Published:Updated:

வாக்குப்பதிவு இயந்திர சர்ச்சை... புரோகிராமை பொதுவெளியில் வைக்க வேண்டும்!

ஒட்டுமொத்த விகடனுக்கும் ஒரே ஷார்ட்கட்

Use App
வாக்குப்பதிவு இயந்திர சர்ச்சை... புரோகிராமை பொதுவெளியில் வைக்க வேண்டும்!
வாக்குப்பதிவு இயந்திர சர்ச்சை... புரோகிராமை பொதுவெளியில் வைக்க வேண்டும்!

வாக்குப்பதிவு இயந்திர சர்ச்சை... புரோகிராமை பொதுவெளியில் வைக்க வேண்டும்!

பிரீமியம் ஸ்டோரி

சையத் சுஜா என்ற ஹேக்கிங் நிபுணர் எழுப்பிய வாக்குப்பதிவு இயந்திரம் தொடர்பான சர்ச்சைகள் ஓயவில்லை.  சமீபத்தில், “2014 இந்திய நாடாளுமன்றத் தேர்தலில், மின்னணு வாக்குப்பதிவு இயந்திரங்களை பி.ஜே.பி ஹேக் செய்தது’’ என்று கூறி அதிர வைத்ததுடன், ஓர் இயந்திரத்தையும் ஹேக்கிங் செய்து காண்பித்தார் சையத் சுஜா. இந்த நிலையில், “இதுபோன்ற சர்ச்சைகளைத் தவிர்க்க, வாக்குப்பதிவு இயந்திரங்களின் மென்பொருள் புரோகிராமை இந்தியத் தேர்தல் ஆணையம் பொதுவெளியில் வைக்க வேண்டும்” என்று தீர்வு சொல்கிறார், சென்னையைச் சேர்ந்த மென்பொருள் நிபுணர் ஒருவர்.

வாக்குப்பதிவு இயந்திர சர்ச்சை... புரோகிராமை பொதுவெளியில் வைக்க வேண்டும்!

மின்னணு வாக்குப்பதிவு இயந்திரங்கள் குறித்த சர்ச்சை ஏற்படுவது இது முதல்முறை அல்ல. 1982-ல் கேரள மாநிலத் தேர்தல் ஒன்றில், மின்னணு வாக்குப்பதிவு இயந்திரம் உபயோகிக்கப்பட்டது. அப்போதே தனது தோல்விக்குக் காரணம், இயந்திரத்தின் கோளாறுதான் என்று கேரள காங்கிரஸ் வேட்பாளர் ஒருவர் வழக்குத் தொடுத்தார். 1999-ம் ஆண்டு கோவா பொதுத்தேர்தலில் மின்னணு இயந்திரங்கள் முதன்முறையாக அதிகாரபூர்வமாக உபயோகிக்கப்பட்டன. 2001-ல் தமிழக முதல்வராக இருந்த ஜெயலலிதா, மின்னணு வாக்கு இயந்திரங்களின் நம்பகத் தன்மை குறித்து கேள்வி எழுப்பி, சென்னை உயர்நீதிமன்றத்தில் வழக்கு தொடர்ந்தார். 2017 குஜராத் சட்டமன்றத் தேர்தலில், அந்த மாநில பி.ஜே.பி கட்சி வாக்கு இயந்திரத்தில் குளறுபடி செய்ததாகப் புகார்கள் எழுந்தன. இதன் உச்சகட்டமாக, தற்போது சையத் சுஜாவின் கருத்துகள் சர்ச்சையை எழுப்பியிருக்கின்றன.

வாக்குப்பதிவு இயந்திர சர்ச்சை... புரோகிராமை பொதுவெளியில் வைக்க வேண்டும்!



இதுதொடர்பாக தகவல் பாதுகாப்பு தொடர்பான ஆய்வுகளில் ஈடுபட்டுவரும் ‘சென்னை ஃப்ரீ சாஃப்ட்வேர் பவுண்டேஷன்’ நிறுவனத்தின் மென்பொருள் நிபுணர் கமலவேலன் கூறுகையில், “எந்த ஒரு மின்னணு இயந்திரத்தையும் ஹேக் செய்ய முடியும். வாக்குப்பதிவு இயந்திரங்களும் அதற்கு விதிவிலக்கு அல்ல. ஆஸ்திரேலியா போன்ற நாடுகளில், வாக்குப்பதிவு இயந்திரத்தின் புரோகிராம்களை அரசின் தளத்தில் வெளிப்படையாக வெளியிட்டிருப்பார்கள். அதை வைத்து ஹேக்கிங் செய்ய முடியுமா என்கிற சாத்தியக்கூறுகளை மக்களே சொல்வார்கள். அதன் அடிப்படையில் புரோகிராம் மேலும் வலுப்படுத்தப்படும். இங்கு அப்படி இல்லை. எனவே, இந்தியத் தேர்தல் ஆணையமும் வாக்குப்பதிவு இயந்திரத்தின் புரோகிராம்களைப் பொதுவில் வைத்து விவாதிக்க அனுமதிக்க வேண்டும்” என்றார்.

இதுகுறித்து மத்தியத் தேர்தல் ஆணையத் தரப்பு விளக்கத்தை அறிய இணை தேர்தல் ஆணையர் சுதீப் ஜெயினைத் தொடர்புகொண்டபோது, “ஊடகங்களிடம் இதுபற்றிப் பேசத் தயாராக இல்லை” என்று கூறி, பதிலளிக்க அவர் மறுத்துவிட்டார்.

மின்னணு வாக்குப்பதிவு இயந்திரங்களை உருவாக்கிய பெல் குழுவின் மேற்பார்வையாளராக இருந்த பொறியாளரான எழுத்தாளர் சுஜாதா, ‘வேடிக்கை ஒருபக்கம் இருக்கட்டும்... தயவு செய்து ஓட்டுப் போடுங்கள், அது உங்கள் புனிதக் கடமை’ என்று சொல்வார்.

மக்களை ஜோக்கர்கள் ஆக்காமல் ஜனநாயகத்தின் புனிதம் காக்கப்படுமா?

- ஐஷ்வர்யா

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு