சூர்யாவின் கருத்தும் நீதிமன்ற அவமதிப்பு சர்ச்சையும்... மக்கள் கருத்து என்ன? #VikatanPollResults

நீட் தேர்வு அழுத்தத்தால் மூன்று பேர் தற்கொலை செய்துகொண்டனர். இதைக் கண்டித்து, நீட் தேர்வுக்கு எதிராக அறிக்கை ஒன்றை வெளியிட்டார் சூர்யா. அதில் அவர், "கொரோனா அச்சத்தால் உயிருக்குப் பயந்து வீடியோ கான்பிரன்ஸிங் மூலம் நீதி வழங்கும் நீதிமன்றம், மாணவர்களை அச்சமில்லாமல் போய் தேர்வு எழுத வேண்டும் என்று உத்தரவிடுகிறது" என்று தெரிவித்திருந்தார். இது பெரும் அதிர்வலைகளை ஏற்படுத்தியது.

நடிகர் சூர்யா மீது நீதிமன்ற அவமதிப்பு நடவடிக்கை எடுக்கக் கோரி தலைமை நீதிபதிக்கு உயர்நீதிமன்ற நீதிபதி எஸ்.எம்.சுப்ரமணியம் கடிதம் எழுதியுள்ளார். இந்நிலையில் சூர்யாவுக்கு ஆதரவாக, அவர் மேல் நடவடிக்கை எடுக்கக்கூடாது என்று உயர்நீதிமன்றத்தின் 6 ஓய்வுபெற்ற நீதிபதிகள் கூட்டாகத் தலைமை நீதிபதிக்குக் கடிதம் எழுதியிருக்கிறார்கள்.