Published:Updated:

சென்னை: சட்டவிரோத கருமுட்டை விற்பனை; தாக்கப்பட்ட இளம்பெண்; கணவன், மனைவி கைது - என்ன நடந்தது?

குற்றம் கைது - கருமுட்டை விற்பனை

சென்னையில் இளம்பெண் ஒருவரின் கருமுட்டையை விற்பனை செய்ய முயற்சி நடந்த விவகாரத்தில் கணவன் மனைவி கைது செய்யப்பட்டுள்ளனர்.

சென்னை: சட்டவிரோத கருமுட்டை விற்பனை; தாக்கப்பட்ட இளம்பெண்; கணவன், மனைவி கைது - என்ன நடந்தது?

சென்னையில் இளம்பெண் ஒருவரின் கருமுட்டையை விற்பனை செய்ய முயற்சி நடந்த விவகாரத்தில் கணவன் மனைவி கைது செய்யப்பட்டுள்ளனர்.

Published:Updated:
குற்றம் கைது - கருமுட்டை விற்பனை

சென்னை அருகிலுள்ள எர்ணாவூர் சுனாமி குடியிருப்பில் 22 வயதான ஸ்ருதி, தன் கணவர் விஜய் என்பவருடன் வசித்துவருகிறார். இந்தத் தம்பதியருக்கு நான்கு ஆண்டுகளுக்கு முன்பாக திருமணமான நிலையில், இரண்டு வயதில் ஒரு மகன் இருக்கிறான். இவர்கள் இருவருக்கும் இடையே அடிக்கடி தகராறு ஏற்பட்டுவந்தது எனச் சொல்லப்படுகிறது. இவர்களுக்குள் ஏற்பட்ட கருத்து வேறுபாடு காரணமாக அந்த இளம்பெண் கணவரிடமிருந்து பிரிந்து, திருவொற்றியூரிலுள்ள அவரின் தோழி ஐஸ்வர்யா என்பவரின் வீட்டில் தங்கியிருக்கிறார்.

கருமுட்டை விற்பனை
கருமுட்டை விற்பனை

முதலில் ஸ்ருதியிடம் அவரின் தோழி ஐஸ்வர்யா, அவரின் கணவன் சூரஜ் இருவரும் நன்றாகக் கவனித்து, அன்பாகப் பழகி வந்திருக்கிறார்கள். ஒருகட்டத்தில், ஸ்ருதிக்கு அவர்கள் இருவரது சுயரூபம் தெரியவந்திருக்கிறது. அவர்கள் இருவரும், அந்த இளம்பெண்ணின் கருமுட்டையை விற்கலாம் என்று முடிவு செய்திருக்கிறார்கள். இதற்காக, ஒரு புரோக்கர் மூலம், தாம்பரத்திலுள்ள ஒரு தனியார் மருத்துவமனைக்கு அந்த இளம்பெண்ணை அனுப்பக் கட்டாயப்படுத்தியதாகக் கூறப்படுகிறது.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

அதற்கு ஸ்ருதி அவர்களிடம் தான் கருமுட்டையை விற்க முடியாது என்று சொல்லியிருக்கிறார். இதனால், ஆத்திரமடைந்த சூரஜ், ஐஸ்வர்யா... ஸ்ருதியைச் சரமாரியாகத் தாக்கியதாகக் கூறப்படுகிறது. ஆபத்தை உணர்ந்த அந்தப் பெண் சமயம் பார்த்து அவர்கள் வீட்டிலிருந்து தப்பித்து திருவொற்றியூர் காவல் நிலையத்தில் புகார் தெரிவித்திருக்கிறார். சூரஜ் மேல் ஏற்கெனவே பல்வேறு வழக்குகள் நிலுவையில் இருப்பது குறிப்பிடத்தக்கது.

கைது - கருமுட்டை விற்பனை
கைது - கருமுட்டை விற்பனை

இந்தப் புகாரை அடுத்து, திருவொற்றியூர் பகுதி போலீஸார் சூரஜ், ஐஸ்வர்யா இருவரையும் கைதுசெய்து தீவிர விசாரணை செய்துவருகிறார்கள். அதோடு, கருமுட்டையை விற்க உதவி செய்த புரோக்கரையும் காவல்துறையினர் தேடிவருகிறார்கள். மேலும், தாம்பரத்திலுள்ள தனியார் மருத்துவமனையிலும் விசாரணை நடத்தப்பட்டிருக்கிறது. ஈரோட்டில் சிறுமியின் கருமுட்டை சட்டவிரோதமாக விற்பனை செய்யப்பட்ட சம்பவம் குறித்த விசாரணை நடைபெற்றுவரும் சூழலில், சென்னையில் ஒரு சம்பவம் நடந்திருப்பது பெரும் அதிர்ச்சியை ஏற்படுத்தியிருக்கிறது.