Published:Updated:

அ.தி.மு.க - பி.ஜே.பி - “கட்டாய கல்யாணம்போல, இது கட்டாய கூட்டணி!”

அ.தி.மு.க - பி.ஜே.பி - “கட்டாய கல்யாணம்போல, இது கட்டாய கூட்டணி!”
பிரீமியம் ஸ்டோரி
அ.தி.மு.க - பி.ஜே.பி - “கட்டாய கல்யாணம்போல, இது கட்டாய கூட்டணி!”

சிதம்பரம் அதிரடி

அ.தி.மு.க - பி.ஜே.பி - “கட்டாய கல்யாணம்போல, இது கட்டாய கூட்டணி!”

சிதம்பரம் அதிரடி

Published:Updated:
அ.தி.மு.க - பி.ஜே.பி - “கட்டாய கல்யாணம்போல, இது கட்டாய கூட்டணி!”
பிரீமியம் ஸ்டோரி
அ.தி.மு.க - பி.ஜே.பி - “கட்டாய கல்யாணம்போல, இது கட்டாய கூட்டணி!”
அ.தி.மு.க - பி.ஜே.பி - “கட்டாய கல்யாணம்போல, இது கட்டாய கூட்டணி!”

குற்றச்சாட்டுகளை முன்வைத்து கேள்வி எழுப்பினாலும் சரி... ‘குண்டக்க மண்டக்க’ கேள்வி எழுப்பினாலும் சரி... அசராமல் புள்ளிவிவரங்களுடன் துல்லியமாய் அடிப்பார் ப.சிதம்பரம். ஆனால், இந்தமுறை நம் பேட்டியில், ஐ.என்.எக்ஸ் மீடியா, சாரதா சிட்பண்ட்ஸ் தொடர்பான வழக்குகள் நீதிமன்றத்தில் இருப்பதாகக் கூறி, கவனமாகத் தவிர்த்துவிட்டார் அப்பச்சி. அவரிடம் பேசியதிலிருந்து...  

“தமிழ்நாட்டில், பி.ஜே.பி-க்கு இனி வேலையில்லை என்றீர்கள்... இப்போது பிரதான திராவிடக் கட்சியான அ.தி.மு.க–வுடன் கூட்டணி வைத்துவிட்டார்களே?”

“இப்போதும் அதைத்தான் சொல்கிறேன். தமிழ்நாட்டில் இனி பி.ஜே.பி-க்கு வேலையில்லை. அவர்கள் அ.தி.மு.க-வினரை உருட்டி மிரட்டி கூட்டணி வைத்துள்ளனர் என்பதே உண்மை. தவிர, அ.தி.மு.க கடந்தமுறை வாங்கிய 44 சதவிகித வாக்குவங்கி, இப்போது அந்தக் கட்சிக்குக் கிடையாது. கட்சி இரண்டாக உடைந்துவிட்டது. ஜெயலலிதா இடத்தை இன்றைய முதல்வர், துணை முதல்வர் யாராலும் நிரப்ப முடியாது. இது கட்டாயக் கல்யாணம் போல... கட்டாயக் கூட்டணி!”

“ஆனால், அ.தி.மு.க அணிதானே பெரிய அணிபோலத் தெரிகிறது?”

“அது உங்கள் கற்பனை. தி.மு.க அணியே பெரிய அணி. வலிமையான அணி. அ.தி.மு.க அணியில் இருக்கும் ஒவ்வொரு கட்சியுமே பலம் இல்லாதவைதான். பா.ம.க மீது நம்பகத்தன்மை துளியும் இல்லை. கவர்னரைப் பார்த்து அ.தி.மு.க அரசின்மீது குற்றப்பத்திரிகை கொடுத்துவிட்டு, இப்போது அவர்களுடனேயே கூட்டணியும் வைத்திருக்கிறார்கள் பா.ம.க-வினர். இதற்குப் பெயர் கூட்டணியா...?”

“வாக்குவங்கியின் அடிப்படையில் கணக்கிட்டால், அ.தி.மு.க கூட்டணிக்குத்தானே கூடுதல் வாக்குகள் கிடைக்கும்போலத் தெரிகிறது...?’

“இந்தக் கற்பனையை நம்பக்கூடியவர்கள் எத்தனைப் பேர் என்று தெரியவில்லை. அ.தி.மு.க கூட்டணியில் நான்கு முக்கியக் கட்சிகள் இருக்கின்றன என்றாலும், பி.ஜே.பி என்பது ‘மைனஸ்’ கட்சிதான். தமிழ்நாடு முழுக்கவே பி.ஜே.பி-க்கு எதிரான மனநிலைதான் மக்களிடம் இருக்கிறது. எனவே, அந்த ‘மைனஸ்’ ஒன்றே போதும்... கூட்டணியில் இருக்கும் மற்ற கட்சிகளின் வாக்குவங்கிகளையும் அது காலிசெய்துவிடும்.”

ஒட்டுமொத்த விகடனுக்கும் ஒரே ஷார்ட்கட்!

அ.தி.மு.க - பி.ஜே.பி - “கட்டாய கல்யாணம்போல, இது கட்டாய கூட்டணி!”

“அ.ம.மு.க தனித்து நிற்பதால், தி.மு.க கூட்டணிக்கு வரவேண்டிய வாக்குகள் பிரியுமா?”

“அவர்கள் யாருடைய வாக்குகளைப் பிரிப்பார்கள் என்று எனக்குத் தெரியாது. ஆனால், அ.தி.மு.க வாக்குவங்கி உடைந்திருப்பது உண்மை. எனவே, அ.தி.மு.க-வுக்குப் போகவேண்டிய வாக்குகள்தான், தினகரனுக்குப் போகும். அ.தி.மு.க எதிர்ப்பு வாக்குகள் தி.மு.க-வுக்குத்தான் வரும்.”

“நீட் தேர்வில் விலக்கு, பெட்ரோல் விலை நிர்ணயம், ஒரு கோடி இளைஞர்களுக்கு வேலைவாய்ப்பு என்று மத்திய அரசு செய்ய வேண்டிய பல திட்டங்களை, தி.மு.க தனது தேர்தல் அறிக்கையில் தெரிவித்துள்ளது. அதைப் பற்றி உங்கள் கருத்து என்ன?”

“அதைப்பற்றி ஒன்றும் சொல்வதற்கு இல்லை. இருப்பினும் மாநிலப் பிரச்னைகளை ஒரு அளவுக்குத்தான் தேர்தல் அறிக்கையில் குறிப்பிட முடியும். மொத்த இந்தியாவுக்கும் தேவையான விஷயங்களைத்தான் தேர்தல் அறிக்கையில் குறிப்பிட முடியும்.”

“நாடாளுமன்றத் தேர்தலைவிட, 18 சட்டமன்றத் தொகுதி இடைத்தேர்தலில்தான், அ.தி.மு.க அதிகக் கவனம் செலுத்துகிறது என்றும், அதில் பெருமளவு பணம் விளையாட வாய்ப்புள்ளது என்றும் சொல்லப்படுகிறது. இதை உங்கள் கூட்டணி எப்படி எதிர்கொள்ளப்போகிறது?”

“பணம் விளையாடும் என்பது ஊரறிந்த ரகசியம். அதுவும் அ.தி.மு.க தேர்தலில் குதித்தால், அங்கே பணம் விளையாடும் என்பதில் எந்த ஐயமும் வேண்டாம். இந்தப் பண விளையாட்டை, தேர்தல் கமிஷன் தடுக்கிறதா... இல்லையா என்பதைப் பார்க்க வேண்டும். தேர்தல் கமிஷனின் தகுதியும் திறமையும் இதில் தெரிந்துவிடும்.”

“மீண்டும் பி.ஜே.பி ஆட்சிக்கு வந்தால், தமிழகத்தில் இதே கூட்டணி தொடர வாய்ப்புள்ளதா?”

மீண்டும் பி.ஜே.பி ஆட்சிக்கு வராது. வரக்கூடாது. வந்துவிடக்கூடாது என்றுதான் நாங்கள் முயற்சி செய்கிறோம். இந்தக் கேள்விக்கு என்னிடம் வேறு பதில் இல்லை.”

அ.தி.மு.க - பி.ஜே.பி - “கட்டாய கல்யாணம்போல, இது கட்டாய கூட்டணி!”

“தமிழ்நாட்டில் திராவிடக் கட்சிகள் கடுமையாக எதிர்க்கும் பொருளாதாரரீதியிலான பத்து சதவிகித இடஒதுக்கீட்டை. காங்கிரஸ் ஆதரிக்க என்ன காரணம்?”

 “காங்கிரஸ், மாநிலக் கட்சி அல்ல. தமிழகஅளவில் பார்க்கும்போது, இதுவரை சமூதாயரீதியாக, கல்விரீதியாக பிற்படுத்தப்பட்டவர்களுக்கு மட்டும்  இடஒதுக்கீடு வழங்கவேண்டும் என்று தோன்றலாம். அதேசமயம், அகில இந்திய அளவில் பீகார், மத்தியப்பிரதேசம் போன்ற மாநிலங்களையும் கணக்கில்கொள்ள வேண்டிய அவசியம் உள்ளது. அந்த மாநிலங்களில் முன்னேறிய சமுதாயம் என்று சொல்லப்படும் சமுதாயத்துக்கும், இடஒதுக்கீடு கேட்டுப் போராட்டங்கள் நடக்கின்றன. அதையும் கருத்தில்கொண்டுதான், பொருளாதாரரீதியான இடஒதுக்கீட்டை காங்கிரஸ் ஆதரிக்கிறது.”

“இந்தியா போன்ற பன்முகத்தன்மையுள்ள நாட்டில், ஒரு மாநிலம் எதிர்க்கும் திட்டத்தைக் கொண்டுவருவதில் மத்திய அரசு ஏன் இத்தனை பிடிவாதம் காட்ட வேண்டும்?”

“வாஸ்தவமான பேச்சுதான். நாங்களாக இருந்தால், மத்தியில் சட்டம் கொண்டுவந்து, ‘மாநில அரசு ஏற்றுக்கொண்டால்தான் அது, அந்த மாநிலத்துக்குப் பொருந்தும்; இல்லையெனில் பொருந்தாது’ என்று திருத்தம்கொண்டு வந்திருப்போம். தமிழ்நாடு இந்தத் திருத்தத்தை ஏற்றுக்கொள்ளாமல் போகலாம். உத்தரப்பிரதேசம் ஏற்றுக்கொண்டால் அங்கு அதை அமல் செய்யலாம். ஆனால், மத்திய பி.ஜே.பி அரசு, நான் பிடித்த முயலுக்கு மூன்று கால் என்பதுபோல செயல்படுகிறது.”

“ரஃபேல் விவகாரத்தில் சி.ஏ.ஜி அறிக்கையிலேயே, ஐக்கிய முற்போக்குக் கூட்டணியைவிட 2.6 சதவிகிதம் குறைவான விலையில் விமானம் வாங்கப்பட்டுள்ளதாகச் சொல்லப்பட்டிருக்கிறதே?”

“அதில் 2.6 சதவிகிதம் என்பதே தவறு. சி.ஏ.ஜி அறிக்கையை நாடாளுமன்ற பொதுக்கணக்குக் குழுவிடம் சமர்ப்பித்து, அவர்கள் கேட்கும் கேள்விகளுக்குப் பதில் அளித்தப் பின்னர்தான், அந்த 2.6 சதவிகிதம் சரியா, தவறா என்ற முடிவுக்கு வரமுடியும். அதேபோல், அவர்கள் சமர்ப்பித்துள்ள அறிக்கையிலும் விலை குறித்து எந்தவிதமான எண்களும் குறிப்பிடப்படவில்லை. நாங்கள் போட்ட ஒப்பந்தத்தில், வங்கி உத்தரவாதம் இருந்தது. அவர்கள் போட்ட ஒப்பந்தத்தில், அது இல்லை. அதைக்கொடுத்திருந்தால், கிட்டத்தட்ட 400 - 420 கோடி ரூபாய் கூடியிருக்கும் என்று அவர்களே சொல்லியிருக்கிறார்களே...”

அ.தி.மு.க - பி.ஜே.பி - “கட்டாய கல்யாணம்போல, இது கட்டாய கூட்டணி!”

“விலையை வெளியிட்டால், நாட்டின் எதிரிகளுக்கு நமது விமானம் குறித்தத் தகவல்கள் தெரிந்துவிடும் என்று பி.ஜே.பி கூறுகிறதே?”

“இதுவரை பாதுகாப்புத் துறையில் விமானங்களே வாங்கியதில்லையா? கடந்த முப்பதாண்டுகளில் பலமுறை விமானங்களை, நீர்மூழ்கிக் கப்பல்களை வாங்கியுள்ளோம். ஆனால், ஒருமுறைகூட எண்கள் மறைக்கப்பட்டது கிடையாது. இதை நாங்கள் மட்டும் சொல்லவில்லை. கணக்காளரே அவருடைய அறிக்கையில் கூறியிருக்கிறார்.”

“இந்தத் தேர்தலில் வெற்றிபெற்றால், பணமதிப்பிழப்பு மற்றும் ஜி.எஸ்.டி-யால் ஏற்பட்ட பாதிப்புகளைச் சரிசெய்வீர்களா?”

“பணமதிப்பிழப்பை இனி எதுவும் செய்ய முடியாது. ஆனால், இந்த முடிவை யார் எடுத்தார்கள், எப்படி எடுத்தார்கள், ரிசர்வ் வங்கி எப்படி இந்த முடிவுக்குப்  பணிந்தது, சாதக, பாதகங்களை ஆராய்ந்துதான் முடிவு எடுத்தார்களா என்பதையெல்லாம் விசாரித்து, இவ்வளவு பெரிய தவற்றை இனி எந்த அரசும் எடுக்கக்கூடாது என்பதற்காக ஒரு வெள்ளை அறிக்கை தயார் செய்வோம். உலகம் முழுவதும் ஒரே வரிவிதிப்பு முறை என்பதுதான் ஜி.எஸ்.டி. இங்கு அது தலைகீழாக உள்ளது. அதனால்தான், ‘இது ஜி.எஸ்.டி அல்ல; கப்பர் சிங் டாக்ஸ்’ என்கிறார் ராகுல் காந்தி. இந்த ஜி.எஸ்.டி முறையை ரத்துசெய்து, புதிய ஜி.எஸ்.டி முறையை அமல்படுத்துவோம்.”

– ஆவுடையப்பன்
படம்: தி.விஜய்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism