Published:Updated:

திரிசங்கு நிலையில் பாப்பிரெட்டிப்பட்டி!

திரிசங்கு நிலையில் பாப்பிரெட்டிப்பட்டி!
பிரீமியம் ஸ்டோரி
News
திரிசங்கு நிலையில் பாப்பிரெட்டிப்பட்டி!

பாப்பிரெட்டிப்பட்டி

திரிசங்கு நிலையில் பாப்பிரெட்டிப்பட்டி!

ங்கு அ.தி.மு.க சார்பில் கோவிந்தசாமியும், தி.மு.க சார்பில் ஆ.மணியும்  போட்டியிடுகிறார்கள். கடந்த சட்டமன்றத் தேர்தலில் அ.தி.மு.க சார்பில் இங்கு போட்டியிட்டு வெற்றிபெற்ற பழனியப்பன், தினகரன் அணிக்குத் தாவியதால் தகுதிநீக்கம் செய்யப்பட்டார். தற்போது பழனியப்பன், தர்மபுரி நாடாளுமன்றத் தொகுதியில் போட்டியிடுவதால் அ.ம.மு.க சார்பில், வன்னியர் சமூகத்தைச் சேர்ந்த டி.கே.ராஜேந்திரன் போட்டியிடுகிறார்.

அ.தி.மு.க வேட்பாளர் கோவிந்தசாமி, தன் ஆதரவாளர் என்பதால், எப்படியாவது வெற்றிபெற வைத்துவிட வேண்டும் என்று அமைச்சர் கே.பி.அன்பழகன் தீவிரம் காட்டிவருகிறார். பணம் தண்ணீராக ஓடுகிறது. ஆனாலும், அதையும் தாண்டி வெள்ளமாகப்பாய்கிறது எடப்பாடி பழனிசாமி ஆட்சியின் மீதான அதிருப்தி. அ.தி.மு.க வேட்பாளர் கோவிந்தசாமியிடம் பேசினோம். ‘‘அதிருப்தி என்பதெல்லாம் மிகைப்படுத்தப்பட்ட கற்பனை. இந்த ஆட்சிமீது மக்கள் நம்பிக்கை வைத்துள்ளார்கள். என் வெற்றி உறுதி செய்யப்பட்டுவிட்டது’’ என்றார்.

திரிசங்கு நிலையில் பாப்பிரெட்டிப்பட்டி!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

திமு.க-வில் பாலக்கோடு தொகுதியைச் சேர்ந்த ஆ.மணி எதிர்பார்த்தது, தர்மபுரி நாடாளுமன்றத் தொகுதி. ஆனால், அதை செந்தில்குமார் தட்டிப்பறித்துவிட்டதால், ஆ.மணிக்கு தி.மு.க தலைமை, பாப்பிரெட்டிபட்டி தொகுதியில் போட்டியிட வாய்ப்பைக் கொடுத்திருக்கிறது. எனவே, தொகுதியில் கட்சி ஓட்டுகளைத் தாண்டி மற்ற வாக்குகளைப்பெறுவது சிரமம்தான். கட்சித் தலைவர் ஸ்டாலின் தன்னைக் கடுமையான வார்த்தைகளால் காயப்படுத்திவிட்டார் என்று கடும் கொந்தளிப்பில் இருக்கிறார் மாவட்டத்தின் தி.மு.க சீனியரான முல்லைவேந்தன். அவர் முறுக்கிக்கொண்டு ஒதுங்கியிருப்பது, ஆ.மணிக்குப் பலவீனம். வேட்பாளர் ஆ.மணியிடம் பேசினோம். ‘‘தி.மு.க ஆட்சியில் தர்மபுரி மாவட்டத்துக்குக் கிடைத்த மருத்துவக் கல்லூரி, மாவட்ட மக்களின் தாகத்தைத் தீர்த்த ஒகேனக்கல் கூட்டுக் குடிநீர் திட்டத்தையும் எடுத்துச் சொல்லி மக்களிடம் வாக்குக் கேட்பேன். நிச்சயம் வெற்றிபெறுவேன்’’ என்றார்.

தர்மபுரியில் கல்லூரி மாணவிகள் பஸ் எரிப்பு வழக்கில், ஏ-1 குற்றவாளியாகத் தண்டனை அனுபவித்துவிட்டு வெளியே வந்திருக்கும் டி.கே.ராஜேந்திரனுக்கு அந்த இமேஜ்தான் மைனஸ். மனிதர் தண்ணீராகப் பணத்தைச் செலவு செய்கிறார். டி.கே.ராஜேந்திரனிடம் பேசினோம். ‘‘ஜெயலலிதா ஆட்சியின்போது கொண்டுவந்தத் திட்டங்களை எடப்பாடி பழனிசாமியும், அமைச்சர் கே.பி.அன்பழகனும் முடக்கிவைத்துள்ளனர். அதை மக்களிடம் எடுத்துக்கூறி, வாக்குச் சேகரிக்கிறேன். வெற்றி எங்களுக்கே” என்றார் நம்பிக்கையுடன்.

போட்டிக் கடுமையாக இருப்பதால் திரிசங்கு நிலையில் இருக்கிறது பாப்பிரெட்டிப்பட்டி!

- எம்.வடிவேல்
படங்கள்: வ.யஷ்வந்த்