Published:Updated:

என்ன ஆவார் செல்லதுரை? - சஸ்பென்ஸில் மதுரை காமராசர் பல்கலை

என்ன ஆவார் செல்லதுரை? - சஸ்பென்ஸில் மதுரை காமராசர் பல்கலை
பிரீமியம் ஸ்டோரி
News
என்ன ஆவார் செல்லதுரை? - சஸ்பென்ஸில் மதுரை காமராசர் பல்கலை

என்ன ஆவார் செல்லதுரை? - சஸ்பென்ஸில் மதுரை காமராசர் பல்கலை

துரை காமராசர் பல்கலைக்கழகத் துணைவேந்தர் செல்லதுரையின் நியமனத்தை ரத்து செய்து சென்னை உயர் நீதிமன்றம் தீர்ப்பளித்தது. இதற்குத் தடை விதிக்க உச்ச நீதிமன்றம் மறுத்துவிட்டது. இந்நிலையில், செல்லதுரை என்ன ஆவார் என்ற கேள்வி எழுந்துள்ளது. செல்லதுரைக்கு எதிரான குற்றச்சாட்டுகளை உயர் நீதிமன்றம் முதல் உச்ச நீதிமன்றம் வரை கொண்டுசென்றது மக்கள் உரிமைப் பாதுகாப்பு மையம். இதற்குப் பக்கபலமாகச் செயல்பட்டது, மதுரை காமராசர் பல்கலைக்கழகப் பாதுகாப்புக் கூட்டமைப்பு. அதன் செயலாளரான முரளியிடம் பேசினோம்.

என்ன ஆவார் செல்லதுரை? - சஸ்பென்ஸில் மதுரை காமராசர் பல்கலை

‘‘செல்லதுரையின் நியமனத்தை ரத்து செய்த உயர் நீதிமன்ற உத்தரவுக்குத் தடை விதிக்க உச்ச நீதிமன்றம் மறுத்துவிட்டது. இந்நிலையில், செல்லதுரையைப் பதவிநீக்கம் செய்து தமிழக அரசு ஆணை வெளியிட வேண்டும். புதிய துணைவேந்தருக்கான தேர்வு, மிகவும் நேர்மையாகவும் வெளிப்படையாகவும் அரசியல் குறுக்கீடுகள் இல்லாமலும் நடத்தப்பட வேண்டும். எத்தனை விண்ணப்பங்கள் பெறப்பட்டன, என்ன அடிப்படையில் விண்ணப்பங்கள் நிராகரிக்கப்பட்டன, விண்ணப்பதாரர் ஒவ்வொருவரும் பெற்ற மதிப்பெண்கள் எத்தனை என்ற விவரங்களை இணையதளத்தில் வெளியிட வேண்டும்.

துணைவேந்தர் பதவியில் இருந்தபோது, நிறைய விதிமீறல்களில் செல்லதுரை ஈடுபட்டுள்ளார். விதிகளுக்குப் புறம்பாகப் பணி நியமனங்களும் நடைபெற்றுள்ளன. உறுப்புக்கல்லூரிகளில் மேற்பார்வையாளர், உதவியாளர் மற்றும் ஆசிரியர் பணிகளுக்குத் தொகுப்பு ஊதியத்தில் பலர் நியமனம் செய்யப்பட்டுள்ளனர். பல்கலைக்கழகத்தின் அலுவலர் பயிற்சிக் கல்லூரிக்கு இயக்குநராக  ரூ. 20 ஆயிரம் சம்பளம் கொடுத்துத் தனக்கு வேண்டப்பட்டவரை நியமித்துள்ளார். பல்கலைக்கழக மாலைநேரக்கல்லூரிக்கான பொறுப்பு இயக்குநர் பதவி, தொழிற்சாலைகளுடன் இணைந்து செயல்படும் ஆலோசகர் பதவி, உள்நிதி தணிக்கைத் துறையில் ஒரு பதவி என எல்லாவற்றிலும் தலா ரூ. 25,000 மாத ஊதியத்துக்கு ஆள் போட்டுள்ளார். இதற்கெல்லாம் விதிகளில் இடம் இல்லை. பல்கலைக்கழகப் பாதுகாப்பு அதிகாரியாக, ஓய்வுபெற்ற டி.எஸ்.பி ஒருவரை நியமித்துள்ளார்.  தேர்வு அதிகாரி (Regular), கூடுதல் தேர்வு அதிகாரி (DDE) போன்ற பதவிகளில் நியமிக்கப்பட்டுள்ளவர்கள்மீது குற்ற வழக்குகள் உள்ளன.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
என்ன ஆவார் செல்லதுரை? - சஸ்பென்ஸில் மதுரை காமராசர் பல்கலை

இப்படி விதிகளுக்குப் புறம்பாகச் செய்யப்பட்ட பணிநியமனங்களை உடனடியாக ரத்து செய்ய வேண்டும். பல்கலைக்கழகத்தில் அங்கீகாரம் பெற்ற கல்லூரி மாணவர்கள் அனைவரும் கட்டாயமாக ரூ. 500 பல்கலைக்குக் கட்டவேண்டும் என்ற உத்தரவை ரத்து செய்யவேண்டும். துணைவேந்தர் பதவிக்கு செல்லதுரையைத் தேர்வு செய்த குழுவின் தலைவர் முருகதாஸ் முறைகேடாகப் பரிந்துரை செய்துள்ளார் என நீதிமன்றம் தீர்ப்பளித்துள்ளது. ஏகப்பட்ட புகார்கள் உள்ள முருகதாஸ்மீது அரசு நடவடிக்கை எடுக்க வேண்டும். தனியார் கல்லூரி பேராசிரியை நிர்மலாதேவி, மாணவிகளைத் தவறாக வழிநடத்திய விவகாரம் குறித்து சந்தானம் கமிஷனின் அறிக்கையை வெளியிட தடை உள்ளது. எனவே, இவ்வழக்கின் விசாரணை குறித்த இடைநிலை அறிக்கையை சி.பி.சி.ஐ.டி தாக்கல் செய்ய வேண்டும். அதை மக்களுக்குத் தெரிவிக்க வேண்டும். இந்த விவகாரம் பற்றிய விசாரணை அவசரமாகப் பாதியிலேயே முடிக்கப்பட்டுள்ளது. அதைத் தொடர வேண்டும். உயர் நிலையிலுள்ள எந்தெந்த அதிகாரிகள் இதில் சம்பந்தப்பட்டுள்ளனர் என்பதைக் கண்டறிந்து அவர்கள் மீது நடவடிக்கை எடுக்க வேண்டும்’’ என்றார்.

செல்லதுரையிடம் பேசினோம். ‘‘வழக்கு நீதிமன்றத்தில் இருப்பதால் நான் கருத்து சொல்ல முடியாது. எல்லாப் பிரச்னைகளும் சரியானபிறகு என் பக்கம் உள்ள நியாயங்களைச் சொல்வேன்’’ என்றார்.

- செ.சல்மான்

  படங்கள்: ஈ.ஜெ.நந்தகுமார்