க்யூட் கீ செயின்

“ஹாய் ஃப்ரெண்ட்ஸ்... க்யூட்டாக ஒரு கீசெயின் செய்யலாமா? இதற்குத் தேவை கலர்ஃபுல்லா ஒரு ஹேர்பேண்டு'' என்கிறார், சென்னையைச் சேர்ந்த கிராஃப்ட் ஆசிரியை ஷோபனா. வாங்க செஞ்சு அசத்தலாம்!

தேவையானவை:

●ஹேர்பேண்டு - 1

●கீசெயின் வளையம் - 1

●நூல்

●கத்தரிக்கோல்

●ஸ்டிக்கர் பொட்டு அல்லது கூக்ளி ஐ

●டெக்ரெட்டிவ் ரிப்பன் - அரை மீட்டர்

ஸ்டெப் 1:

வளையமாக இருக்கும் ஹேர்பேண்டை பின்புறமாகத் திருப்பி, படத்தில் காட்டியபடி விரித்து அகலப்படுத்திக்கொள்ளவும்.

ஸ்டெப் 2:

ஹேர்பேண்டின் நடுப்பகுதியில் நூலால் இறுக்கமாகக் கட்டுங்கள். தலைப்பகுதியையும் உடல் பகுதியையும் பிரித்துக்கொள்ளவும்.

ஸ்டெப் 3:

தலைப்பகுதியின் இரண்டு ஓரங்களிலும் ஹேர்பேண்டை சிறிய பந்துபோல எடுத்து, இறுக்கமாகப் பிடித்து நூலால் கட்டுங்கள். உருவத்தின் காதுகள் தயார்.

ஸ்டெப் 4:

இப்போது ஹேர்பேண்டின் கீழ்ப்பகுதியிலும் நூலால் கட்டி கால்கள் உருவாக்கவும். பொம்மையின் முழு உருவம் தயார்.

ஸ்டெப் 5:

ஸ்டிக்கர் பொட்டு அல்லது கூக்ளிஐ பயன்படுத்தி கண்களை ஒட்டிக்கொள்ளவும்.

ஸ்டெப் 6:

பொம்மையின் மேற்புறம் கீசெயின் வளையத்தை மாட்டவும்.

ஸ்டெப் 7:

டெக்ரெட்டிவ் ரிப்பன் பயன்படுத்தி கழுத்துப் பகுதியை அழகுபடுத்தினால் க்யூட் கீசெயின் தயார்.

இதேபோன்று உங்களுக்குப் பிடித்த நிறத்தில் பிடித்த பொம்மைகளைச் செய்து அசத்துங்கள்!