Published:Updated:

வளர்ச்சி கோஷம் தொகுதியை வசப்படுத்துமா? - விறுவிறு வி.ஐ.பி - கன்னியாகுமரி

வளர்ச்சி கோஷம் தொகுதியை வசப்படுத்துமா? - விறுவிறு வி.ஐ.பி - கன்னியாகுமரி
பிரீமியம் ஸ்டோரி
வளர்ச்சி கோஷம் தொகுதியை வசப்படுத்துமா? - விறுவிறு வி.ஐ.பி - கன்னியாகுமரி

ஓவியங்கள்: அரஸ்

வளர்ச்சி கோஷம் தொகுதியை வசப்படுத்துமா? - விறுவிறு வி.ஐ.பி - கன்னியாகுமரி

ஓவியங்கள்: அரஸ்

Published:Updated:
வளர்ச்சி கோஷம் தொகுதியை வசப்படுத்துமா? - விறுவிறு வி.ஐ.பி - கன்னியாகுமரி
பிரீமியம் ஸ்டோரி
வளர்ச்சி கோஷம் தொகுதியை வசப்படுத்துமா? - விறுவிறு வி.ஐ.பி - கன்னியாகுமரி
வளர்ச்சி கோஷம் தொகுதியை வசப்படுத்துமா? - விறுவிறு வி.ஐ.பி - கன்னியாகுமரி

ரண்டுமுறை மத்திய அமைச்சரவையில் இடம் பெற்ற பொன்.ராதாகிருஷ்ணன் போட்டியிடும் தொகுதி என்பதுடன், தமிழக பி.ஜே.பி-யினர் உறுதியாக நம்பும் தொகுதி என்பதால், கன்னியாகுமரி தொகுதிக்குத் தனிக்கவனம் கிடைத்திருக்கிறது. கன்னியாகுமரி, நாகர்கோவில், குளச்சல், பத்மநாபபுரம், விளவன்கோடு, கிள்ளியூர் ஆகிய சட்டமன்றத் தொகுதிகளை உள்ளடக்கியது, கன்னியாகுமரி நடாளுமன்றத்தொகுதி.

தொகுதி சீரமைப்புக்கு முன் நாகர்கோவில் நாடாளுமன்றத் தொகுதியாக இருந்தபோது 1991, 1996, 1998-ம் ஆண்டுகளில் நடைபெற்ற நாடாளுமன்றத் தேர்தல்களில் போட்டியிட்டுத் தோல்வியடைந்த பொன்.ராதாகிருஷ்ணன், 1999-ம் ஆண்டு நாடாளுமன்றத் தேர்தலில் வெற்றிபெற்றார். அதைத் தொடர்ந்து, வாஜ்பாய் தலைமையிலான அமைச்சரவையிலும் இடம்பெற்றார். பின்பு, 2004-ம் ஆண்டு தேர்தலில் போட்டியிட்டுத் தோல்வியடைந்தார். கன்னியாகுமரி தொகுதியாகச் சீரமைக்கப்பட்டபிறகு, 2009-ம் ஆண்டு நடைபெற்ற தேர்தலில் போட்டியிட்டுத் தோல்வியடைந்தார். கடந்த 2011-ம் ஆண்டுச் சட்டமன்றத் தேர்தலில் போட்டியிட்டு அதிலும் தோல்வியடைந்தார். கடந்த 2014-ம் ஆண்டு நாடாளுமன்றத் தேர்தலில் வெற்றிபெற்று, நரேந்திர மோடி தலைமையிலான அமைச்சரவையில் இடம் பெற்றிருக்கிறார். தற்போது எட்டாவது முறையாக நாடாளுமன்றத் தேர்தலில் போட்டியிடக் களமிறங்கியிருக்கிறார், பொன்.ராதாகிருஷ்ணன்.

வளர்ச்சி கோஷம் தொகுதியை வசப்படுத்துமா? - விறுவிறு வி.ஐ.பி - கன்னியாகுமரி

ஒட்டுமொத்த விகடனுக்கும் ஒரே ஷார்ட்கட்!

தொகுதியைத் தேர்வு செய்யக் காரணம் என்ன?

பொதுவாக ஒவ்வொரு தொகுதியிலும் சாதிரீதியான அரசியல் இருக்கும். ஆனால், கன்னியாகுமரியில் மதம்தான் தேர்தல் வெற்றி, தோல்வியை நிர்ணயிக்கிறது. இந்தத் தொகுதியில், இந்துக்களில் பெரும்பாலானோர் பி.ஜே.பி-க்கும், கிறிஸ்துவர்கள் மற்றும் இஸ்லாமியர்கள் மற்ற கட்சிகளுக்கும் வாக்கு அளிக்கிறார்கள். அத்துடன், இப்பகுதியில் சங்பரிவார் அமைப்புகள் பலமாக உள்ளதால், அதைத் தன் பலமாக நம்புகிறார், பொன்.ராதாகிருஷ்ணன். கன்னியாகுமரி மாவட்ட பி.ஜே.பி-யில் கோஷ்டிப்பூசல் கிடையாது. பெரும்பாலும் பொன்.ராதாகிருஷ்ணனின் ஆதரவாளர்கள் என்பதும் இவருக்குச் சாதகமான விஷயம். அதனால்தான், விடாமல் இதே தொகுதியை மீண்டும் மீண்டும் கேட்டு வாங்குகிறார், பொன்.ராதாகிருஷ்ணன்.

ப்ளஸ் மைனஸ் என்னென்ன?

வழக்கமாக இந்துக்களின் பிரச்னையை வைத்துத் தேர்தலைச் சந்திக்கும் பொன்.ராதாகிருஷ்ணன், இந்தமுறை ‘வளர்ச்சி’ என்ற வாசகத்தை முன்வைத்துப் பிரசாரத்தில் ஈடுபட்டுள்ளார். ஆனால், வளர்ச்சி என்ற பெயரில் கன்னியா குமரியில் வர்த்தகத் துறைமுகம் அமைக்கும் பொன்.ராதாகிருஷ்ணனின் முயற்சிக்கு மீனவர்கள் மத்தியில் கடும் எதிர்ப்பு கிளம்பியுள்ளது. போக்குவரத்து நெருக்கடிக்குத் தீர்வுகாணும் விதமாக மார்த்தாண்டத்திலும், பார்வதிபுரத்திலும் மேம்பாலங்கள் அமைத்ததற்குப் பொதுமக்கள் மத்தியில் வரவேற்பு உள்ளது. அதேசமயத்தில், மார்த்தாண்டத்தில் மேம்பாலம் அமைத்ததால், வர்த்தகம் பாதிக்கப் பட்டுள்ளது என வணிகர்கள் கடும் அதிருப்தியில் உள்ளனர்.

வளர்ச்சி கோஷம் தொகுதியை வசப்படுத்துமா? - விறுவிறு வி.ஐ.பி - கன்னியாகுமரி

சிறுபான்மை மாணவர்களுக்குக் கல்வி உதவித்தொகை வழங்குவதுபோல, ‘ஏழை இந்து மாணவர்களுக்கும் கல்வி உதவித்தொகை வழங்க வேண்டும்’ என்று, கோரிக்கை வைத்து காங்கிரஸ் ஆட்சியில் மக்களைத் திரட்டிப் போராட்டம் நடத்தினார், பொன்.ராதாகிருஷ்ணன். ‘பி.ஜே.பி ஆட்சிக்கு வந்தால், ஏழை இந்து மாணவர்களுக்குக் கல்வி உதவித்தொகை வழங்கச் சட்டம் கொண்டு வரப்படும்’ என்று பிரசாரமும் செய்தார். ஆனால், அவரால் அத்திட்டத்தைக் கொண்டுவரவே முடியவில்லை. அதனால், தன் சம்பளப் பணம் முழுவதையும் வெள்ளிமலை விவேகானந்தா ஆசிரமம்மூலம் ஏழை இந்து மாணவர்களுக்குக் கல்வி உதவித்தொகையாக வழங்கி அப்பிரச்னையைச் சமாளித்துவருகிறார். இவை எல்லாம் பொன்.ராதாகிருஷ்ணனுக்கு சாதகமான அம்சங்கள். இதன் மூலம் இந்துக்களின் ஓட்டுகள் மொத்தமாகத் தனக்குக் கிடைக்கும் என்று நம்பியிருக்கிறார்.

இந்துக்களின் ஓட்டு பொன்.ராதாகிருஷ்ண னுக்கு ப்ளஸ்தான் என்றாலும்கூட, தொகுதியில் இந்துக்களுக்குச் சரிசமமாக இருக்கும் சிறுபான்மையினரின் ஓட்டுகள் இவருக்குக் கிடைக்காது என்பதுப் பெரிய மைனஸ். அதேபோல வணிகர்களின் ஓட்டுகள், மீனவர்களின் ஓட்டுகள் இவருக்குக் கிடைக்குமா என்பதும் சந்தேகமே. இதுவரை காங்கிரஸ் மற்றும் தி.மு.க கட்சிகள் கூட்டணி அமைத்துத் தேர்தலைச் சந்தித்த போதெல்லாம் பொன்.ராதாகிருஷ்ணன் தோல்வியைத்தான் சந்தித்திருக்கிறார். கடந்தத் தேர்தலில் தி.மு.க., காங்கிரஸ், அ.தி.மு.க ஆகிய பிரதானக் கட்சிகள் தனித்தனியாகப் போட்டியிட்டதால், பொன்.ராதாகிருஷ்ணனின் வெற்றி எளிதாக இருந்தது. இந்தமுறை தி.மு.க., காங்கிரஸ் சேர்ந்து... காங்கிரஸ் சார்பில் களமிறங்கியிருப்பவர், வசந்தகுமார். நாங்குநேரியின் தற்போதைய எம்.எல்.ஏ-வான இவருக்கும் தொகுதியில் கணிசமான செல்வாக்கு உண்டு. இந்தக் கூட்டணி கண்டிப்பாக பொன்.ராதாகிருஷ்ணனுக்குக் கலக்கத்தை ஏற்படுத்தும் என்பதில் சந்தேகமில்லை.

வளர்ச்சி கோஷம் தொகுதியை வசப்படுத்துமா? - விறுவிறு வி.ஐ.பி - கன்னியாகுமரி

கூட்டணிக் கட்சிகளின் ஒத்துழைப்பு எப்படி?

கூட்டணிக் கட்சிகளான அ.தி.மு.க., த.மா.கா., தே.மு.தி.க ஆகிய கட்சிகளின் மேல்மட்டத் தலைவர்கள் அனைவரும் பொன்.ராதா கிருஷ்ணனுடன் இணைந்து பணி செய்கிறார்கள். ஆனால், அடிமட்டத்தில் உள்ள சில நிர்வாகிகள் முரண்டுபிடிப்பதாகத் தகவல்கள் வருகின்றன. அதற்கு முக்கியக் காரணம், மதம் சார்ந்த அரசியல்தான் என்று சொல்லப்படுகிறது. கடந்தமுறை வாக்காளர்களுக்குப் பணம் எதுவும் கொடுக்காமல்தான் பொன்.ராதாகிருஷ்ணன் வெற்றி பெற்றார். இந்த முறையும், பணத்தை நம்பாமல் செல்வாக்கை மட்டுமே நம்பித்தான் களமிறங்குகிறார். அதேசமயம், தேர்தல் பணிசெய்யும் தொண்டர்களுக்குத் தாராளமாகச் செலவு செய்யத் திட்டமிட்டிருப்பதாகக் கூறப்படுகிறது. கூட்டணியில் அ.தி.மு.க இருப்பதால், பொன்.ராதாகிருஷ்ணனின் திட்டம் எந்தளவுக்கு ஒர்க் அவுட் ஆகும் என்பதைப் பொறுத்திருந்துதான் பார்க்க வேண்டும்.

வெற்றி வாய்ப்பு யாருக்கு?

கன்னியாகுமரி தொகுதியில், பி.ஜே.பி-க்கு என்று குறிப்பிட்ட வாக்குவங்கி இருக்கிறது. அந்த வாக்குகள் பொன்.ராதாகிருஷ்ணனுக்கு கிடைப்பதில் சிரமம் இல்லை. ஆனால், சிறுபான்மையினரின் வாக்குகள் கிடைப்பது கடினம்தான். சிறுபான்மையினரின் ஆதரவு தங்களுக்குத்தான் என்று தி.மு.க, காங்கிரஸ் கூட்டணி நம்பிக் களம் இறங்கியிருக்கிறது. அது ஒருவகையில் உண்மையும்கூட. அதனால், இந்துக்களின் ஓட்டை மட்டுமே நம்பியிருக்காமல், மற்ற மதத்தினரின் ஓட்டுகளைப் பெறுவதற்கும் பொன்.ராதாகிருஷ்ணன் கடுமையான முயற்சிகளை மேற்கொள்ள வேண்டும்.

- ஆர்.சிந்து
ஓவியங்கள்: அரஸ்
படங்கள்: ரா.ராம்குமார்

வளர்ச்சி கோஷம் தொகுதியை வசப்படுத்துமா? - விறுவிறு வி.ஐ.பி - கன்னியாகுமரி

``எதிர்க்கட்சிகள் பலவீனமாக உள்ளன!'’ - பொன்.ராதாகிருஷ்ணன்

பொன்
.ராதாகிருஷ்ணனிடம் பேசினோம். “கன்னியாகுமரி மாவட்ட மக்கள்தான் என் பலம். கடந்த 40 ஆண்டுகளுக்கும் மேலாக, நான் இந்த மாவட்ட மக்களுக்காக உழைத்துவருகிறேன். இரண்டுமுறை மத்திய அமைச்சராக இருந்தபோதும், கன்னியாகுமரி மாவட்ட மக்கள் எனக்கு முழு ஒத்துழைப்பு தந்திருக்கிறார்கள். அந்த ஒத்துழைப்பு இந்தத் தேர்தலில் எனக்கான வாக்குகளாக மாறும் என்று பலமாக நம்புகிறேன். எதிர்க்கட்சிகள் இந்த மாவட்டத்துக்கு எதுவுமே செய்யவில்லை என்பதும் எனக்குப் பலம். இந்தத் தொகுதியைப் பொறுத்தவரை எதிர்க்கட்சிகள்தான் பலவீனமாக உள்ளன” என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism