Published:Updated:

விவசாயிகள் போராட்டம்: `பறவைக் காய்ச்சலைப் பரப்ப சிக்கன் பிரியாணி!’- சர்ச்சையில் பா.ஜ.க எம்.எல்.ஏ

பா.ஜ.க. எம்.எல்.ஏ.
பா.ஜ.க. எம்.எல்.ஏ.

`வெறுமனே அமர்ந்து சிக்கன் பிரியாணி சாப்பிட்டுக்கொண்டிருக்கிறார்கள். தற்போதுள்ள சூழலில் இது பறவைக் காய்ச்சலை பெருமளவில் ஏற்படுத்தும் அபாயம் உள்ளது’’ - பா.ஜ.க எம்.எல்.ஏ மதன் திலாவர்.

புதிய வேளாண் சட்டங்களைத் திரும்பப் பெறக் கோரி ஒரு மாதத்துக்கும் மேலாக டெல்லி எல்லையின் தேசிய நெடுஞ்சாலைகளில் முகாமிட்டு விவசாயிகள் போராடிவருகின்றனர். இது தொடர்பாக நடத்தப்பட்ட பல்வேறுகட்டப் பேச்சுவார்த்தைகளிலும் முடிவு எட்டப்படாததால், போராட்டம் உச்சம் பெற்றிருக்கிறது.

விவசாயிகளின் இந்த வரலாறு காணாத போராட்டத்துக்கு, தலைவர்கள், விளையாட்டு வீரர்கள் எனப் பலர் தங்கள் ஆதரவைத் தெரிவித்துவருகின்றனர். அதே சூழலில், இந்தப் போராட்டம் குறித்து சர்ச்சை ஏற்படுத்தும் வகையில் பல்வேறு பா.ஜ.க பிரமுகர்கள் கருத்து தெரிவித்துவருகின்றனர்.

விவசாயிகள் போராட்டம்
விவசாயிகள் போராட்டம்
Manish Swarup

முன்னதாக விவசாயிகளின் போராட்டத்தில் தீவிரவாத அமைப்பினர் உடுருவியிருப்பதாகவும், அதனால் விவசாயிகளின் போராட்டம் திசை திரும்பியிருப்பதாகவும் குற்றம்சாட்டி வந்தனர். தற்போது, ராஜஸ்தான் மாநிலம், கோட்டா பகுதியைச் சேர்ந்த பா.ஜ.க எம்.எல்.ஏ-வான மதன் திலாவர் விவசாயிகள் போராட்டம் குறித்துத் தெரிவித்திருக்கும் கருத்து சர்ச்சையை ஏற்படுத்தியிருக்கிறது.

`வேளாண் சட்டங்களை எதிர்ப்பதே சட்டவிரோதமா?' -  எடப்பாடிக்கு எதிராக கொதிக்கும் விவசாயிகள்

இது தொடர்பாகப் பேசிய அவர், ``விவசாயிகள் என்ற பேரில் சிலர் போராட்டத்தில் ஊடுருவி நாட்டை அழிக்கும் செயலில் ஈடுபட்டுவருகின்றனர். அவர்கள் இதுவரை எந்தவொரு போராட்டத்திலும் தங்களை ஈடுபடுத்திக்கொள்ளாமல் வெறுமனே அமர்ந்து சிக்கன் பிரியாணி சாப்பிட்டுக்கொண்டிருக்கிறார்கள். தற்போதுள்ள சூழலில் இது பறைவைக் காய்ச்சலை பெருமளவில் ஏற்படுத்தும் அபாயம் உள்ளது” என்று தெரிவித்தார்.

டெல்லி விவசாயிகள் போராட்டம்
டெல்லி விவசாயிகள் போராட்டம்

மதன் திலாவரின் கருத்து சர்ச்சையைகஏற்படுத்தியிருக்கிறது. இதுவரை மத்திய அரசுடனான எட்டுகட்டப் பேச்சுவார்த்தைகள் முடிவடைந்திருந்த நிலையில், வரும் ஜனவரி 15-ம் தேதி அடுத்தகட்டப் பேச்சுவார்த்தை நடைபெறவிருக்கிறது.

அடுத்த கட்டுரைக்கு