Published:Updated:

தேனி: வேகமெடுக்கும் நீட் ​தேர்வு​ ஆள்மாறாட்ட வழக்கு​...​ ​மேலும் ​3 இடைத்தரகர்கள்​ கைது!

சிபிசிஐடி அலுவலகம்

இடைத்தரகர்கள் மனோகரன், ஆறுமுகம், வேதாச்சலம் ஆகியோர் கைதுசெய்யப்பட்டனர். இதுவரை மொத்தம் நீட் தேர்வு ஆள்மாறாட்ட வழக்கில் 18 பேர் கைதாகி, பிறகு நீதிமன்ற ஜாமீனில் அனைவரும் விடுவிக்கப்பட்டனர்.

தேனி: வேகமெடுக்கும் நீட் ​தேர்வு​ ஆள்மாறாட்ட வழக்கு​...​ ​மேலும் ​3 இடைத்தரகர்கள்​ கைது!

இடைத்தரகர்கள் மனோகரன், ஆறுமுகம், வேதாச்சலம் ஆகியோர் கைதுசெய்யப்பட்டனர். இதுவரை மொத்தம் நீட் தேர்வு ஆள்மாறாட்ட வழக்கில் 18 பேர் கைதாகி, பிறகு நீதிமன்ற ஜாமீனில் அனைவரும் விடுவிக்கப்பட்டனர்.

Published:Updated:
சிபிசிஐடி அலுவலகம்

​தேனி அரசு மருத்துவக் கல்லூரி மருத்துவமனையில் 2019-ம் ஆண்டு முதலாம் ஆண்டு மருத்துவம் படித்துவந்த சென்னையைச்​ சேர்ந்த மாணவர் உதித்​ ​சூர்யா நீட் தேர்வில் ஆள்மாறாட்டம் செய்த​தாகப் புகார் எழுந்தது. இது தொடர்பாக விசாரணை நடத்திய தேனி சிபிசிஐடி போலீ​ஸார்​ முதற்கட்டமாக மாணவர் உதித் சூர்யா, அவரின் தந்தை வெங்கடேசன் ஆகியோரைக் கைதுசெய்தனர். 

கைதானவர்கள்
கைதானவர்கள்

​இதையடுத்து அவர்கள் அளித்த வாக்குமூலத்தில் இதே போன்று மாநிலத்தின் பல்வேறு பகுதிகளில் நீட் தேர்வில் ஆள்மாறாட்டம் செய்ததாக மருத்துவ மாணவர்கள் பிரவீன், ராகுல், இர்பான், மாணவி - பிரியங்கா, ரிஷிகாந்த், பவித்ரன் மற்றும் அவர்களின் பெற்றோர் சரவணன், டேவிஸ், முகம்மது சபி, மைனாவதி, மாதவன், ரவிச்சந்திரன் என 14​ ​பேரைக் கைதுசெய்தனர்.

​மேலும் ​​இடைத்தரகர்கள் மனோகரன், ஆறுமுகம், வேதாச்சலம் ஆகியோர் கைதுசெய்யப்பட்டனர். அதைத் தொடர்ந்து ஓராண்டுக்குப் பிறகு இந்த வழக்கில் தேடப்பட்ட முக்கியக் குற்றவாளியான கேரளாவைச் சேர்ந்த இடைத்தரகரான ரஷீத் தாமாக நீதிமன்றத்தில் சரணடைந்தார். ​இதுவரை ​மொத்தம் நீட் தேர்வு ஆள்மாறாட்ட வழக்கில் 18​ ​பேர் கைதாகி, பிறகு நீதிமன்ற ஜாமீனில் அனைவரும் விடுவிக்கப்பட்டனர்.

கைதானவர்
கைதானவர்

​இந்த நிலையில் ஓராண்டுக்குப் பிறகு தற்போது மீண்டும் நீட் தேர்வு ஆள்மாறாட்ட வழக்கில் இடைத்தரகர்கள் ​மூன்று பேரை தேனி சிபிசிஐடி போலீ​ஸார் கைதுசெய்துள்ளனர். மாணவர் இர்பானுக்கு நீட் தேர்வில் ஆள்மாறாட்டம் செய்வதற்கு உதவியாக பெங்களூரில் வசித்துவந்த பீகார் பொறியியல் பட்டதாரிகள் கிருஷ்ணா முராரியைக் கடந்த இரு தினங்களுக்கு முன்பு கைதுசெய்து சிபிசிஐடி போலீ​ஸார் விசாரணை நடத்தினர். 

இடைத்தரகர்களை அழைத்துச் செல்லும் போலீஸார்
இடைத்தரகர்களை அழைத்துச் செல்லும் போலீஸார்

​அவரளித்த வாக்குமூலத்தின் அடிப்படையில் சாஹத்குமார் சிம்ஹா, ரகுவந்த் மணி பாண்டே ஆகிய ​மூன்று பேரிடம் தேனி அலுவலகத்தில் வைத்து விசாரணை நடத்தினர். பின்னர் கைதுசெய்யப்பட்ட மூவரும் தேனி மாவட்ட நீதிமன்றத்தில் ஆஜர்படுத்தி சிறையில் அடைத்தனர். ​ ​இரண்டு ஆண்டுகளுக்கு பின்பு நீட் ஆள்மாறாட்ட வழக்கில் ​மேலும் மூன்று இடைத்தரகர்கள் கைதுசெய்யப்பட்டதைத் தொடர்ந்து அடுத்தடுத்த முக்கியக் குற்றவாளிகள் கைதுசெய்யப்படலாம் என சிபிசிஐடி வட்டாரங்கள் தெரிவிக்கின்றன.