Published:Updated:

உள்ளடி வேலைகளை சரிக்கட்ட வேண்டும் சி.பி.ஆர்! - விறுவிறு வி.ஐ.பி - கோயம்புத்தூர்

உள்ளடி வேலைகளை சரிக்கட்ட வேண்டும் சி.பி.ஆர்! - விறுவிறு வி.ஐ.பி - கோயம்புத்தூர்
பிரீமியம் ஸ்டோரி
உள்ளடி வேலைகளை சரிக்கட்ட வேண்டும் சி.பி.ஆர்! - விறுவிறு வி.ஐ.பி - கோயம்புத்தூர்

ஓவியம்: அரஸ்

உள்ளடி வேலைகளை சரிக்கட்ட வேண்டும் சி.பி.ஆர்! - விறுவிறு வி.ஐ.பி - கோயம்புத்தூர்

ஓவியம்: அரஸ்

Published:Updated:
உள்ளடி வேலைகளை சரிக்கட்ட வேண்டும் சி.பி.ஆர்! - விறுவிறு வி.ஐ.பி - கோயம்புத்தூர்
பிரீமியம் ஸ்டோரி
உள்ளடி வேலைகளை சரிக்கட்ட வேண்டும் சி.பி.ஆர்! - விறுவிறு வி.ஐ.பி - கோயம்புத்தூர்
உள்ளடி வேலைகளை சரிக்கட்ட வேண்டும் சி.பி.ஆர்! - விறுவிறு வி.ஐ.பி - கோயம்புத்தூர்

பி.ஜே.பி பிரமுகர் சி.பி.ராதாகிருஷ்ணன் போட்டியிடும் தொகுதி என்பதுடன், பி.ஜே.பி வலுவாக இருக்கும் தொகுதி என்பதால், உற்றுநோக்கப்படுகிறது, கோயம்புத்தூர் நாடாளுமன்றத் தொகுதி. பல்லடம், சூலூர், கவுண்டம்பாளையம், கோயம்புத்தூர் வடக்கு, கோயம்புத்தூர் தெற்கு, சிங்காநல்லூர் ஆகிய சட்டமன்றத் தொகுதிகளை உள்ளடக்கியது, கோயம்புத்தூர் நாடாளுமன்றத் தொகுதி.

தொகுதியைத் தேர்வு செய்யக் காரணம் என்ன?

‘தமிழகத்தில் தாமரை மலர்ந்தே தீரும்’ என்று முழங்கிவரும் பி.ஜே.பி-யினருக்கு நம்பிக்கையூட்டும் தொகுதி, கோயம்புத்தூர். கோயம்புத்தூர் குண்டுவெடிப்பு சம்பவத்துக்குப் பிறகு ஏற்பட்ட மதரீதியான பிளவுகளில் தன்னை வளர்த்துக்கொண்ட பி.ஜே.பி., ஒவ்வொரு தேர்தலிலும் கோயம்புத்தூர் தொகுதியைக் கைப்பற்றப் பல்வேறு முயற்சிகளை எடுத்துவருகிறது. அ.தி.மு.க-வுடன் கூட்டணி அமைத்ததும், தங்களுக்கு ஒதுக்கிய ஐந்து தொகுதிகளில், கோயம்புத்தூர் கண்டிப்பாக இருக்கவேண்டும் என்று கறார் காட்டியது, பி.ஜே.பி. இத்தொகுதியில், 1998 மற்றும் 1999-ம் ஆண்டுகளில் நடந்த நாடாளுமன்றத்தேர்தலில், சி.பி.ராதாகிருஷ்ணன் வெற்றிபெற்றுள்ளார். கடந்த ஐந்து ஆண்டுகளாக கோயம்புத்தூர் தொகுதி அ.தி.மு.க வசம் இருந்தது. ஏற்கெனவே தொகுதியில் பி.ஜே.பி-க்கு உள்ள செல்வாக்கு, கடந்த ஐந்து ஆண்டுகளாக அ.தி.மு.க தொகுதியைக் கையில் வைத்திருந்தது... இவை எல்லாம் தனக்கு பலம் சேர்க்கும் என்று எண்ணி கோயம்புத்தூர் தொகுதியில் களமிறங்கியிருக்கிறார், சி.பி.ராதாகிருஷ்ணன்.

உள்ளடி வேலைகளை சரிக்கட்ட வேண்டும் சி.பி.ஆர்! - விறுவிறு வி.ஐ.பி - கோயம்புத்தூர்

ஒட்டுமொத்த விகடனுக்கும் ஒரே ஷார்ட்கட்!

ப்ளஸ் மைனஸ் என்னென்ன?

கடந்த சட்டமன்றத் தேர்தலில், கோயம்புத்தூர் நாடாளுமன்றத் தொகுதியில் உள்ள ஆறு சட்டமன்றத் தொகுதிகளில் ஐந்தில், அ.தி.மு.க வெற்றிபெற்றுள்ளது. அந்தத் தொகுதிகளில் அ.தி.மு.க-வுக்குக் கிடைக்கும் ஓட்டுகள் அப்படியே சி.பி.ராதாகிருஷ்ணனுக்குக் கிடைத்து, அத்துடன் பி.ஜே.பி ஓட்டுகளும் சேர்ந்தால், அது சி.பி.ராதாகிருஷ்ணனுக்குச் சாதகமாக இருக்கும். கோயம்புத்தூர் தொகுதி, கவுண்டர் சமுதாய மக்கள் அதிகம் இருக்கும் தொகுதி.

சி.பி.ராதாகிருஷ்ணனும் இதே சமூகத்தைச் சேர்ந்தவர். இதுவும் அவருக்கு வலு சேர்க்கிறது. கோயம்புத்தூர் நாடாளுமன்றத் தொகுதியில் மூவாயிரம் முக்கிய நபர்களைத் தேர்வுசெய்து அவர்கள் மூலமாக ஓட்டுகளைப் பெறும் முயற்சியில் இறங்கியிருக்கிறது, பி.ஜே.பி. இது, எந்தளவுக்கு வேலை செய்யும் என்பதைப் பொறுத்திருந்துதான் பார்க்க வேண்டும்.

சி.பி.ராதாகிருஷ்ணன், திருப்பூர் மாவட்டத்தைச் சேர்ந்தவர் என்பது, இவருக்கு மைனஸாக இருக்கிறது. ‘கயிறு வாரியத்தலைவராக இருந்தபோதும் சரி, இரண்டு முறை எம்.பி-யாக இருந்தபோதும் சரி... கோயம்புத்தூர் பக்கம் இவர் எட்டிப்பார்க்கவில்லை. தேர்தல் சமயத்தில் மட்டும்தான் வருகிறார். பெரிதாகக் கோயம்புத்தூருக்கு இவர் எதுவும் செய்யவில்லை’ என்று பரவலாக இவர்மேல் சொல்லப்படும் குற்றச்சாட்டும் இவருக்கு மைனஸாக இருக்கிறது.

கோயம்புத்தூரின் குடிநீர் விநியோகத்தை பிரான்ஸ் நாட்டைச் சேர்ந்த சூயஸ் நிறுவனத்துக்குத் தாரை வார்த்தது, ஜி.எஸ்.டி-யால் கோயம்புத்தூரில் சிறு குறு தொழில்களுக்கு ஏற்பட்ட பாதிப்புகள், பண மதிப்பிழப்பால் ஏற்பட்ட தொழில் சரிவுகள் போன்ற விஷயங்களைக் கையிலெடுத்து எதிர்க்கட்சிகள் பிரசாரம் செய்து வருவதும், பி.ஜே.பி-க்கு கடும் சரிவை உண்டாக்கக்கூடும்.

உள்ளடி வேலைகளை சரிக்கட்ட வேண்டும் சி.பி.ஆர்! - விறுவிறு வி.ஐ.பி - கோயம்புத்தூர்

கூட்டணிக் கட்சிகளின் ஒத்துழைப்பு எப்படி?

கோயம்புத்தூர் தொகுதியில் எப்படியும் சீட் வாங்கிவிட வேண்டும் என்று தீவிரமாக வேலை செய்துவந்தார், பி.ஜே.பி மாநிலப் பொதுச் செயலாளர் வானதி சீனிவாசன். கோயம்புத்தூரில் நடக்கும் அனைத்து நிகழ்வுகளிலும் பங்கெடுத்துவந்தார். ஆனால், அவருக்கு சீட் கொடுக்காமல், எந்த நிகழ்வுகளிலும் பெரிதாகப் பங்கெடுக்காத சி.பி.ராதாகிருஷ்ணனுக்கு சீட் வழங்கப்பட்டதில், வானதி சீனிவாசன் தரப்பு கடுமையான அதிருப்தியில் இருக்கிறது. அதேபோல, கோயம்புத்தூர் கோட்ட பி.ஜே.பி பொறுப்பாளர் ஜி.கே.செல்வகுமார், பி.ஜே.பி-யின் அகில இந்திய இளைஞரணி தலைவர் ஏ.பி.முருகானந்தம், பி.ஜே.பி. மாநிலப் பொருளாளர் எஸ்.ஆர்.சேகர் ஆகியோரும் தங்களுக்கு சீட் கிடைக்காததால் அப்செட்டில் இருக்கிறார் கள். இவர்கள், சி.பி.ராதா கிருஷ்ணனுக்கு ஒத்துழைப்பார்களா என்பது சந்தேகம்தான்.

கோயம்புத்தூரை அ.தி.மு.க. கோட்டை என்று சொல்லிக்கொண்டு அந்தத் தொகுதியைக் கூட்டணிக்கு ஒதுக்கியதில், அ.தி.மு.க. நிர்வாகிகளும் அப்செட் டில் இருக்கிறார்கள். அத்துடன், ஜெயலலிதா மறைவுக்குப் பிறகு நடந்துவரும் களேபரங் களைத் தாங்கிக்கொள்ள முடியாமல், வேண்டா வெறுப்பாகக் கட்சியில் நீடித்து வரும் அ.தி.மு.க நிர்வாகிகள் பலரும் உற்சாகமாக வேலை செய்யத் தயாராக இல்லை என்பதும் வெளிப்படையாகவேத் தெரிகிறது.

அதே நேரத்தில் காங்கிரஸ், மார்க்சிஸ்ட் கம்யூனிஸ்ட், தி.மு.க ஆகிய கட்சிகளின் கோயம்புத்தூர் மாவட்ட நிர்வாகிகளுக்குள்ளும் கடும் பனிப்போர் நிலவி வருகிறது. இது, சி.பி.ராதாகிருஷ்ணனுக்குக் கொஞ்சம் ஆறுதலான விஷயம்.

உள்ளடி வேலைகளை சரிக்கட்ட வேண்டும் சி.பி.ஆர்! - விறுவிறு வி.ஐ.பி - கோயம்புத்தூர்

வெற்றி வாய்ப்பு யாருக்கு?

தி.மு.க-வோடு கூட்டணி அமைந்ததுமே கோயம்புத்தூர் எங்களுக்குத்தான் என்று கேட்டு வாங்கி, 2009-ம் ஆண்டு கோயம்புத்தூரில் வெற்றி பெற்ற பி.ஆர்.நடராஜனைக் களமிறக்கியுள்ளது, மார்க்சிஸ்ட் கம்யூனிஸ்ட் கட்சி. அ.ம.மு.க சார்பில் அப்பாத்துரை களமிறக்கப்பட்டுள்ளார். இவர் எம்.ஜி.ஆர் காலத்து அரசியல்வாதி. தற்சமயம், சி.பி.ராதாகிருஷ்ணன், பி.ஆர்.நடராஜன் ஆகியோருக்கு இடையில்தான் போட்டி. சி.பி.ராதாகிருஷ்ணன், பி.ஜே.பி-யின் உட்கட்சிப்பூசலைத் தீர்த்து, அ.தி.மு.க நிர்வாகிகளையும் சமாதானம்செய்து உள்ளடி வேலைகளை சரிக்கட்டினால் மட்டுமே... வெற்றிக்கோட்டைத் தொட முடியும்.

- எம்.புண்ணியமூர்த்தி
படங்கள்: தி.விஜய்

பாதுகாப்பான பிரதமர்

தே
ர்தல் வேலைகளில் படு பிஸியாக இருந்த சி.பி.ராதாகிருஷ்ணனிடம் பேசினோம். “நான் கோவை நாடாளுமன்ற உறுப்பினராக இருந்த காலங்களில், வாஜ்பாயிடமிருந்த நெருக்கத்தைப் பயன்படுத்தி ஏழு புதிய ரயில்கள், எண்ணற்ற மேம்பாலங்கள் என நிறையத் திட்டங்களைக் கொண்டுவந்துள்ளேன். கடந்த மூன்று ஆண்டுகளாக மத்தியக் கயிறு வாரியத்துறைத் தலைவராக இருக்கும் நான், இதுவரையில் இல்லாத அளவுக்கு ‘காயர்’ ஏற்றுமதியை அதிகப்படுத்திச் சாதனை படைத்துள்ளேன். நிலையான - பாதுகாப்பான பிரதமர் வர வேண்டும் என்று மக்கள் விரும்புகிறார்கள். அது மோடியால் மட்டுமே முடியும் என்று மக்கள் நம்புகிறார்கள். கம்யூனிஸ்ட்கள் வளர்ச்சிக்கு எதிரானவர்கள். நாடு முழுவதும் தோற்றுப்போன சித்தாந்தத்தைக் கொண்டவர்கள். ஆகையால், எங்கள் கூட்டணி அமோக வெற்றிபெறுவது உறுதி” என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism