“சேது... என் நண்பன்... நந்தா... நானேதான்!” - பாலா #AppExclusive

“நந்தா ரெடியாகிட்டான். இன்னும் க்ளைமாக்ஸ் மட்டும்தான் பாக்கி" எடிட்டிங்கில் இருந்து எழுந்து வருகிறார் டைரக்டர் பாலா. முதல் படத்திலேயே தேசிய விருது பெற்ற டைரக்டர். 

தீபாவளி ரேஸில் முரட்டுக் குதிரையாக களம் இறங்கப்போகிற நந்தா பற்றி பாலாவிடம் பேசியதிலிருந்து. 

“நந்தா யாரு?" 

"மனசுக்கும் புத்திக்கும் மத்தியில வண்டி ஒட்டறதுதான் வாழ்க்கை நட்பு. உறவு, காதல்னு ஆரம்பிச்சு எல்லா விஷயங்களிலும் கொஞ்சம் அழுக்கு இருக்கு. ஒரு தாய் தன் பிள்ளை மேல வைத்திருக்கிற பாசத்தைத்தான் உலகத்திலேயே உசத்தியான விஷயமா மதிக்கிறேன். மத்த எல்லாமே அதுக்கு முன்னால ஒடி ஒளிஞ்சிரும். நந்தாக்கும் அப்படி ஒரு அம்மா இருந்தா அவ நல்லா இருந்திருந்தா நந்தா இன்னும் நல்லா இருந்திருப்பான்னு தோணுச்சு. "ஏன் இப்படி ஆச்சு’னு யோசிச்சதுதான் படம்!"