Published:Updated:

`முகக்கவசம் அணியாததற்கு அபராதம்; போலீஸ்மீது நாயை ஏவிவிட்ட கடைக்காரர்!' - மும்பையில் பரபரப்பு

கைதுசெய்யப்பட்ட கடைக்காரர்
கைதுசெய்யப்பட்ட கடைக்காரர்

மும்பை அருகே முகக்கவசம் அணியாததற்கு அபராதம் கேட்ட போலீஸார்மீது நாயை ஏவிவிட்ட மளிகைக்கடைக்காரர் கைதுசெய்யப்பட்டார்.

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

மகாராஷ்டிராவில் கொரோனா தொற்று அதிகமாக இருப்பதால் கடுமையான கட்டுப்பாடுகள் விதிக்கப்பட்டுள்ளன. பொதுமுடக்கத்துக்கு நிகரான கட்டுப்பாடுகள் இருக்கின்றன. இதனால் மளிகைக்கடைகள், பால்கடைகள், காய்கறிக்கடைகள் என அத்தியாவசிய தேவைக்கான கடைகள் மட்டும் காலை 7 மணியிலிருந்து காலை 11 மணி வரை மட்டும் திறந்திருக்க அனுமதிக்கப்பட்டுள்ளது.

கைதான குப்தாவும், கடை ஊழியரும்
கைதான குப்தாவும், கடை ஊழியரும்

எஞ்சிய கடைகள் மற்றும் வழிபாட்டுத்தலங்கள் என அனைத்தும் அடைக்கப்பட்டுள்ளன. ஆரம்பத்தில் இந்தக் கட்டுப்பாடுகள் இந்த மாத இறுதிவரை இருந்தன. இது மே 15-ம் தேதி வரை நீட்டிக்கப்படும் என்று மாநில சுகாதாரத்துறை அமைச்சர் ராஜேஷ் தோபே தெரிவித்திருக்கிறார். மகாராஷ்டிராவில் முகக்கவசம் அணியாமல் வெளியில் வருபவர்களைப் பிடிக்க ஊழியர்கள் நியமிக்கப்பட்டுள்ளனர். மும்பையில் முகக்கவசம் அணியாமல் வெளியில் வருபவர்களிடம் ரூ.200 அபராதம் வசூலிக்கப்படுகிறது.

மும்பைக்கு அருகிலுள்ள கல்யாண்-டோம்பிவலி மாநகராட்சியில் ரூ.500 அபராதம் வசூலிக்கப்படுகிறது. டோம்பிவலியில் கடை அடைப்பதற்கான நேரம் முடிந்த பிறகு நான்கு போலீஸார் மற்றும் நான்கு மாநகராட்சி ஊழியர்கள் எங்காவது கடை திறந்திருக்கிறதா என்றும், யாராவது முகக்கவசம் அணியாமல் வெளியில் சுற்றுகின்றனரா என்பதையும் கண்காணித்துக்கொண்டே ரோந்துப்பணியில் சென்றனர்.

கைது
கைது

கம்பல்பாடா பகுதியில் கடை நடத்திவரும் சத்யநாராயண் குப்தா (43) என்பவர் காலை 11 மணிக்குப் பிறகும் கடையைத் திறந்து வைத்திருந்ததோடு, முகக்கவசம் அணியாமல் கடைக்கு வெளியில் இரண்டு ஊழியர்களுடன் அமர்ந்திருந்தார். உடனே அங்கு சென்ற போலீஸார் `ஏன் முகக்கவசம் அணியவில்லை’ என்று கேட்டு அதற்காக மூன்று பேருக்கும் சேர்த்து ரூ.1,500 அபராதம் கட்டும்படி கூறினர். ஆனால் அபராதம் கொடுக்க முடியாது என்று கூறி குப்தா வாக்குவாதத்தில் ஈடுபட்டார். இதில் வாய்த்தகராறு முற்றியது. அந்தநேரம் குப்தா வளர்த்துவந்த இரண்டு நாய்கள் அருகில் நின்றுகொண்டிருந்தன. உடனே அந்த நாய்களை போலீஸார் மீது ஏவிவிட்டார் குப்தா. இதனால் இரண்டு நாய்களும் போலீஸார் மற்றும் மாநகராட்சி ஊழியர்களைப் பார்த்து குரைக்க ஆரம்பித்தன. அதில் ஒரு நாய் போலீஸ்காரர் ஒருவரை கடித்துவிட்டது. உடனே போலீஸார் குப்தாவையும், அவரது ஊழியர் ஆனந்த்தையும் கைதுசெய்தனர். மற்றொரு ஊழியர் ஆதித்யா தப்பி ஓடிவிட்டார். நாயிடம் கடிபட்ட போலீஸ்காரர் மருந்துவமனைக்குச் சென்று சிகிச்சை எடுத்துக்கொண்டார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு