Election bannerElection banner
Published:Updated:

சாத்தான்குளம்: `என் கணவரைப் பழி வாங்குகிறார்கள்!’ - எஸ்.எஸ்.ஐ பால்துரை மனைவி புகார்

 எஸ்.எஸ்.ஐ பால்துரையின் மனைவி மங்கையர்திலகம்
எஸ்.எஸ்.ஐ பால்துரையின் மனைவி மங்கையர்திலகம் ( என்.ஜி.மணிகண்டன் )

``சாத்தான்குளம் வழக்கில் எந்த குற்றமும் செய்யாத என் கணவரை பழி வாங்குகிறார்கள். அவர் உயிருக்கு எதாவது ஆகிவிடும்'' என்று எஸ்.எஸ்.ஐ பால்துரையின் மனைவி மங்கையர் திலகம் கூறினார்

சாத்தான்குளம் வழக்கில் கைது செய்யப்பட்ட எஸ்.எஸ்.ஐ பால்துரைக்கு கொரோனா பாதிப்பு ஏற்பட்டு தற்போது மதுரை அரசு மருத்துவமனை சிகிச்சையில் இருந்து வருகிறார். இந்த நிலையில்,``என் கணவர் உயிருக்கு ஆபத்து, அவரை காப்பற்றுங்கள்’’ என்று பால்துரையின் மனைவி மங்கையர் திலகம் புகார் எழுப்பியுள்ளார்.

மங்கையர் திலகம்
மங்கையர் திலகம்

நாட்டையே உலுக்கிய சாத்தான்குளம் காவல்நிலைய இரட்டைக்கொலை வழக்கில் காவல்துறையைச் சேர்ந்த இன்ஸ்பெக்டர், எஸ்.ஐ-க்கள் உட்பட 10 பேர் கைது செய்யப்பட்டுள்ளனர். அதில் எஸ்.எஸ்.ஐ-யான பால்துரையும் ஒருவர். மதுரை சிறையில் இருக்கும் பால்துரைக்கு கொரோனா பாதிப்பு ஏற்பட்டதால் மதுரை அரசு மருத்துவமனை கொரோனா சிகிச்சைப்பிரிவில் அனுமதிக்கப்பட்டுள்ளார்.

சாத்தான்குளம்: பொங்கிய பால்துரை புன்னகைக்க என்ன காரணம்? - சூடுபிடிக்கும் விசாரணை

இந்தநிலையில்தான் தன் பால்துரையின் உயிருக்கு ஆபத்து என்று அவர் மனைவி மங்கையர்திலகம் மதுரை போலீஸ் கமிஷனர் அலுவலகத்தில் மனு கொடுத்துள்ளார். அவரிடம் பேசினோம். ``என் கணவர் தட்டார்மடத்திலிருந்து சாத்தான்குளத்துக்கு ஒரு வாரம் மட்டும் மாற்றப்பட்டார். அவருக்கும் இந்த சம்பவத்துக்கும் எந்தத் தொடர்பும் இல்லை. சாத்தான்குளம் வழக்கில் எந்தக் குற்றமும் செய்யாத என் கணவரை பழி வாங்குகிறார்கள். தற்போது, அவருக்கு கொரோனா பாதிப்பும் ஏற்பட்டுள்ளது.

மன்கையர்திலகம்
மன்கையர்திலகம்
என்.ஜி.மணிகண்டன்

நல்ல சிகிச்சை இல்லாமல் கை, கால் இயங்க முடியாத நிலையில் உள்ளார். கட்டுப்பாட்டிலிருந்த சர்க்கரை அளவு சிறைக்குச் சென்றபின் அளவுக்கதிகமாகி உள்ளது. இதய நோயும் உள்ளது. மதுரை அரசு மருத்துவமனையில் சரியான கவனிப்போ, சிகிச்சையோ இல்லை. அவருக்கு தண்ணீர் கொடுக்கக் கூட எங்களை விட மறுக்கிறார்கள்

எங்கள் சொந்த செலவில் தனியார் மருத்துவமனையில் சிகிச்சை அளிக்க தயாராக இருக்கிறோம். அதனால், அவரை தனியார் மருத்துவமனைக்கு மாற்ற அதிகாரிகள் உதவி செய்ய வேண்டும். இல்லையென்றால் அவர் உயிருக்கு எதாவது ஆகிவிடும்'' என்றார்.

சாத்தான்குளம் வியாபாரிகள் பென்னிக்ஸ், ஜெயராஜ்
சாத்தான்குளம் வியாபாரிகள் பென்னிக்ஸ், ஜெயராஜ்

இந்த கோரிக்கையுடன் ஏற்கனவே உயர் நீதிமன்ற மதுரைக் கிளையில் தாக்கல் செய்த மனு தள்ளுபடியான நிலையில், மீண்டும் உயர் நீதிமன்றத்தில் முறையிட உள்ளதாக மங்கையர் திலகம் கூறினார். மேலும் அவர், மதுரை மாநகர போலீஸ் கமிஷனரிடமும் புகார் கொடுத்துள்ளது பரபரப்பை ஏற்படுத்தியுள்ளது.

Election bannerElection banner
அடுத்த கட்டுரைக்கு