Published:Updated:

கோவை போக்குவரத்து இணை ஆணையர் காரில் ரூ.28 லட்சம் பறிமுதல்! - லஞ்சப் பணமா என அதிகாரிகள் விசாரணை

போக்குவரத்து இணை ஆணையர் காரில் ரூ. 28.35 லட்சம் பறிமுதல்

கோவை போக்குவரத்து இணை ஆணையர் உமாசக்தி காரில், லஞ்ச ஒழிப்புத்துறையினர் நடத்திய சோதனையில் கணக்கில் வராத ரூ. 28.35 லட்சம் பணம் சிக்கியது.

கோவை போக்குவரத்து இணை ஆணையர் காரில் ரூ.28 லட்சம் பறிமுதல்! - லஞ்சப் பணமா என அதிகாரிகள் விசாரணை

கோவை போக்குவரத்து இணை ஆணையர் உமாசக்தி காரில், லஞ்ச ஒழிப்புத்துறையினர் நடத்திய சோதனையில் கணக்கில் வராத ரூ. 28.35 லட்சம் பணம் சிக்கியது.

Published:Updated:
போக்குவரத்து இணை ஆணையர் காரில் ரூ. 28.35 லட்சம் பறிமுதல்

போக்குவரத்து இணை ஆணையர் உமாசக்தி லஞ்ச புகார் எழுந்ததையடுத்து, அவரது காரில் லஞ்ச ஒழிப்புத்துறையினர் நடத்திய சோதனையில் கணக்கில் வராத ரூ. 28.35 லட்சம் பணம் சிக்கியது.

கோவை, திருப்பூர், நீலகிரி ஆகிய மூன்று மாவட்டங்களின் போக்குவரத்து இணை ஆணையராக உமாசக்தி பணிபுரிந்து வருகிறார். கடந்த சில தினங்களுக்கு முன்னர், விடுமுறை நாள்களில் அதிக கட்டணம் வசூலித்தாக, ஆம்னி பேருந்துகளை உமாசக்தி பறிமுதல் செய்திருந்தார்.

கோவை 
 போக்குவரத்து இணை ஆணையர் உமாசக்தி
கோவை போக்குவரத்து இணை ஆணையர் உமாசக்தி

இந்த நிலையில், ஆம்னி பஸ் உரிமையாளர்கள், போக்குவரத்து பயிற்சி மைய உரிமையாளர்கள் எனப் பலரிடம் மாதம்... மாதம் உமாசக்தி சட்டவிரோத முறையில் வசூல் செய்து வருவதாக கோவை லஞ்ச ஒழிப்பு போலீஸ் கூடுதல் துணை சூப்பிரண்டு திவ்யாவுக்கு தகவல் கிடைத்தது.

அதையடுத்து, நேற்றைய தினம் சவுரிபாளையம் சாலையில் சென்று கொண்டிருந்த உமாசக்தி காரை, திடீரென லஞ்ச ஒழிப்புத்துறையினர் இடைமறித்து சோதனை நடத்தினர். அந்த சோதனையில் கணக்கில் வராத ரூ. 28.35 லட்சம் பணம் சிக்கியது. அதைத்தொடர்ந்து, கைப்பற்றப்பட்ட பணம் தொடர்பாக உமாசக்தியிடம், வட்டாரப் போக்குவரத்து அதிகாரிகள் தீவிர விசாரணை நடத்தி வருகின்றனர்.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism