Published:Updated:

தூத்துக்குடி துப்பாக்கிச்சூடு: முதல்வரிடம் சமர்ப்பிக்கப்பட்ட முழு விசாரணை அறிக்கை... அடுத்து என்ன?

முதல்வரிடம் அறிக்கை சமர்ப்பித்த அருணா ஜெகதீசன்

தூத்துக்குடியில் நடைபெற்ற துப்பாக்கிச்சூடு சம்பவம் தொடர்பாக, தனிநபர் ஆணையம் அதன் அறிக்கையைத் தாக்கல் செய்துள்ளது. இனி அரசின் அடுத்தகட்ட நடவடிக்கை என்ன?!

தூத்துக்குடி துப்பாக்கிச்சூடு: முதல்வரிடம் சமர்ப்பிக்கப்பட்ட முழு விசாரணை அறிக்கை... அடுத்து என்ன?

தூத்துக்குடியில் நடைபெற்ற துப்பாக்கிச்சூடு சம்பவம் தொடர்பாக, தனிநபர் ஆணையம் அதன் அறிக்கையைத் தாக்கல் செய்துள்ளது. இனி அரசின் அடுத்தகட்ட நடவடிக்கை என்ன?!

Published:Updated:
முதல்வரிடம் அறிக்கை சமர்ப்பித்த அருணா ஜெகதீசன்

துப்பாக்கிச்சூடு சம்பவம்:

2018-ம் ஆண்டு தூத்துக்குடி நகரிலுள்ள ஸ்டெர்லைட் ஆலையை நிரந்தரமாக மூட வலியுறுத்தி மக்கள் போராட்டத்தில் ஈடுபட்டனர். இந்தப் போராட்டத்தில், தூத்துக்குடியைச் சுற்றியுள்ள பத்துக்கும் மேற்பட்ட கிராம மக்கள் கலந்துகொண்டார்கள். இந்தப் போராட்டத்தின் நூறாவது நாளான 2018 மே, 22-ம் தேதி அன்று போராட்டத்தில் ஈடுபட்டிருந்த பொதுமக்கள் தூத்துக்குடி மாவட்ட ஆட்சியர் அலுவலகம் நோக்கி ஊர்வலமாகச் சென்றனர்.

துப்பாக்கிச்சூடு சம்பவம் - தூத்துக்குடி
துப்பாக்கிச்சூடு சம்பவம் - தூத்துக்குடி

இந்த ஊர்வலத்தின்போது, கலவரம் ஏற்பட்டது. அப்போது காவல்துறையினர் நடத்திய தடியடி மற்றும் துப்பாக்கிச்சூட்டில் 13 பேர் உயிரிழந்தனர். மேலும், நூற்றுக்கும் மேற்பட்டவர்கள் படுகாயமடைந்தனர். 13 பேர் உயிரிழந்த விவகாரம் இந்திய அளவில் பெரும் அதிர்ச்சியை ஏற்படுத்தியது. இந்த வன்முறைச் சம்பவம் தொடர்பாக விசாரணை நடத்த வேண்டும் என்ற கோரிக்கை வலுப்பெற்றது.

ஒட்டுமொத்த விகடனுக்கும் ஒரே ஷார்ட்கட்!

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

விசாரணை ஆணையம்:

கடந்த அ.தி.மு.க ஆட்சியில், துப்பாக்கிச்சூடு சம்பவம் குறித்து விசாரணை நடத்த ஓய்வுபெற்ற உயர் நீதிமன்ற நீதிபதி அருணா ஜெகதீசன் தலைமையில் ஒருநபர் விசாரணை ஆணையம் அமைக்கப்பட்டது. துப்பாக்கிச்சூடு நடைபெற்ற இடங்களில் நேரடி கள ஆய்வு மேற்கொண்டு, தனிநபர் ஆணையம் விசாரணையைத் தொடங்கியது. விசாரணை நடத்துவதற்காக, தூத்துக்குடி கடற்கரைச் சாலையில் அலுவலகம் அமைக்கப்பட்டு விசாரணை நடந்துவந்தது. இந்த ஆணையத்தில் இதுவரை 36 கட்டங்களாக விசாரணை நடைபெற்றுள்ளது.

முதல்வரிடம் அறிக்கை சமர்ப்பித்த அருணா ஜெகதீசன்
முதல்வரிடம் அறிக்கை சமர்ப்பித்த அருணா ஜெகதீசன்

மொத்தம் 1,426 பேருக்குச் சம்மன் அனுப்பப்பட்டிருந்த நிலையில் 1,048 பேர் நேரில் ஆஜராகி விளக்கம் தெரிவித்துள்ளார். மேலும், 1,000-க்கும் மேற்பட்ட காவலர்களிடம் விசாரணை மேற்கொள்ளப்பட்டுள்ளது. அன்றைய மாவட்ட ஆட்சியர், மாவட்ட காவல் கண்காணிப்பாளர், காவல்துறை இயக்குநர் என்று பலருக்கும் சம்மன் அனுப்பப்பட்டிருந்தது. இதில், பலர் நேரிலும், வர முடியாதவர்கள் பிரமாணப் பத்திரமும் தாக்கல் செய்தனர். மொத்தம் 1,544 ஆவணங்கள் குறியீடு செய்யப்பட்டுள்ளன. இந்த விசாரணை ஆணையத்தின் முழு அறிக்கையை, அருணா ஜெகதீசன் தமிழக முதல்வரிடம் சமர்ப்பித்துள்ளார்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

3,000 பக்க அறிக்கை:

இந்த அறிக்கை குறித்து, ஓய்வுபெற்ற நீதிபதி அருணா ஜெகதீசன் பத்திரிகையாளர்களிடம் பேசினார். அப்போது, ``இந்த விசாரணை வெளிப்படைத்தன்மையுடனும், ரகசியமாகவும் நடத்தப்பட்டது. அதனால்தான், பல பொதுமக்கள் தாமாக முன்வந்து வாக்குமூலம் கொடுத்துள்ளனர். மொத்தம் ஐந்து பாகங்களைக்கொண்ட அறிக்கையை முதல்வரிடம் சமர்ப்பித்துள்ளேன். இந்த அறிக்கை மொத்தம் 3,000 பக்கங்களைக்கொண்டது. அறிக்கையின் முதல் இரண்டு பாகங்களும் நடைபெற்ற சம்பவம் தொடர்பானவை. மூன்றாவது பாகத்தில் விசாரணை ஆணையத்தின் பரிந்துரை உள்ளது.

ஓய்வு பெற்ற நீதிபதி - அருணா ஜெகதீசன்
ஓய்வு பெற்ற நீதிபதி - அருணா ஜெகதீசன்

நான்காவது பாகத்தில், இனிவரும் காலங்களில் இது போன்ற சம்பவம் எதுவும் நடைபெறாமல் இருப்பதற்கு எந்த மாதிரியான முன்னெச்சரிக்கை நடவடிக்கை மேற்கொள்ள வேண்டும் என்பது குறித்து இருக்கிறது. ஐந்தாவது பாகத்தில், வீடியோ ஆவணங்கள் மற்றும் சாட்சிகள், காவல்துறையினரிடம் நடத்தப்பட்ட விசாரணை உள்ளது. துப்பாக்கிச்சூட்டுச் சம்பவத்தில் பாதிக்கப்பட்டவர்களுக்கு நிவாரணம் வழங்குவது குறித்துப் பரிந்துரை செய்துள்ளோம். மேலும், பேரணிகளில் மக்கள் ஈடுபடும்போது எந்த மாதிரியான வழிமுறைகளைப் பின்பற்ற வேண்டும் என்ற பரிந்துரைகளும் உள்ளன" என்று பேசியிருந்தார்.

இந்தப் பரிந்துரைகளை வைத்து தமிழக அரசின் அடுத்தகட்ட நடவடிக்கை என்ன என்பது குறித்து மூத்த பத்திரிகையாளர் அய்யநாதனிடம் பேசினோம். ``முதலில் இந்த அறிக்கையைத் தமிழக அரசு பொதுவெளியில் வெளியிட வேண்டும். அப்போதுதான் விசாரணை எப்படி நடந்தது என்பது குறித்து பொதுமக்களுக்குத் தெரியவரும். அடுத்ததாக, அந்த ஆணையம் அளித்துள்ள அறிக்கையில், குறிப்பிடப்பட்டுள்ள குற்றச்சாட்டுகள் குறித்து உரிய நடவடிக்கை எடுக்க வேண்டும்.

மூத்த பத்திரிகையாளர் அய்யநாதன்
மூத்த பத்திரிகையாளர் அய்யநாதன்

துப்பாக்கிச்சூடு சம்பவத்தில் குற்றம்சாட்டப்பட்டுள்ள அனைவருக்கும் தண்டனை கிடைப்பதை இந்த அரசு உறுதிசெய்ய வேண்டும். அடுத்ததாக, துப்பாக்கிச்சூடு சம்பவத்தில் பாதிக்கப்பட்ட அனைவருக்கும் உரிய நிவாரணம் சென்று சேர்ந்திருக்கிறதா என்பதையும் அரசு உறுதிசெய்ய வேண்டும். அரசு இந்த விவகாரத்தில் மிகுந்த வெளிப்படைத் தன்மையோடு செயல்பட வேண்டும்" என்று பேசினார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism