நமது வாசகருக்கான பதிலை அறிந்து கொள்ளும் பொருட்டு மாற்றுத் திறனாளிகள் நலச் சங்கத்தில் இருந்து, தீபக் அவர்களிடம் பேசினோம், "80U பிரிவு உடல் குறைபாடுகள் உள்ளவர்களுக்கு வழங்கப்படும் வரிச்சலுகை, 80DD அவர்களைக் கவனித்துக்கொள்ளும் உறவினர்களுக்கு வழங்கப்படும் வரிச்சலுகை. இவை தவிர மருத்துவச் செலவுகளுக்கு 80DDB-யின் கீழ் வரிச்சலுகை பெறலாம்.

இதேபோல உங்களுக்குத் தோன்றும் கேள்விகள், சந்தேகங்களை இங்கே கிளிக் செய்து பதிவு செய்யுங்கள்!

80U தனிநபரின் மாற்றுத்திறன் சார்ந்தது. 80DD மாற்றுத் திறனாளி நபரைப் பராமரிக்கும் அம்மா, மனைவி, குழந்தைகள் போன்ற குடும்ப உறுப்பினர்களுக்கு வழங்கப்படுவது. ஒரு குறிப்பிட்ட நோயால் பாதிக்கப்பட்டுள்ளவர் அதன் மருத்துவ செலவுகளைக் கருத்தில் கொண்டு 80DDB வழங்கப்படுகிறது.

வாசகர் கேட்டது போல இந்த வரிச் சலுகைகளைப் பெற ஒவ்வொரு முறையும் மருத்துவரைச் சந்தித்து சான்றிதழ்களை வாங்க வேண்டியுள்ளது. நிரந்தர நோய் உள்ளவர்கள் அல்லது நிரந்தர மாற்றுத்திறனாளிகளும் ஆண்டுக்கு ஒரு முறை சான்றிதழ் சமர்ப்பிக்க வேண்டியுள்ளது. 80U விலக்கு பெற நானே நேரில் செல்லும்போதும் கூட சான்றிதழ் கேட்கப்படுகிறது" எனக் கூறினார்.