Published:Updated:

இந்தியாவில் அதிக தற்கொலை... இரண்டாம் இடத்தில் தமிழகம்! - NCRB அறிக்கை சொல்வதென்ன?

தேசிய குற்றப் பதிவுகள் முகமை 2019-ம் ஆண்டில் நடந்திருக்கும் தற்கொலை குறித்த புள்ளிவிவரங்களை வெளியிட்டிருக்கிறது. இந்தப் புள்ளிவிவரங்களின்படி அதிக தற்கொலைகள் நடைபெறும் இரண்டாவது மாநிலமாகத் தமிழகம் இருக்கிறது.

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

அண்மையில் தேசிய குற்றப் பதிவுகள் முகமை (National Crime Records Bureau - NCRB) வெளியிட்டிருக்கும் தகவல்படி, 2019-ம் ஆண்டு 1,39,123 தற்கொலைகள் நடந்திருக்கின்றன. 2018-ம் ஆண்டு பதிவான தற்கொலைகளின் எண்ணிக்கை 1,34,516. இரண்டையும் ஒப்பிட்டுப் பார்த்தால், 2018-ம் ஆண்டைவிட 2019-ம் ஆண்டில் 0.02 விழுக்காடு அதிக தற்கொலைகள் நடந்துள்ளன.

2019-ம் ஆண்டு தமிழகத்தில் பதிவான தற்கொலைகளின் எண்ணிக்கை 13,493 - NCRB

அதிக தற்கொலைகள் நடைபெறும் மாநிலங்களில், 13.6 சதவிகிதத்துடன் மகாராஷ்டிரா மாநிலம் முதலிடத்தில் இருக்கிறது. 9.7 சதவிகிதத்துடன் தமிழகம் இரண்டாவது இடத்திலும், 9.1 சதவிகிதத்துடன் மேற்கு வங்கம் மூன்றாவது இடத்திலும் உள்ளன.

தமிழகத்தைப் பொறுத்தவரை 2017-ம் ஆண்டில் பதிவான தற்கொலைகள் 11.1 சதவிகிதம். 2018-ம் ஆண்டில் பதிவானது 10.3 சதவிகிதம். அதுவே 2019-ம் ஆண்டை பொறுத்தவரை 9.7 சதவிகிதம் என்ற அளவில் பதிவாகும் தற்கொலைகளின் எண்ணிக்கை தொடர்ந்து குறைந்துகொண்டே வருகின்றன.

NCRB report
NCRB report

2019-ம் ஆண்டை பொறுத்தவரை தற்கொலை செய்துகொண்டவர்களில் 23.4 சதவிகிதம் பேர் தினக்கூலி தொழிலாளர்கள்தான். அடுத்ததாக 15.4 சதவிகிதம் பேர் குடும்பத் தலைவிகள். விவசாயத்துறையைச் சேர்ந்த 7.4 சதவிகிதம் பேர் தற்கொலை செய்திருப்பதாகப் புள்ளிவிவரம் தெரிவிக்கிறது.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

தற்கொலை செய்துகொண்டவர்களில் 74,629 நபர்கள், அதாவது 53.6% பேர் தூக்கிட்டுத் தற்கொலைகள் செய்திருக்கிறார்கள். விஷமருந்தி 35,882 (25.8%) பேர் தற்கொலை செய்துகொண்டிருக்கிறார்கள்.

NCRB report
NCRB report

பெருநகரங்களின்அடிப்படையில் சென்னையில் 2,461 நபர்களும், கோவையில் 338 நபர்களும், மதுரையில் 345 நபர்களும், திருச்சியில் 188 நபர்களும் தற்கொலை செய்துகொண்டிருக்கிறார்கள் என்ற தகவலும் அந்த அறிக்கையில் குறிப்பிடப்பட்டிருக்கிறது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு