Published:Updated:

பெரியகுளத்தில், கரையேறுமா தி.மு.க?

பெரியகுளத்தில், கரையேறுமா தி.மு.க?
பிரீமியம் ஸ்டோரி
News
பெரியகுளத்தில், கரையேறுமா தி.மு.க?

- பெரியகுளம் (தனி)

பெரியகுளத்தில், கரையேறுமா தி.மு.க?

ங்கு அ.தி.மு.க சார்பில் மயில்வேல், தி.மு.க சார்பில் சரவணக்குமார் போட்டியிடுகின்றனர். கடந்த சட்டமன்றத் தேர்தலில், அ.தி.மு.க சார்பில் வெற்றிபெற்று, தினகரன் அணிக்குத் தாவியதால் தகுதிநீக்கம் செய்யப்பட்ட டாக்டர் கதிர்காமு அ.ம.மு.க சார்பில் போட்டியிடுகிறார். 

தனித்தொகுதி என்பதால் பெரியகுளத்தில் பட்டியல் சமூக ஓட்டுகளே தேர்தல் முடிவுகளைத் தீர்மானிக்கின்றன. தவிர தேனியின் அல்லிநகரம்வரை தொகுதியின் எல்லை இருப்பதால், அல்லிநகரத்தில் உள்ள பட்டியல் சமூக வாக்குவங்கியை இழக்க மனமில்லாத அ.தி.மு.க மற்றும் தி.மு.க இருகட்சிகளுமே, அல்லிநகரத்தைச் சேர்ந்த வேட்பாளர்களையே களத்தில் இறக்கியிருக்கின்றன.

பெரியகுளத்தில், கரையேறுமா தி.மு.க?

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

இதுவரை பெரியகுளம் தொகுதியில் ஏழுமுறை வெற்றிபெற்றிருக் கிறது அ.தி.மு.க. துணைமுதல்வர் ஓ.பன்னீர்செல்வத்தின் சொந்த ஊர் பெரியகுளம். இவை மயில்வேலுக்குப் பலம். ஆனால், இப்போதைய ஆட்சிமீது மக்கள் அதிருப்தியில் இருக்கிறார்கள். கடந்தமுறை கதிர்காமு வெற்றிபெற்றபோது பன்னீர்செல்வத்துக்கு இருந்த இமேஜ், இப்போது இல்லை. இது இவருக்கான பலவீனம். கட்சி நிகழ்ச்சிகளுக்குப் பந்தல்போடுபவரான மயில்வேல், வேட்பாளர் அறிவிப்பு வந்த நாளன்றும் கட்சி நிகழ்ச்சிக்காகப் பந்தல் போட்டுக்கொண்டிருந்தார். “ஒரு சாதாரண அடிப்படைத் தொண்டனுக்கும் சீட் கொடுப்பது அ.தி.மு.க-வில் மட்டும்தான் நடக்கும். எனக்கு எல்லாம் அண்ணன் ஓ.பி.எஸ்-தான். அவருடையே பெயர் ஒன்றே போதும். எனக்கு வெற்றி நிச்சயம்’’ என்கிறார் மயில்வேல்.

பெரியகுளத்தில், கரையேறுமா தி.மு.க?

இங்கு ஐந்து முறை வெற்றிபெற்றிருக்கிறது தி.மு.க. இந்த முறை அ.தி.மு.க இரண்டாகப் பிரிந்துகிடப்பது, தி.மு.க-வுக்கு பலம். தி.மு.க வேட்பாளர் சரவணக்குமார், ‘‘சோத்துப்பாறை அணையைக்கட்டியது தி.மு.க. பேருந்துநிலையம் கொண்டுவந்தது தி.மு.க. இப்படி பெரியகுளத்தின் வளர்ச்சிக்காக அனைத்தையும் செய்துகொடுத்தது தி.மு.க மட்டுமே. அதைப் பெரியகுளம் மக்கள் நன்கு அறிவார்கள். அதை முன்வைத்துத்தான் வாக்குச் சேகரிக்கிறேன். நிச்சயம் வெற்றிபெறுவேன்” என்கிறார்.

செல்வாக்கும் இல்லாமல்...  அதிருப்தியும் இல்லாமல்... மந்தமாக ஓடிக்கொண்டிருக்கிறது அ.ம.மு.க. ‘‘டி.டி.வி.தினகரன் பெரியகுளம் எம்.பி-யாக இருந்தபோது, செயல்படுத்திய வளர்ச்சிப் பணிகளை மக்கள் மறந்துவிட மாட்டார்கள். எனவே, இந்த முறை எனக்கு வெற்றி வாய்ப்பு அதிகம்” என்கிறார் அ.ம.மு.க வேட்பாளர் கதிர்காமு.அ.தி.மு.க-வின் ஓட்டுகள் பிரிவது, தி.மு.க தரப்புக்கு நம்பிக்கையைக் கொடுத்திருக்கிறது!

- எம்.கணேஷ்
படங்கள்: வீ.சக்தி அருணகிரி