Published:Updated:

மும்மொழி தொகுதியில் முன்னேற்றம் யாருக்கு? - ஓசூர்

மும்மொழி தொகுதியில் முன்னேற்றம் யாருக்கு? - ஓசூர்
பிரீமியம் ஸ்டோரி
News
மும்மொழி தொகுதியில் முன்னேற்றம் யாருக்கு? - ஓசூர்

மும்மொழி தொகுதியில் முன்னேற்றம் யாருக்கு? - ஓசூர்

மும்மொழி தொகுதியில் முன்னேற்றம் யாருக்கு? - ஓசூர்

சூர் தொகுதியின் எம்.எல்.ஏ-வாக இருந்த, விளையாட்டுத்துறை அமைச்சரான பாலகிருஷ்ண ரெட்டி 1998-ல் பாகலூரில் கள்ளச்சாராயத்துக்கு எதிரான போராட்டத்தில் அரசு வாகனங்களை எரித்த வழக்கில் சிக்கினார். சிறப்பு நீதிமன்றம் அவருக்கு மூன்று ஆண்டுகள் சிறைத் தண்டனை விதித்ததால், எம்.எல்.ஏ பதவியை இழந்தார். இதைத்தொடர்ந்தே  ஒசூர் சட்டமன்றத் தொகுதிக்கு இடைத்தேர்தல் அறிவிக்கப்பட்டுள்ளது. 

இங்கு அ.தி.மு.க சார்பில் பாலகிருஷ்ண ரெட்டியின் மனைவி ஜோதி, தி.மு.க சார்பில் ஓசூர் நகரச் செயலாளர் சத்யா, அ.ம.மு.க சார்பில் பெங்களூர் புகழேந்தியும் போட்டியிடுகின்றனர். ஓசூர் சட்டமன்றத் தொகுதி தமிழகம், கர்நாடகம், ஆந்திரம் ஆகிய மூன்று மாநில எல்லையில் அமைந்துள்ளதால், தமிழ், தெலுங்கு கன்னடம் என்று மும்மொழி பேசும் மக்கள் கணிசமாக வசிக்கிறார்கள். தேர்தல் முடிவுகளைத் தீர்மானிப்பதும் இவர்களே.

மும்மொழி தொகுதியில் முன்னேற்றம் யாருக்கு? - ஓசூர்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

அ.தி.மு.க வேட்பாளர் ஜோதி படித்தவர். தெலுங்குபேசும் மக்களின் செல்வாக்கு அவருக்கு உண்டு. தாராளமாகச் செலவு செய்யக்கூடியவர் என்பதும் இவருக்கான சாதகங்கள். அதேசமயம் கே.பி.முனுசாமியின் ஆதரவாளர்கள், பாலகிருஷ்ண ரெட்டியின் மனைவிக்கு சீட் கொடுத்ததை விரும்பவில்லை. இது இவருக்குப் பாதகம். ஜோதியிடம் பேசினோம். ‘‘தேர்தல் எனக்குப் புதிதல்ல. முன்பே உள்ளாட்சி தேர்தலில் போட்டியிட்டுள்ளேன். கணவருக்காக வீடு வீடாகச் சென்று ஓட்டு சேகரித்தேன். மக்கள் எனக்குத்தான் ஓட்டுபோடுவார்கள்’’ என்றார்.

ஓசூர் நகரச் செயலாளரான சத்யா 2006-ல் கே.பி.முனுசாமியின் ஆதரவில் ஓசூர் நகராட்சித் தலைவர் ஆனார். ஆனால், ஜெயலலிதாவால் கட்சியைவிட்டு நீக்கப்பட்டதும், தி.மு.க-வில் இணைந்து தலைவர் பதவியைப் பாதுகாத்துக்கொண்டார். அதன் பின்பே மக்களால் அறியக் கூடிய நபராக மாறினார். மத்திய, மாநில அரசுகள்மீதுள்ள அதிருப்தி  தி.மு.க-வுக்கு பலம். சமீபத்தில் தி.மு.க-விலிருந்து நீக்கப்பட்ட முன்னாள் நகரச் செயலாளர் மாதேஸ்வரன், சுயேச்சையாகப் போட்டியிட மனுத்தாக்கல் செய்தார். சுதாரித்துக்கொண்ட தலைமை அவரிடம் பேசி, கட்சியில் சேர்த்துக்கொண்டது. இதனால், தன் மனுவை அவர் வாபஸ் வாங்கியது மட்டுமின்றி சத்யாவுக்கு ஆதரவாக களமிறங்கியிருக்கிறார். இதனால், சத்யாவுக்கு வந்த ஆபத்து நீங்கியதாகச் சொல்கிறார்கள் உடன்பிறப்புகள்.

மும்மொழி தொகுதியில் முன்னேற்றம் யாருக்கு? - ஓசூர்

தி.மு.க வேட்பாளர் சத்யா, ‘‘தி.மு.க ஆட்சியில் ஒகேனக்கல் கூட்டுக் குடிநீர் திட்டம், ரிங்ரோடு, சிப்காட், கெலவரப்பள்ளி அணை, ஓசூர் பேருந்து நிலையம், மண் சாலைகளை 40 கோடி ரூபாய் மதிப்பில் தார்ச்சாலையாக மாற்றி அமைத்தது என்று நிறையவே செய்திருக்கிறோம். இவை எல்லாம் எங்கள் பலம்” என்றார்.

அ.ம.மு.க-வுக்கு ஓசூரில் பெரியளவில் செல்வாக்கு இல்லை. இருந்தாலும் அவர்களால் அ.தி.மு.க-வுக்குத்தான் பாதிப்பு. இவை எல்லாம் தி.மு.க தரப்பை உற்சாகம் அடைய வைத்திருக்கிறது.

- எம்.வடிவேல்
படங்கள்: வ.யஷ்வந்த்