Published:Updated:

திருச்சி மாவட்டத்தைப் புறக்கணிக்கிறதா தி.மு.க.?

திருச்சி மாவட்டத்தைப் புறக்கணிக்கிறதா தி.மு.க.?
பிரீமியம் ஸ்டோரி
திருச்சி மாவட்டத்தைப் புறக்கணிக்கிறதா தி.மு.க.?

திருச்சி மாவட்டத்தைப் புறக்கணிக்கிறதா தி.மு.க.?

திருச்சி மாவட்டத்தைப் புறக்கணிக்கிறதா தி.மு.க.?

திருச்சி மாவட்டத்தைப் புறக்கணிக்கிறதா தி.மு.க.?

Published:Updated:
திருச்சி மாவட்டத்தைப் புறக்கணிக்கிறதா தி.மு.க.?
பிரீமியம் ஸ்டோரி
திருச்சி மாவட்டத்தைப் புறக்கணிக்கிறதா தி.மு.க.?
திருச்சி மாவட்டத்தைப் புறக்கணிக்கிறதா தி.மு.க.?

‘‘தி.மு.க முன்னாள் தலைவர் கருணாநிதி உயிரோடு இருக்கும்வரை திருச்சி மாவட்டத்துக்கு அதிக முக்கியத்துவம் கொடுத்துவந்தார். காரணம், திருச்சி, தி.மு.க-வுக்கு மிகவும் சென்டிமென்டான ஊர். தி.மு.க-வின் மாநில மாநாடுகள் திருச்சியில்தான் அதிகளவில் நடைபெற்றுள்ளன. ஆனால், சமீபகாலமாக அந்த சென்டிமென்டிலிருந்து விலகி, திருச்சியை தள்ளியே வைத்துவருகிறார் ஸ்டாலின்’’ என்கிறார்கள் இம்மாவட்டத்தைச் சேர்ந்த உடன்பிறப்புகள்.

திருச்சி, கரூர் தொகுதிகள் காங்கிரஸ் கட்சிக்கும், பெரம்பலூர் தொகுதி ஐ.ஜே.கே கட்சிக்கும் ஒதுக்கப்பட்டுள்ளன. ஒவ்வொன்றாகப் பார்ப்போம்.

திருச்சி மாவட்டத்தைப் புறக்கணிக்கிறதா தி.மு.க.?

ஒட்டுமொத்த விகடனுக்கும் ஒரே ஷார்ட்கட்!

திருச்சி

திருச்சி தொகுதியில், கடந்த 30 வருடங்களாக வெற்றியைத் தீர்மானிக்கும் சக்தியாக தி.மு.க விளங்கிவருகிறது. ஒருமுறை முன்னாள் அமைச்சர் செல்வராஜ் தி.மு.க சார்பில் போட்டியிட்டு வெற்றிபெற்றிருக்கிறார். காங்கிரஸ் கட்சியைச் சேர்ந்த அடைக்கலராஜ், ஐந்து முறை எம்.பி-யாக இருந்திருக்கிறார். அதில் 1996 தேர்தலின்போது தி.மு.க - த.மா.கா கூட்டணி சார்பில் போட்டியிட்டு வெற்றிபெற்றார். அடுத்த தேர்தலில், தி.மு.க கூட்டணியில் போட்டியிட்ட பி.ஜே.பி-யைச் சேர்ந்த ரெங்கராஜன் குமாரமங்கலம் வெற்றிபெற்று அமைச்சர் பொறுப்பும் வகித்தார். அதற்கடுத்தத் தேர்தலிலும்கூட தி.மு.க கூட்டணி சார்பில் போட்டியிட்ட ம.தி.மு.க-வைச் சேர்ந்த எல்.கணேசன் வெற்றி பெற்றார். 2009-ம் ஆண்டு நாடாளுமன்றத் தேர்தலில், தி.மு.க கூட்டணி சார்பில் போட்டியிட்ட சாருபாலா தொண்டைமான், அ.தி.மு.க வேட்பாளர் ப.குமாரிடம் நான்காயிரத்து 335 வாக்குகள் வித்தியாசத்தில் தோல்வியடைந்தார். திருச்சி நாடாளுமன்றத் தொகுதிக்கு உட்பட்ட ஆறு சட்டமன்றத் தொகுதிகளில் திருச்சி மேற்கு, திருவெறும்பூர், புதுக்கோட்டை உள்ளிட்ட தொகுதிகள் தி.மு.க வசம் உள்ளன. மற்ற தொகுதிகளிலும் முன்பைவிட பலமாகவே உள்ளது தி.மு.க. பலம்வாய்ந்த தொகுதியைக் கூட்டணிக் கட்சியான காங்கிரஸுக்கு ஒதுக்கியிருப்பது தி.மு.க நிர்வாகிகளிடம் அதிருப்தியை ஏற்படுத்தி உள்ளது.  

பெரம்பலூர்

இந்தத் தொகுதியில், கடந்த 20 வருடங்களுக்கும் மேலாக தி.மு.க - அ.தி.மு.க நேரடியாக மோதி வருகின்றன. இங்கு வெற்றிபெற்ற ஆ.ராசா, இரண்டுமுறை மத்திய அமைச்சராக இருந்தார். தொகுதி மறுசீரமைப்புக்குப்பிறகு ஆ.ராசா, நீலகிரி பக்கம் போகவே, கடந்த 2009-ம் ஆண்டு நாடாளுமன்றத் தேர்தலில் நடிகர் நெப்போலியன் தி.மு.க சார்பில் வெற்றிப் வெற்றிபெற்று, மத்திய இணை அமைச்சர் ஆனார். இப்போது தி.மு.க கூட்டணி சார்பில், இந்திய ஜனநாயகக் கட்சியின் தலைவர் பாரிவேந்தர் உதயசூரியன் சின்னத்தில் போட்டியிடுகிறார். எனினும், இந்தத் தொகுதியில், தி.மு.க நேரடியாகப் போட்டியிட்டிருக்க வேண்டும் என்று உடன்பிறப்புகள் சொல்கிறார்கள்.

கரூர்

அண்மையில் அ.ம.மு.க-விலிருந்து விலகிய செந்தில்பாலாஜி, தி.மு.க-வில் ஐக்கியமானார். எனவே, அவருக்கு கரூர் நாடாளுமன்றத் தொகுதி ஒதுக்கப்படும் என்று பேசப்பட்டது. கடந்த இரண்டுமுறை அ.தி.மு.க-வை எதிர்த்து கரூரில் போட்டியிட்ட தி.மு.க, இந்த முறை கரூர் நாடாளுமன்றத் தொகுதியை காங்கிரஸுக்குத் தாரைவார்த்துள்ளது. காங்கிரஸ் கட்சித் தலைவர் ராகுல்காந்தியே, கரூர் நாடாளுமன்றத் தொகுதியை தி.மு.க தலைமையிடம் நேரடியாகக் கேட்டு வாங்கியிருப்பதாகப் பேசப்படுகிறது. கரூரிலும் தி.மு.க போட்டியிட்டிருந்தால், கூட்டணி கட்சி பெறும் வாக்குகளைவிட அதிகம் பெற முடியும் என்கின்றனர் தி.மு.க-வினர்.

- சி.ய.ஆனந்தகுமார், படம்: தே.தீட்ஷித்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism