Published:Updated:

“இந்தத் தேர்தலுக்குப் பிறகு அ.தி.மு.க அரசு நீடிக்காது!’’ - உதயநிதி உற்சாகம்...

“இந்தத் தேர்தலுக்குப் பிறகு அ.தி.மு.க அரசு நீடிக்காது!’’ - உதயநிதி உற்சாகம்...
பிரீமியம் ஸ்டோரி
“இந்தத் தேர்தலுக்குப் பிறகு அ.தி.மு.க அரசு நீடிக்காது!’’ - உதயநிதி உற்சாகம்...

“இந்தத் தேர்தலுக்குப் பிறகு அ.தி.மு.க அரசு நீடிக்காது!’’ - உதயநிதி உற்சாகம்...

“இந்தத் தேர்தலுக்குப் பிறகு அ.தி.மு.க அரசு நீடிக்காது!’’ - உதயநிதி உற்சாகம்...

“இந்தத் தேர்தலுக்குப் பிறகு அ.தி.மு.க அரசு நீடிக்காது!’’ - உதயநிதி உற்சாகம்...

Published:Updated:
“இந்தத் தேர்தலுக்குப் பிறகு அ.தி.மு.க அரசு நீடிக்காது!’’ - உதயநிதி உற்சாகம்...
பிரீமியம் ஸ்டோரி
“இந்தத் தேர்தலுக்குப் பிறகு அ.தி.மு.க அரசு நீடிக்காது!’’ - உதயநிதி உற்சாகம்...
“இந்தத் தேர்தலுக்குப் பிறகு அ.தி.மு.க அரசு நீடிக்காது!’’ - உதயநிதி உற்சாகம்...

சினிமா நட்சத்திரங்களின் பிரசாரம் இந்தத் தேர்தலில் பெரிதாக இல்லாத நிலையில், தி.மு.க-வின் ஸ்டார் பேச்சாளராகவும் ஸ்டாலினின் வாரிசு என்கிற அடையாளத்துடனும் தீவிரப் பிரசாரத்தில் ஈடுபட்டுவருகிறார் உதயநிதி ஸ்டாலின். தேர்தல் நிலவரம் குறித்தும், தி.மு.க கூட்டணியின் வெற்றிவாய்ப்பு குறித்தும் அவரிடம் சில கேள்விகளை முன்வைத்தோம்.

‘‘தி.மு.க கூட்டணியின் வெற்றிவாய்ப்பு இந்தத் தேர்தலில் எப்படி இருக்கிறது?’’

‘‘பிரகாசமாக இருக்கிறது. தமிழக மக்கள் எடப்பாடி பழனிசாமிமீதும், மோடிமீதும் கொந்தளிப்பில் இருக்கிறார்கள். ஜி.எஸ்.டி, பணமதிப்பிழப்பு போன்ற விஷயங்களை மக்கள் மறக்கவில்லை. ஒவ்வொரு தொகுதியிலும் தி.மு.க வேட்பாளருக்கு, மக்களிடம் கிடைக்கும் ஆதரவைப் பார்த்தால் இந்தத் தேர்தலில், 2004-ம் ஆண்டு தேர்தலைப்போலவே அனைத்துத் தொகுதிகளையும் தி.மு.க கூட்டணி வென்றுவிடும் என்ற நம்பிக்கை ஏற்படுகிறது.’’

‘‘கருணாநிதி இருந்தவரைத் தேர்தல் பிரசாரத்தில் ஈடுபடாத நீங்கள், இப்போது பிரசாரத்தில் இறங்கக் காரணம் என்ன?’’

‘‘தாத்தா இருந்தபோதே துறைமுகம், ஆயிரம்விளக்கு போன்ற தொகுதிகளில் பிரசாரம் செய்துள்ளேன். ஆனால், இந்த முறைதான் முழு அளவில் பிரசாரத்தில் இறங்கியுள்ளேன். அப்பா தலைவரானபிறகு அவரால் அனைத்து இடங்களுக்கும் செல்லமுடியாத நிலை இருக்கிறது. அவருக்கு உதவியாக கிராம சபைக் கூட்டங்களுக்குச் சென்றேன். அதன் தொடர்ச்சி யாகப் பிரசாரத்துக்கும் செல்கிறேன்.’’

“இந்தத் தேர்தலுக்குப் பிறகு அ.தி.மு.க அரசு நீடிக்காது!’’ - உதயநிதி உற்சாகம்...

ஒட்டுமொத்த விகடனுக்கும் ஒரே ஷார்ட்கட்!

‘‘தளபதியாக இருந்த ஸ்டாலின், தி.மு.க தலைவராகிவிட்டார். அடுத்த தளபதி நீங்களா?’’

‘‘அய்யய்யோ... அப்பாவின் உழைப்பால் கிடைத்தது தளபதிப் பட்டம். அவருடைய உழைப்புக்கு அருகில்கூட நான் நெருங்கமுடியாது. நான் தளபதியாக ஒருபோதும் விரும்பவில்லை. அது அப்பாவுக்கு மட்டுமே உரியப் பட்டம்.’’

‘‘வாரிசு அரசியல் தி.மு.க-வில் தொடர்ந்துகொண்டே இருக்கிறது. இப்போது உங்களை முன்வைத்தும் அந்த விமர்சனம் எழுகிறதே?’’

‘‘பத்து ஆண்டுகளாகவே நான் கட்சியில் பதவிக்கு வரப்போவதாகச் சொல்லிவருகிறார்கள். ஆனால், எந்தப் பதவியையும் நான் வாங்கவில்லை. எந்தத் தேர்தலிலும் போட்டியிட விருப்பமனு கொடுத்ததில்லை. வாரிசு அரசியல் தி.மு.க-வில் இருப்பதாகச் சொல்லப்படுவது ஒரு பிம்பம்தானே தவிர, உண்மை அல்ல.’’

‘‘உங்களைப்பற்றிச் சமூக வலைத்தளங்களில் வரும் மீம்ஸ்களைப் பார்ப்பது உண்டா?’’

‘‘நான் பாசிட்டிவ் கருத்துகளை ஏற்றுக்கொள்பவன். மீம்ஸ்களைப் பெரும்பாலும் கண்டுகொள்வதில்லை. என்னைப்பற்றிய நல்ல விமர்சனங்களை ஏற்றுக்கொள்வேன். அதேநேரம் எனது பிரசாரத்தில் மக்கள் கூட்டம், கூட்டமாக வந்து என்னைச் சந்திக்கிறார்கள். அப்படி இருக்கும்போது, இந்த விமர்சனங்கள் எனக்குப் பெரிதாகத் தெரிவதில்லை.’’

‘‘தி.மு.க-வின் தலைவராக ஸ்டாலினின் செயல்பாடு எப்படி உள்ளது?’’

‘‘நன்றாக உள்ளது. தமிழ்நாட்டின் அனைத்துப் பிரச்னைகளுக்கும் போராட்டம் நடத்துகிறார். மக்கள் பிரச்னைகளுக்குத் தொடர்ந்து குரல் கொடுக்கிறார். தி.மு.க மட்டுமல்லாமல், பிற எதிர்க்கட்சிகளையும் அரவணைத்துப் போராட்டக் களத்துக்குக் கொண்டுவருகிறார். இந்தத் தேர்தலில், கலைஞரைப் போன்றே அருமையாகக் கூட்டணியை அமைத்துள்ளார். தலைவராகப் பொறுப்பேற்றப் பிறகு அவர் சந்திக்கும் முதல் தேர்தல் இது. இந்தத் தேர்தலிலும் அவர் தன்னை நிரூபித்துக்காட்டுவார்.’’

‘‘தமிழகத்தில் முப்பது இடங்களில் அ.தி.மு.க கூட்டணி வெற்றிபெறும் என்று அமித்ஷா கூறியுள்ளாரே?’’

‘‘அவருக்குக் கள நிலவரம் தெரியவில்லை. அவ்வளவு ஏன்? அவர்கள் கட்சிக்காரர்களிடம் கேட்டாலே உண்மை தெரிந்து விடும். அவர்கள் அமைத்துள்ள கூட்டணியே ப்ளாக்மெயில் கூட்டணி. அந்தக் கூட்டணி எப்படி இத்தனை தொகுதிகளை வெல்லும் என்று அவர் நினைக்கிறார் என்று புரியவில்லை.’’

‘‘வருமானவரித் துறை சோதனைகளில் தி.மு.க-வினர் சிக்கி வருவது, தி.மு.க-வின் வெற்றியை பாதிக்கும்தானே?’’

‘‘மத்திய அரசு ஐ.டி, சி.பி.ஐ-யை கையில் வைத்துக்கொண்டு, எதிர்க்கட்சிகளை ஒடுக்கப்பார்க்கிறது. துரைமுருகன் வீட்டில் சோதனை நடத்தியவர்கள், வேலுமணி வீட்டில் நடத்தாதது ஏன்? தமிழகம் முழுவதுக்கும் அங்கிருந்துதான் பணம் செல்கிறது. எங்களை இதுபோன்று மிரட்டித் தேர்தல் பணிகளில் தொய்வு ஏற்படுத்தப் பார்க்கிறார்கள். இவர்கள் ஆட்சியே இன்னும் சில நாள்கள்தான் நீடிக்கப்போகிறது. அதற்குள் இத்தனை அராஜகத்தைக் கட்டவிழ்த்துவிடுகிறார்கள்.’’

‘‘இந்தத் தேர்தலுக்குப் பிறகு தமிழகத்தில் ஆட்சி மாற்றம்வரும் என்று ஸ்டாலின் சொல்லிவருகிறாரே?’’

‘‘ஆமாம். மோடி இருக்கும்வரை மட்டுமே தமிழகத்தில் இந்த ஆட்சித் தொடரும். அவர் பதவி பறிபோனால், இந்த ஆட்சியை யாராலும் காப்பாற்ற முடியாது. அதைத் தாண்டி 18 சட்டமன்றத் தொகுதிகளுக்கான தேர்தலிலும் தி.மு.க மகத்தான வெற்றியைப்பெறும். அதனால், இந்தத் தேர்தலுக்குப் பிறகு அ.தி.மு.க அரசு நீடிக்க வாய்ப்பே இல்லை.’’

‘‘காங்கிரஸின் தேர்தல் அறிக்கையைப் பற்றி?’’

‘‘நாங்கள் தேர்தல் அறிக்கையில் குறிப்பிட்ட விஷயங்களை காங்கிரஸ் கட்சியும் சொல்லியுள்ளது வரவேற்கத்தக்கது. நாங்கள் தேர்தல் அறிக்கையில் நீட் விலக்கு என்று சொன்னபோது, ‘மத்தியில் தி.மு.க கட்சியா ஆளப்போகிறது...’ என்று கிண்டல் செய்தார்கள். இப்போது எங்கள் கருத்தையே காங்கிரஸும் சொல்லிவிட்டது. இதற்கு அவர்கள் என்ன பதில் சொல்வார்கள்?’’

- அ.சையது அபுதாஹிர்
படம்: ப.கதிரவன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism