Published:Updated:

திருவாரூரை தக்க வைக்குமா தி.மு.க?

ஒட்டுமொத்த விகடனுக்கும் ஒரே ஷார்ட்கட்

Use App
திருவாரூரை தக்க வைக்குமா தி.மு.க?
திருவாரூரை தக்க வைக்குமா தி.மு.க?

- திருவாரூர்

பிரீமியம் ஸ்டோரி
திருவாரூரை தக்க வைக்குமா தி.மு.க?

றைந்த தி.மு.க தலைவர் கருணாநிதியின் சொந்தத் தொகுதி என்பதால், மக்களுக்கும் தி.மு.க-வுக்கும் இடையே பாசப்பிணப்பு இருக்கிறது. அவரது மறைவையொட்டி நடைபெறும் இந்த இடைத்தேர்தலில், தி.மு.க சார்பில் மாவட்டச் செயலாளர் பூண்டி கலைவாணன் போட்டியிடுகிறார். அ.தி.மு.க- வேட்பாளராக முன்னாள் அமைச்சர் ஜீவானந்தமும், அ.ம.மு.க சார்பில், எஸ்.காமராஜும் போட்டியிடுகின்றனர்.

பூண்டி கலைவாணன் குடும்பம் நீண்டகாலமாக அரசியல் களத்தில் இருப்பதால், தொகுதி மக்களுக்கு இவர் நன்கு பரிச்சயம். தி.மு.க கூட்டணிக் கட்சிகளும் இங்கு ஓரளவு செல்வாக்குடன் இருப்பது, கூடுதல் பலம். தி.மு.க சார்பில் தேர்தல் செலவுகளுக்குத் பெரிய அளவில் பணம் இல்லாதது, மைனஸ்.

‘‘மத்தியப் பல்கலைக்கழகம், மருத்துவக் கல்லூரி என இத்தொகுதிக்கு தி.மு.க நிறையச் செய்துள்ளது. எங்கள்மீது திருவாரூர் மக்களுக்கு எப்போதுமே நம்பிக்கை அதிகம். ஐம்பதாயிரம் வாக்குகள் வித்தியாசத்தில் வெற்றி பெறுவோம்’’ என்கிறார் கலைவாணன்.

அ.ம.மு.க வேட்பாளர் எஸ்.காமராஜ், பணபலம் படைத்தவர். இது டி.டி.வி தினகரனின் சொந்த மாவட்டம். தவிர, தினகரனுக்கு எதிராகச் செயல்படும் திவாகரனுக்கு இங்கு செல்வாக்கு இல்லை என்பதை நிரூபிக்க, எப்படியாவது இங்கு வெற்றி பெற்றே ஆகவேண்டும் என்பதில் அ.ம.மு.க உறுதியாக உள்ளது. நம்மிடம் பேசிய எஸ்.காமராஜ், ‘‘மீத்தேன், ஹைட்ரோ கார்பன் திட்டத்தை, தினகரன் கடுமையாக எதிர்க்கிறார். இதனால், திருவாரூர் மக்கள் எங்களை நேசிக்கிறார்கள். முஸ்லிம், கிறிஸ்துவர் களின் வாக்குகளும் எங்களுக்குத்தான் கிடைக்கும். மாபெரும் வெற்றிபெறுவோம்’’ என்றார்.

திருவாரூரை தக்க வைக்குமா தி.மு.க?

அ.தி.மு.க வேட்பாளர் ஜீவானந்தம் இந்த மாவட்டத்தைச் சேர்ந்தவர் அல்ல என்பது மைனஸ். ஹைட்ரோ கார்பன் திட்டத்தை செயல்படுத்த மத்திய அரசு தீவிரம் காட்டி வருவதால், மக்கள் கடும் அதிருப்தியில் இருக்கிறார்கள்.

அ.தி.மு.க கூட்டணிக் கட்சிகளும் இங்கு உயிர்ப்புடன் இல்லை. ஜீவானந்தமோ, ‘‘நான் எளிமையானவன். எப்போது வேண்டுமானாலும் மக்கள் என்னைச் சந்திக்க முடியும். வெற்றி எனக்கே’’ என்றார்.

திருவாரூரைப் பொறுத்தவரை தி.மு.க-வுக்கும் அ.ம.மு.க-வுக்கும் இடையில்தான் கடுமையான போட்டி. இதில், தொகுதியைத் தக்கவைக்கத் தீவிரமாக வேலை பார்க்கிறது தி.மு.க.

- கு.ராமகிருஷ்ணன்
படங்கள்: க.சதீஸ்குமார்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு