்கள் மட்டும்தான் அப்படிச் செய்யும் முடிவில் இருக்கின்றன’ என்ற உண்மையும் இந்த ஆய்வில் தெரியவந்துள்ளது.

கார்ப்பரேட்கள் எப்போதும் அப்படித்தான்!

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

ஜூனியர் விகடன் ஆக்‌ஷன் செல்

நீங்கள் வசிக்கும் பகுதியை பாதிக்கும் அடிப்படையான பிரச்னைகள், கண்ணெதிரில் நடக்கும் சமூகப் பிரச்னைகள், நீங்கள் அறிந்த ஊழல்கள், முறைகேடுகள் பற்றிய தகவல்களை எங்களுடன் பகிர்ந்துகொள்ளுங்கள். வலதுபுறம் குறிப்பிடப்பட்டிருக்கும் வாட்ஸ் அப் எண்ணுக்கோ, மெயில் முகவரிக்கோ தகவல்களை அனுப்பலாம். தகவல் அல்லது ஆதாரம் போதும்... உங்கள் அடையாளம் அவசியமில்லை. பரிசீலனைக்குப் பிறகு பிரச்னைகளுக்குத் தீர்வுகாண உங்களுடன் கைகோக்கிறது ஜூனியர் விகடன்.

கார்ப்பரேட்களுக்கு  அரசு கொடுத்தது... கார்ப்பரேட்கள் மக்களுக்கு கொடுக்குமா?

* உங்களின் தனிப்பட்ட பிரச்னைகளைப் பகிர்வதைத் தவிர்க்கவும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism