Published:Updated:

தேவை ‘சர்ஜிக்கல்’ ரெய்டு!

தேவை ‘சர்ஜிக்கல்’ ரெய்டு!
பிரீமியம் ஸ்டோரி
தேவை ‘சர்ஜிக்கல்’ ரெய்டு!

தேவை ‘சர்ஜிக்கல்’ ரெய்டு!

தேவை ‘சர்ஜிக்கல்’ ரெய்டு!

தேவை ‘சர்ஜிக்கல்’ ரெய்டு!

Published:Updated:
தேவை ‘சர்ஜிக்கல்’ ரெய்டு!
பிரீமியம் ஸ்டோரி
தேவை ‘சர்ஜிக்கல்’ ரெய்டு!

தேர்தலையொட்டி ‘அதிகப் பணம் புழங்கும் தொகுதிகள்’ என்று தேர்தல் ஆணையம் அடையாளம் கண்டிருக்கும் தொகுதிகளில் மற்ற மாநிலங்களைக் காட்டிலும் தமிழகம்தான் மோசமாக இருக்கிறது. தமிழகத்தில் 39 தொகுதிகளுமே ‘அதிக பணம் புழங்கும் தொகுதிகள்’ என்று இனம்காணப்பட்டுள்ளது. நாடு முழுவதும் தேர்தல் ஆணையம் நடத்திவரும் சோதனைகளில் சிக்கிய பணத்தை அளவுகோலாக வைத்துப் பார்த்தால்கூட, பணம் மற்றும் பரிசுப்பொருட்கள் தமிழகத்தில்தான் அதிகமாகக் கைப்பற்றப்பட்டிருக்கின்றன.

தேவை ‘சர்ஜிக்கல்’ ரெய்டு!

மக்களுக்காக உண்மையாக உழைத்திருந்தால், மக்களின் நலன்களைப் பேணியிருந்தால் பணம் கொடுத்து வாக்குகளை விலைபேச வேண்டிய அவசியம் எந்தக் கட்சிக்கும் இருந்திருக்காது. வாக்குக்கு பணம் கொடுக்கும் விஷயத்தில் திருமங்கலம் தொடங்கி, ஆர்.கே.நகர் வரை தி.மு.க.வும் அ.தி.மு.க.வும் மோசமான முன்னுதாரணங்களை ஏற்படுத்தி, தமிழகத்துக்கு அவப்பெயரையே சம்பாதித்து வைத்துள்ளன.

இந்நிலையில், வருமானவரித்துறை மூலமாக வேட்பாளர்கள், அரசியல் கட்சிக்காரர்கள் என்று பலருடைய இடங்களிலும் அதிரடி ரெய்டு ஆரம்பித்திருப்பது, பலருடைய வயிற்றிலும் புளியைக் கரைத்துள்ளது. திடீர் திடீர் என்று சோதனைபோட்டு பணத்தையும் ஆவணங்களையும் அள்ளி அவர்களையெல்லாம் கலங்கவும் வைத்துள்ளனர். சோதனைகளில் சிக்கிக் கொண்டிருக்கும் வேட்பாளர்களும் அவர் சார்ந்த கட்சியினரும்... ‘எதிர்க்கட்சியினரை மட்டுமே குறிவைத்து இப்படியான நடவடிக்கைகள் எடுக்கப்படுகின்றன’  என்று போர்க்குரல் கொடுக்க ஆரம்பித்துவிட்டனர்.

வாக்காளர்களுக்குப் பணத்தைக் கொடுக்கும் கேவலமான செயலை முற்றாக ஒழிப்பதற்கு இதுபோன்ற ரெய்டுகள் நிச்சயமாக உதவும். ஆனால்,  ‘ சீப்பை ஒளித்துவிட்டால் கல்யாணம் நின்றுவிடுமா’ என்பது போல, ஒரு சில வேட்பாளர்கள் மற்றும் அவர்கள் சார்ந்த இடங்களில் மட்டும் ரெய்டு நடத்துவதோடு நின்றுவிடாமல், ஒட்டுமொத்தமாக ஆளுங்கட்சி, எதிர்க்கட்சி, பசையான கட்சி என்று அனைவரையும் குறிவைத்து ‘சர்ஜிக்கல் ரெய்டு’ நடத்தவேண்டும். அதுதான், பணநாயகத்தை முற்றாக ஒழித்துக்கட்டி,  ஜனநாயகத்தை அரியணை ஏற்றும்!

மேலும் வாக்காளர்களுக்குப் பணம் அளிக்கும் வேட்பாளர் வாழ்நாள் முழுவதும் தேர்தலில் போட்டியிடத் தடை, சொத்துகள் பறிமுதல், இத்தகைய வழக்குகளில் சிக்கும் அதிகமான வேட்பாளர்களைக் கொண்ட கட்சிகளுக்குத் தேர்தலில் நிற்கத் தடை போன்ற கடுமையான நடவடிக்கைகள் தேவை.

நடக்கவிருக்கும் பொதுத்தேர்தல், தேர்தல் ஆணையத்துக்கு ஓர் அக்னிப் பரீட்சையே. ‘வானளாவிய அதிகாரங்கள் கொண்ட, சுயேட்சையான அமைப்புதான் தேர்தல் ஆணையம்’ என்பதை நிரூபிப்பதற்கான கடைசி வாய்ப்பும் இதுவே!

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism