Published:Updated:

`ஆங்கிலம், இந்தியில் மட்டுமே தகவல் பரிமாற்றம்!' - தென்னக ரயில்வேயில் வெடிக்கும் அடுத்த சர்ச்சை

தினேஷ் ராமையா
`ஆங்கிலம், இந்தியில் மட்டுமே தகவல் பரிமாற்றம்!' - தென்னக ரயில்வேயில் வெடிக்கும் அடுத்த சர்ச்சை
`ஆங்கிலம், இந்தியில் மட்டுமே தகவல் பரிமாற்றம்!' - தென்னக ரயில்வேயில் வெடிக்கும் அடுத்த சர்ச்சை

ரயில்வே கோட்ட கட்டுப்பாட்டு அதிகாரிகளை நிலைய அதிகாரிகள் தொடர்புகொள்ளும்போது ஆங்கிலம் மற்றும் இந்தியில் மட்டுமே பேச வேண்டும் என தென்னக ரயில்வேயின் சென்னைக் கோட்டம் சார்பில் சுற்றறிக்கை ஒன்று அனுப்பப்பட்டிருக்கிறது. 

`ஆங்கிலம், இந்தியில் மட்டுமே தகவல் பரிமாற்றம்!' - தென்னக ரயில்வேயில் வெடிக்கும் அடுத்த சர்ச்சை

திருமங்கலம் அருகே ரயில்வே அதிகாரிகள் தொடர்புகொள்ளும்போது ஏற்பட்ட மொழிப் பிரச்னையால், ஒரே தண்டவாளத்தில் இரு ரயில்கள் நேருக்கு நேர் மோதிக்கொள்ளும் அபாயம் ஏற்பட்டது. இருப்பினும் ஊழியர் ஒருவரின் சாமர்த்தியத்தால் அந்த பெரும் விபத்து கடைசி நேரத்தில் தவிர்க்கப்பட்டது. இது தொடர்பாக விசாரணை நடத்திய ரயில்வே, 3 பேரை பணியிடைநீக்கம் செய்திருக்கிறது. இந்த விவகாரம் சர்ச்சையை ஏற்படுத்திய நிலையில், தென்னக ரயில்வேயின் சென்னை கோட்டம் சார்பாக ஊழியர்களுக்கு ஒரு சுற்றறிக்கை அனுப்பப்பட்டிருக்கிறது. அதில், ரயில்வே கோட்டக் கட்டுப்பாட்டு அறை மற்றும் நிலைய அதிகாரிகள் இடையிலான தகவல் தொடர்பு ஆங்கிலம் அல்லது இந்தி மொழியிலேயே நடைபெற வேண்டும். பிராந்திய மொழிகளில் தொடர்புகொள்ளும்போது புரிந்துகொள்வதில் ஏற்படும் சிரமத்தைப் போக்கவே இந்த நடவடிக்கை மேற்கொள்ளப்படுவதாகக் கூறப்பட்டிருக்கிறது. 

`ஆங்கிலம், இந்தியில் மட்டுமே தகவல் பரிமாற்றம்!' - தென்னக ரயில்வேயில் வெடிக்கும் அடுத்த சர்ச்சை
`ஆங்கிலம், இந்தியில் மட்டுமே தகவல் பரிமாற்றம்!' - தென்னக ரயில்வேயில் வெடிக்கும் அடுத்த சர்ச்சை

சுற்றறிக்கை அனுப்பப்பட்ட விவகாரத்தில் பல்வேறு கேள்விகளை டி.ஆர்.இ.யூ அமைப்பு எழுப்பியிருக்கிறது. இதுதொடர்பாக அந்த சங்கத்தின் செயல்தலைவர் இளங்கோவனைத் தொடர்புகொண்டு பேசினோம். `சுற்றறிக்கை அனுப்பப்பட்டது உண்மைதான். இதை நாங்கள் ஏற்றுக்கொள்ள முடியாது. திருமங்கலம் சிக்னல் பழுது விவகாரத்தைத் தொடர்ந்து இந்தச் சுற்றறிக்கை அனுப்பப்பட்டிருக்கிறது. தமிழில் பேசியது இந்தி பேசும் அந்த அதிகாரிக்குப் புரியாததால் குழப்பம் ஏற்பட்டது. அதற்குத் தீர்வாக தென்னக ரயில்வே இதை முன்வைக்கிறது. இதற்கு முன்பாக இதுபோன்றதொரு சுற்றறிக்கை அனுப்பப்பட்டதில்லை. 

இது பணிநியமனக் கொள்கையிலேயே இருக்கும் பிரச்னை. உதாரணமாக, சேலம் கோட்டத்தில் 480 நிலைய அதிகாரிகள் (Station Master) இருக்கிறார்கள். இதில், 320 பேர் வடமாநிலங்களைச் சேர்ந்தவர்கள். அதேபோல், இரண்டு கோட்டங்களில் பெரும்பாலும் இந்தி மட்டும் தெரிந்தவர்களே அதிகம். அவர்களுக்கு தமிழோ, மலையாளமோ தெரிந்திருக்க வாய்ப்பில்லை. அதில், பெரும்பாலானவர்களுக்கு ஆங்கிலமும் சரியாகத் தெரியாது என்பதுதான் களநிலவரம். 

`ஆங்கிலம், இந்தியில் மட்டுமே தகவல் பரிமாற்றம்!' - தென்னக ரயில்வேயில் வெடிக்கும் அடுத்த சர்ச்சை

இதனால், ரயில்வே பணிநியமனக் கொள்கை அளவில் மாற்றம் கொண்டுவர வேண்டியது அவசியம். தென்னக ரயில்வேயில் பணியமர்த்தப்படுபவர்களுக்கு தமிழும் மலையாளமும் தெரிந்திருக்க வேண்டும் என பணிநியமனக் கொள்கையில் மாற்றம் கொண்டுவர வேண்டும். அப்போதுதான் இந்தப் பிரச்னை தீரும். சமீபத்தில், தென்னக ரயில்வேயில் குரூப்-டி கேடரில் பணியமர்த்தப்பட்டுள்ளவர்களில், 65 சதவிகிதம் பேர் தென்னிந்தியாவைச் சேர்ந்தவர்கள். ஆனால், இது நிலைய அதிகாரிகள் பணியிடங்களுக்குப் பொருந்தாது. எனவே, ரயில்வே பணிநியமனக் கொள்கையில் மாற்றம் கொண்டுவர வேண்டிய நேரம் இது'' என்று முடித்துக்கொண்டார். 

Vikatan