`நீட்' கூடாது என்ற தமிழக அரசின் நிலைப்பாடு குறித்த உங்களின் கருத்து என்ன? #AvalVikatanPoll

நீட் தேர்வு பல மாணவர்களின் மருத்துவக் கனவைக் கலைத்துப்போட்டது. தமிழகத்தில் சில மாணவர்களின் உயிரையும் குடித்தது. இதனுடன் கொரோனா காரணமாகப் பள்ளி, கல்லூரிகளின் இறுதியாண்டுத் தேர்வுகளை நடத்துவது தொடர்பாகத் தயக்கமும் சில குழப்பங்களும் தொடர்ந்து கொண்டிருந்தன.

இந்நிலையில், நாடு முழுவதும் பள்ளி, கல்லூரிகளின் இறுதியாண்டுத் தேர்வுகளை நடத்துவது தொடர்பாக, பாதுகாப்புத்துறை அமைச்சர் ராஜ்நாத் சிங் தலைமையில் காணொலி வாயிலாக உயர்மட்ட ஆலோசனைக் கூட்டம் நடைபெற்றது. இதில், தமிழகம் சார்பில் உயர் கல்வித்துறை அமைச்சர் பொன்முடி, பள்ளிக்கல்வித்துறை அமைச்சர் அன்பில் மகேஷ் மற்றும் அதிகாரிகள் பங்கேற்றனர்.