Published:Updated:

சொந்தப் பணத்தை செலவு செய்வேன்! - பாரிவேந்தர் உறுதி

சொந்தப் பணத்தை செலவு செய்வேன்! - பாரிவேந்தர் உறுதி
பிரீமியம் ஸ்டோரி
News
சொந்தப் பணத்தை செலவு செய்வேன்! - பாரிவேந்தர் உறுதி

சொந்தப் பணத்தை செலவு செய்வேன்! - பாரிவேந்தர் உறுதி

சொந்தப் பணத்தை செலவு செய்வேன்! - பாரிவேந்தர் உறுதி

‘வாரிசு அரசியல் கூடாது என்பதுதான் எங்கள் அடிப்படைக் கொள்கை. எனவே ஒருபோதும் தி.மு.க-வுடன் கூட்டணி சேரமாட்டோம்’ என்று பேசிவந்த இந்திய ஜனநாயகக் கட்சி இப்போது தி.மு.க கூட்டணியில் இருக்கிறது. பெரம்பலூரில், தி.மு.க கூட்டணிக் கட்சி வேட்பாளராகக் களமிறங்கி வாக்கு வேட்டையாடிவரும் ஐ.ஜே.கே நிறுவனர் பாரிவேந்தரைச் சந்தித்தோம். 

‘‘பெரம்பலூர் தொகுதியை இரண்டாவது முறையாகத் தேர்வுசெய்ய என்ன காரணம்?’’

‘‘எனது மூதாதையர்கள் வாழ்ந்த ஊர் பெரம்பலூர். என் குலதெய்வக் கோயிலும் இங்குதான் உள்ளது. கடந்த நாடாளுமன்றத் தேர்தலில் இங்குதான் போட்டியிட்டேன். இதைவிட என்ன பரிச்சயம் வேண்டியுள்ளது? கூட்டணிக் கட்சியான தி.மு.க., ‘கள்ளக்குறிச்சி வேண்டுமா, பெரம்பலூர் வேண்டுமா?’ என்று கேட்ட போது கே.என்.நேரு, ‘நீங்கள் பெரம்பலூரில் நில்லுங்கள். கண்டிப்பாக உங்களை வெற்றிபெற வைக்கிறோம்’ என்று சொன்னார். மறுபேச்சே பேசாமல், இந்தத் தொகுதியைத் தேர்வு செய்துவிட்டேன். இத்தொகுதியின் நலத்திட்டங்களுக்காக அரசு பணத்தை மட்டும் நம்பியிருக்காமல், என் சொந்தப் பணத்தை மக்களுக்காகச் செலவுசெய்வேன். நான் வெற்றி பெற்றாலும் பெறாவிட்டாலும் இது உறுதி.’’

சொந்தப் பணத்தை செலவு செய்வேன்! - பாரிவேந்தர் உறுதி

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

‘‘எந்தத் திட்டத்தையும் பி.ஜே.பி செய்யவில்லை என்று எப்படிச் சொல்கிறீர்கள்?’’

‘‘2016-ம் ஆண்டு பணமதிப்பிழப்பு நடவடிக்கையால் மக்கள் பாதிக்கப்பட்டனர்; பலர் உயிர் இழந்தார்கள். 2017-ல் ஜி.எஸ்.டி வரியால், பாதி சுதந்திரத்தைப் பறிகொடுத்தோம். 2018-ல் கஜா புயலால் நான்கு மாவட்ட மக்கள் சாப்பாட்டுக்காகக் கையேந்தும் சூழல் வந்தது. இந்தக் கொடுமை மற்ற மாநிலங்களில் நடந்திருந்தால், பி.ஜே.பி இப்படி வாய்மூடி மௌனியாக இருந்திருக்குமா? தமிழகத்தை மட்டும் வஞ்சிக்க என்ன காரணம்? தமிழக மக்கள் நலன் சார்ந்து பல்வேறு திட்டங்களை நிறைவேற்றச் சொல்லி பி.ஜே.பி தலைவர்களிடம் வலியுறுத்தினேன். ஆனால், நடவடிக்கை எதுவும் இல்லை. அதனால்தான், கூட்டணியிலிருந்தே வெளியேறினேன்.’’

‘‘கமலுடன் இணைந்து போட்டியிடப் போவதாக அறிவித்த நீங்கள், தி.மு.க-வோடு கூட்டணிவைக்க என்ன காரணம்?’’

‘‘பொதுக்குழு கூட்டி நிர்வாகிகளிடம் பேசினேன். அதில் 90 சதவிகிதம் பேர் தி.மு.க-வுடன் கூட்டணி வைக்க அறிவுறுத்தினார்கள்.’’

‘‘அ.தி.மு.க-வினர், ‘சென்னைவாசிக்கு வாக்கு அளிக்காதீர்கள். உங்கள் பிரச்னைகள் தீராது’ என்று பிரசாரம் செய்கிறார்களே?’’

‘‘பெரம்பலூரிலேயே வீடு எடுத்துத் தங்க இருக்கிறேன். அத்துடன், ஆறு தொகுதிகளிலும் கட்சி அலுவலகம் திறக்கப்படும். அங்கு கொடுக்கப்படும் மனுக்கள் மீது உடனடியாக நடவடிக்கை எடுக்கப்படும். அதேபோல் வாரத்துக்கு மூன்று நாள்கள் மக்களைத் தேடிச் செல்ல இருக்கிறேன். கட்டணம் இல்லா தொலைபேசி எண்  வசதி செய்து கொடுக்க உள்ளேன். அதன் மூலம் மக்கள் எப்போது வேண்டுமானாலும், தங்கள் குறைகளை என்னிடம் தெரிவிக்க முடியும்!’’

- எம்.திலீபன்
படம்: என்.ஜி.மணிகண்டன்